O le Tusi i Kerisiano Eperu 8:1-13
8 O le manatu autū lenei o mea o loo matou fai atu ai: Ua iā i tatou se ositaulaga sili faapena,+ ma ua nofo o ia i le itu taumatau o le nofoālii o lana Afioga Mamalu i le lagi,+
2 o se auauna* o le mea paia+ ma le faleʻie moni, lea na faatūina e Ieova* ae e lē o tagata.
3 Auā ua tofia ositaulaga sili uma e ofo atu meaalofa ma taulaga; o le mea lea e tatau ai foʻi ona iā te ia se mea e ofo atu e fai ma taulaga.+
4 Pe ana iai pea o ia i le lalolagi, semanū e lē o ia o se ositaulaga,+ auā o loo iai ositaulaga e ofoina atu meaalofa e tusa ai ma le Tulafono.
5 O loo faia e nei tane le auaunaga paia, lea e fai ma mea faafaatusa ma ata+ o mea o i le lagi;+ e pei ona faia e Mose ina ua sauni e fai le faleʻie, na poloaʻi mai ai le Atua: Auā ua fetalai mai o Ia: “Ia faamautinoa ua e faia mea uma lava e tusa ma le ata sa faaali atu iā te oe i le mauga.”+
6 A o lenei ua maua e Iesu se faiva* e sili atu ona lelei, ona ua avea foʻi o ia ma puluvaga+ o se feagaiga e sili atu,+ lea na faavaeina faaletulafono i folafolaga e sili atu ona lelei.+
7 Pe ana atoatoa le feagaiga muamua, semanū e lē manaʻomia se lona lua.+
8 Auā ua ia taʻusalaina le nuu ina ua ia faapea mai: “Ua fetalai mai Ieova,* ‘Faauta! E oo mai aso ou te osia ai se feagaiga fou ma le aiga o Isaraelu ma le aiga o Iuta.
9 E lē pei o le feagaiga na ou osia ma o latou augātamā, i le aso na ou tago ai i o latou lima ma taʻitaʻi ese i latou mai le nuu o Aikupito,+ auā e latou te leʻi tumau i laʻu feagaiga, o lea na ou lē toe manatu mamafa ai iā i latou,’ ua fetalai mai ai Ieova.”*
10 “Ua fetalai mai Ieova:* ‘O le feagaiga lenei ou te osia ma le aiga o Isaraelu pe a mavae na aso. Ou te tuuina aʻu tulafono i o latou mafaufau, ma ou te tusiaina foʻi i o latou loto.+ E fai aʻu ma o latou Atua, e fai foʻi i latou ma oʻu nuu.+
11 “‘E lē toe aʻoaʻo atu foʻi se tasi i tagata o lona nuu, e lē toe aʻoaʻo atu foʻi se tasi i lona uso, e faapea atu: “Ia outou iloa Ieova!”* Auā o le a iloa aʻu e i latou uma, e mai i lē e faatauvaa e oo i lē e sili o i latou.
12 Auā ou te faamagaloina a latou amioga sesē, ma ou te lē toe manatuaina a latou agasala.’”+
13 O lona faapea mai “o se feagaiga fou,” ua ia faalēaogāina ai le mea na muamua.+ O lenei, o le mea ua faalēaogāina ma ua tuai, ua latalata ona mavae ese atu.+
