Esekielu 48:1-35
48 “O igoa nei o ituaiga e amata mai i le taufaasiʻusiʻuga o le itu i mātū: O le tofi o Tanu,+ e ui atu i tala ane o le ala o Hetelona e agaʻi i Lepo-amato,*+ e oo atu foʻi i Hasa-renana, i tala ane o le tuaoi o Tamaseko i le itu i mātū, i autafa o Amato;+ ma e amata mai i le tuaoi i sasaʻe seʻia oo i le tuaoi i sisifo.
2 O le tofi o Asera+ e amata mai i le tuaoi o Tanu, e mai i le tuaoi i sasaʻe e oo i le tuaoi i sisifo.
3 O le tofi o Nafatali+ e amata mai i le tuaoi o Asera, e mai i le tuaoi i sasaʻe e oo i le tuaoi i sisifo.
4 O le tofi o Manase+ e amata mai i le tuaoi o Nafatali, e mai i le tuaoi i sasaʻe e oo i le tuaoi i sisifo.
5 O le tofi o Efaraima e amata mai i le tuaoi o Manase,+ e mai i le tuaoi i sasaʻe e oo i le tuaoi i sisifo.
6 O le tofi o Reupena e amata mai i le tuaoi o Efaraima,+ e mai i le tuaoi i sasaʻe e oo i le tuaoi i sisifo.
7 O le tofi o Iuta e amata mai i le tuaoi o Reupena,+ e mai i le tuaoi i sasaʻe e oo i le tuaoi i sisifo.
8 E amata mai i le tuaoi o Iuta, e mai i le tuaoi i sasaʻe e oo i le tuaoi i sisifo, o le foaʻi e ao ona outou tuuesea, e 25,000 kupita* le lautele,+ ma e tutusa le umi ma tofi o isi ituaiga, e mai i le tuaoi i sasaʻe e oo atu i le tuaoi i sisifo. E tatau ona iai le malumalu i le ogatotonu o lea foaʻi.
9 “O le foaʻi e ao ona outou tuuesea mo Ieova, e 25,000 kupita le umi ae 10,000 kupita le lautele.
10 O le a fai lea mea ma foaʻi paia mo ositaulaga.+ E 25,000 kupita le umi i le itu i mātū, e 10,000 le lautele i le itu i sisifo, e 10,000 foʻi le lautele i le itu i sasaʻe, ma e 25,000 le umi i le itu i saute. O le a iai foʻi le malumalu o Ieova i le ogatotonu o lea mea.
11 O le a fai lea mea mo ositaulaga ua faapaiaina mai i atalii o Satoka,+ o ē na tausia la latou matafaioi iā te aʻu, ma e leʻi ō ese ina ua sē ese le fanauga a Isaraelu ma le ʻau sa Levī.+
12 O le a latou maua se vaega o le laueleele ua tuuesea e fai ma mea e sili ona paia, lea e amata mai i le tuaoi o le ʻau sa Levī.
13 “E sosoo ma le fanua o ositaulaga, o le a iai se fanua o le ʻau sa Levī, e 25,000 kupita le umi, ma le lautele e 10,000. (O le umi atoa e 25,000 ma le lautele e 10,000.)
14 E lē tatau ona latou faatauina atu, fesuiaʻi, pe faamatuu ese atu sina fasi fanua o lenei laueleele e sili ona lelei, auā o se mea paia lea iā Ieova.
15 “A o le fanua o loo totoe, e 5,000 kupita le lautele, i tala ane o le tuaoi e 25,000 kupita, o le a faaaogā e tagata o le aai+ e nonofo ai ma fafaga ai lafumanu. E ao ona iai le aai i le ogatotonu o lea mea.+
16 O fua nei o le aai: O le tuaoi i mātū e 4,500 kupita, o le tuaoi i saute e 4,500, o le tuaoi i sasaʻe e 4,500, ma le tuaoi i sisifo e 4,500.
17 O le fanua o le aai e fafaga ai lafumanu, e 250 kupita i le itu i mātū, e 250 i le itu i saute, e 250 i le itu i sasaʻe, ma e 250 i le itu i sisifo.
18 “O le umi o le fanua ua totoe, e tutusa lelei ma le foaʻi paia,+ e 10,000 kupita i le itu i sasaʻe ma e 10,000 foʻi i le itu i sisifo. E ao ona tutusa ma le foaʻi paia, ma o faaeleeleaga mai i lea mea e fai ma meaʻai a ē e auauna i le aai.
19 O i latou uma mai i ituaiga uma o Isaraelu o loo auauna i le aai, o le a galueaʻiina lea fanua.+
20 “O le foaʻi atoa e 25,000 kupita faatafafā. E ao ona outou tuuesea o se foaʻi paia faatasi ma le fanua ua avatu mo le aai.
21 “O le fanua e totoe i itu e lua o le foaʻi paia ma le fanua ua avatu mo le aai, e fai mo le taʻitaʻi.+ O le a iai lea fanua i tala ane o tuaoi e taʻi 25,000 kupita, i le itu i sasaʻe ma le itu i sisifo o le foaʻi. O le tuaoi o le fanua o le taʻitaʻi, e tutusa ma le tuaoi o fanua o ituaiga e lua. O le a iai i le ogatotonu o lea mea le foaʻi paia ma le malumalu.
22 “O le a iai i le vā o le fanua o le taʻitaʻi, le fanua o le ʻau sa Levī ma fanua ua avatu mo le aai. O le a iai le fanua o le taʻitaʻi i le vā o le tuaoi o Iuta+ ma le tuaoi o Peniamina.
23 “A o ituaiga o totoe, o le tofi o Peniamina e amata mai i le tuaoi i sasaʻe e oo i le tuaoi i sisifo.+
24 O le tofi o Simeona e amata mai i le tuaoi o Peniamina,+ e mai i le tuaoi i sasaʻe e oo i le tuaoi i sisifo.
25 O le tofi o Isakara+ e amata mai i le tuaoi o Simeona, e mai i le tuaoi i sasaʻe e oo i le tuaoi i sisifo.
26 O le tofi o Sepulona e amata mai i le tuaoi o Isakara,+ e mai i le tuaoi i sasaʻe e oo i le tuaoi i sisifo.+
27 O le tofi o Kato e amata mai i le tuaoi o Sepulona,+ e mai i le tuaoi i sasaʻe e oo i le tuaoi i sisifo.
28 O le tuaoi i le itu i saute i tala ane o le tuaoi o Kato, e amata mai i Tamara+ e oo atu i vai o Meripa-katesa,+ e oo atu foʻi i le ālia*+ ma agaʻi atu i le Sami Tele.*
29 “O le fanua lenei e ao ona outou vaevaeina e fai ma tofi o ituaiga o Isaraelu,+ ma o o latou fanua ia,”+ ua fetalai mai ai le Alii Pule Silisili Ese o Ieova.
30 “O mea ia e ulufafo atu ai mai i le aai: O le itu i mātū e 4,500 kupita.+
31 “O le a faaigoa faitotoʻa o le aai e tusa ma ituaiga o Isaraelu. E tolu faitotoʻa i le itu i mātū, e tasi le faitotoʻa mo Reupena, e tasi le faitotoʻa mo Iuta, ma e tasi le faitotoʻa mo Levi.
32 “O le itu i sasaʻe e 4,500 kupita le umi, ma e tolu faitotoʻa: e tasi le faitotoʻa mo Iosefa, e tasi le faitotoʻa mo Peniamina, ma e tasi le faitotoʻa mo Tanu.
33 “O le itu i saute e 4,500 kupita, ma e tolu faitotoʻa: e tasi le faitotoʻa mo Simeona, e tasi le faitotoʻa mo Isakara, ma e tasi le faitotoʻa mo Sepulona.
34 “O le itu i sisifo e 4,500 kupita le umi, ma e tolu faitotoʻa: e tasi le faitotoʻa mo Kato, e tasi le faitotoʻa mo Asera, ma e tasi le faitotoʻa mo Nafatali.
35 “O le fua faataamilo e 18,000 kupita; ma o le igoa o le aai mai i lenā aso ma faaauau ai pea, O Loo Afio Ieova i Inā.”+
Faamatalaga Pito i Lalo
^ Po o “le mea e ulu atu ai i Amato.”
^ E faasino atu i le Metitirani.
^ E faasino atu i le ālia o Aikupito.
