Esoto 15:1-27
15 Ona pepese lea o Mose ma le fanauga a Isaraelu i lenei pese iā Ieova:+
“Ou te pese iā Ieova, auā ua matuā faamamaluina o ia.+
O le solofanua ma lē ua tiʻetiʻe ai ua ia lafoina i le sami.+
2 O Ioa,* o loʻu malosi ma loʻu mana, auā ua avea o ia ma oʻu faaolataga.+
O loʻu Atua lea, ou te vivii atu iā te ia;+ o le Atua o loʻu tamā,+ ma ou te faamamaluina o ia.+
3 O Ieova o le toa malosi.+ O Ieova o lona suafa lea.+
4 O kariota a Farao ma ana ʻautau ua Ia lafoina i le sami,+O ona toa silisili ua malelemo i le Sami Ulaula.+
5 Ua fafati mai galu o le sami ma ua ufitia ai i latou; ua latou gogoto i le mea loloto e pei o se maa.+
6 Ieova e, ua matuā malosi lou aao taumatau,+Ieova e, ua nutipalaina ai le fili i lou aao taumatau.
7 O le tele o lou mamalu ua e lafotūina ai ē e fouvale iā te oe;+Ua e auina atu lou toʻasā tele, e ʻaina ai i latou e pei o tagutugutu o laau.
8 O le mānava mai i lou fofoga* ua faafaupuʻe ai le sami;Ua lē toe gaoioi, ua taofia ai lologa;O galu o le sami sa fafati mai ua toʻa i le ogatotonu o le sami.
9 Na faapea ane le fili, ‘Ou te tuliloa! Ou te mauaina!
Ou te vaevaeina mea ua faoa se‘ia faamalieina a‘u!
Ou te seʻi aʻe laʻu pelu! Ou te faaumatia i latou+ i loʻu lima!’
10 Na feula mai lau mānava, ma ua ufitia ai e le sami i latou;+Na malelemo i latou e pei o pulu uʻamea i le sami loloto.
11 Ieova e, o ai ea se atua e tusa ma oe?+
O ai lava sē e tusa ma oe, o lē e silisili ona paia?+
O Lē e mataʻu i ai ma viia i pesega, o Lē e fai mea ofoofogia.+
12 Na e faaloaloa lou aao taumatau, ona foloina ai lea o i latou e le laueleele.+
13 O lou alofa faamaoni na e taʻitaʻia ai le nuu na e laveaʻiina;+O lou malosi e te ta‘ita‘ia ai i latou i le mea paia e te afio ai.
14 E faalogo tagata,+ ma latou gatete ai;E oo le tigā* i ē o loo nonofo i Filisitia.
15 I lenā taimi e fefefe ai alii pule* o Etoma;E oo le gatete i pule malolosi* o Moapi.+
O le a lotovaivai+ tagata uma o Kanana.
16 E oo iā i latou le mataʻu ma le fefe.+
O lou aao malosi e lē gaoioi ai i latou e pei o se maa,Ieova e, seʻia oo ina ui ane lou nuu,Seʻia ui ane+ le nuu na e faia.+
17 E te avatu i latou ma totō i le mauga ua fai ma ou tofi,+Ieova e, ua e faia se nofoaga tumau e te afio ai,Ieova e, ua e faatumauina le mea paia ua e faia i ou aao.
18 E pule Ieova o se tupu e faavavau, faavavau lava.+
19 Ina ua ō ane kariota o le taua a Farao ma ana ʻautau tiʻetiʻe solofanua i le sami,+Ona toe faafoʻisia lea e Ieova o le sami i luga o i latou,+Ae ua savavali le fanauga a Isaraelu i le eleele mātūtū i le ogatotonu o le sami.”+
20 Ua ave e Miriama le perofeta fafine, o le tuafafine o Arona le topa* i lona lima, ua mulimuli atu foʻi fafine uma iā te ia ma a latou topa, ma ua sisiva.
21 Ua pese Miriama e tali atu i tamāloloa:
“Ia pepese iā Ieova, auā ua matuā faamamaluina o ia.+
O le solofanua ma lē ua tiʻetiʻe ai ua ia lafoina i le sami.”+
22 Mulimuli ane, ua ta‘ita‘ia ese e Mose Isaraelu mai i le Sami Ulaula ae ō atu i le toafa o Sura, ua latou malaga mo aso e tolu i le toafa, ae e latou te leʻi maua se vai.
23 Ua latou oo atu i Mara,*+ ae ua lē mafai ona latou feinu i le vai o Mara ona e oona. O le mea lea ua ia faaigoa ai lea mea, o Mara.
24 Ua muimui le nuu iā Mose,+ ma ua faapea ane: “O le ā le mea o le a matou feinu ai?”
25 Ona ia alaga atu lea iā Ieova,+ ma ua faasino e Ieova o ia i se tamaʻi laau. Ina ua ia togi i totonu o le vai, ona magalo ai lea o le vai.
Ua Ia faavaeina i lea mea se tuutuuga ma se mataupu mo faamasinoga, o i inā foʻi ua Ia tofotofoina ai i latou.+
26 Ua ia fetalai mai: “Afai e te matuā faalogo i le leo o Ieova lou Atua, ma faia le mea tonu i ona luma, ma uaʻi atu i ana poloaʻiga, ma tausi i ana tuutuuga uma,+ ou te lē tuuina atu iā te oe o faamaʻi ia na ou tuuina i luga o tagata Aikupito,+ auā o aʻu o Ieova o lē e faamālōlōina oe.”+
27 Ua latou oo i Ailima, i le mea o loo iai vaipuna e 12 ma laau o pama e 70. Ona latou tolauapi ai lea i tala ane o le vai.
Faamatalaga Pito i Lalo
^ O “Ioa” o le faapuupuuga o le suafa o Ieova.
^ Epe., “i ou pogaʻiisu.”
^ Epe., “tigā o le a fanau.”
^ O alii pule o taʻitaʻi ia o ituaiga.
^ Po o “pule sauā.”
^ O se meafaifaaili e tagitagi. O le upu Peretania, o le tambourine.
^ Lona uiga “Oona.”
