Faataoto 17:1-28
17 E sili se fasi falaoa ua magumagu a o iai le filemu,+Nai lo o le fale ua tumu i faiga‘ai* ae ua iai le femisaaʻi.+
2 O le a pule le auauna ua iai le tofā mamao i le atalii e faia mea e mā ai;O le a iai lana vaega o le tofi o se tasi o le ʻauuso.
3 O le ulo e faamamā ai e mo le siliva ma o le ogaumu e mo le auro,+A o Ieova e na te suʻesuʻeina loto.+
4 O le tagata amioleaga e uaʻi atu i faamatalaga faatigā,Ma o le tagata taufaa‘ole‘ole e faalogo i le laulaufaiva taufaaleaga.+
5 O le tagata ua tauemu i lē ua mativa ua ia faalumaina Lē na faia o ia,+Ma o lē e fiafia pe a oo le mala i se isi, e lē sao o ia mai i le faasalaga.+
6 O le pale o toeaina, o atalii* ia o a latou fanau,Ma o le mamalu o atalii* o o latou tamā* ia.
7 E lē talafeagai faamatalaga sa‘o* i sē e valea.+
E sili atu la ona lē talafeagai faamatalaga pepelo i sē e pule!*+
8 O le meaalofa, e pei o se maa tāua i* lē e ana;+O so o se mea e faasaga i ai o ia e manuia ai.+
9 O sē e faamagaloina* se mea sesē ua ia sa‘ili i le alofa,+A o lē e tautala soo i se mataupu ua ia talepeina faauōga vavalalata.+
10 E sili ona aogā aʻoaʻiga malolosi i lē ua iai le malamalama+Nai lo o tā e selau i se tagata valea.+
11 Ua na o le fouvale e saʻilia e le tagata leaga,Ae e auina atu iā te ia le avefeʻau sauā e faasala o ia.+
12 E sili pe a fetaiaʻi ma se pea ua mamate lana toloa‘i,Nai lo o le fetaiaʻi ma se tasi ua valea i lona faavalevalea.+
13 O se tasi e taui atu le lelei i le leaga,E lē teʻa ese le leaga mai i lona aiga.+
14 O le amataina o finauga e pei o le tatalaina o se faitoto‘a o vai;*A o leʻi tetele le misa, ia e tuua lea mea.+
15 O lē e lē faasalaina le tagata amioleaga ma o lē e ta‘usalaina le tagata amiotonu,+E inosia i laʻua uma e Ieova.
16 O le ā le aogā e maua ai e le tagata valea le tupe e faatau ai le atamai,Ae ua lē loto i ai o ia* e faatau mai?+
17 O le uō moni e alofa i taimi uma+Ma o ia o se uso ua fanau mo taimi o puapuaga.+
18 O le tagata ua leai sona mafaufau,* e lūlū lima ma ioeIna ia faamaonia ai se aitalafu i luma o lona tuaoi.+
19 O lē e naunau i feeseesea‘iga ua naunau foʻi i le solitulafono.+
O sē ua faamaualugaina lona faitotoʻa ua saʻili e ia le malaia.+
20 O lē e faapiʻopiʻo lona loto e lē taulau o ia,*+Ma o lē e tautala taufaa‘ole‘ole e paʻū i le malaia.
21 O se tamā e na te fanaua se tamaitiiti valea, e tofo o ia i faanoanoaga;Ma o se tamā o se tamaitiiti e leai sona mafaufau, e leai sona olioli.+
22 O le lotofiafia o se vaifofō lelei lea,*+Ae o le lotomomomo e vaivai ai le tino.*+
23 E talia e le tagata amioleaga se foaʻi faaalatua e faia faalilolilo,*Ina ia faapi‘oina ai le ala o le faamasinogatonu.+
24 Ua iai le atamai i luma o lē ua iai le faautaga loloto,A o mata o lē e valea, ua vaavaai solo i tuluʻiga o le lalolagi.+
25 O le atalii valea e aumaia faanoanoaga i lona tamāMa le lotomafatia* i lē na fanaua o ia.+
26 E lē lelei ona faasala* lē ua amiotonu,Ma o le sasaina o tamālii e feteenaʻi ma le mea ua tonu.
27 O le tagata poto e na te pulea ana upu,+Ma o le tagata ua iai le faautaga loloto e toʻafilemu pea.+
28 E oo lava i le tagata valea pe a lē tautala, e manatu i ai ua atamai o ia,Ma o se tasi e pupuni ona laugutu, e manatu i ai ua iai le faautaga loloto.
Faamatalaga Pito i Lalo
^ Epe., “taulaga.”
^ Po o “fanau.”
^ Po o “le fanau.”
^ Po o “mātua.”
^ Po o le “mo se tamālii.”
^ Po o le “lelei.”
^ Po o “o se maa e faamalieina ai.”
^ Epe., “ufiufi.”
^ Epe., “tatalaina o vai.”
^ Po o le “Ae ua leai sona mafaufau.”
^ Po o le “ua leai se uunaʻiga lelei o le loto.”
^ Epe., “e lē maua le mea lelei.”
^ Po o le “e aogā e mālōlō ai.”
^ Po o le “e mamago ai ivi.”
^ Epe., “se foa‘i faaalatua mai i le fatafata.”
^ Epe., “oona.”
^ Po o le “sala tupe.”
