Faataoto 22:1-29
22 E sili le mana‘o i se igoa lelei* nai lo o le tele o le tamaoaiga;+E sili foʻi le faaaloalogia* nai lo o le siliva ma le auro.
2 O le mea lenei e tutusa ai* le tagata mauʻoa ma le tagata mativa:
Na faia i la‘ua e Ieova.+
3 O lē ua iai le utaga mamao e na te iloa atu le lamatiaga ma lafi ai,A o lē ua leai se poto masani e alu atu pea o ia ma mafatia ai i āuga.*
4 O le iʻuga o le lotomaulalo ma le mataʻu iā IeovaO le tamaoaiga, o le mamalu, ma le ola.+
5 Ua iai laau tuitui ma mailei i le ala o le tagata fai mea faapiʻopiʻo,A o sē e na te faatāuaina lona ola, e taumamao o ia mai i ia mea.+
6 Ia aʻoaʻo le tama* i le ala e tatau ona ui ai o ia;+A oo ina toeaina lava e lē liliuese ai o ia.+
7 E pule le tagata mauʻoa i lē e mativa,Ma e pologa le tagata aitalafu i le tagata na nonō mai ai.+
8 O lē e lūlūina le amiolētonu o le a ia seleseleina mala,+Ma e faaiʻuina le tootoo o lona ita.+
9 E faamanuiaina le tagata limafoaʻi,*Auā ua ia tufa atu ana meaʻai i lē ua mativa.+
10 Ia tuliese le tagata tauemu,Ona uma ai lea o feeseesea‘iga;E faamutaina finauga* ma tala faalumaluma.
11 O lē e naunau i le lotomamā ma e logoleleia ana faamatalaga,O le a fai le tupu ma ana uō.+
12 O fofoga o Ieova ua leoleoina ai le poto,Ae e faalēaogāina e Ia upu a le tagata e taufaa‘ole‘ole.+
13 Ua faapea ane le tagata paiē: “Ua i fafo se leona!
E ‘aina nei aʻu i totonu o le nofoaga faitele!”+
14 O gutu o fafine agasala* o se lua maulalo lea.+
E paʻū i ai le tagata ua taʻusalaina e Ieova.
15 Ua fusifusia le loto o le tama* i le valea,+Ae e aveese mamao e le laau o le aʻoaʻiga mai iā te ia.+
16 O lē e ave faagaoi mea a lē e mativa ina ia tele ai ana mea+Ma o lē e avatu meaalofa i lē e mauʻoa,E iʻu ai lava i le mativa.
17 Ia uaʻi atu ou taliga ma faalogo i upu a ē e atamamai,+Ina ia matuā mafaufau ai lou loto i loʻu poto.+
18 Auā o se mea e fiafia ai pe a e tausia na mea i lou loto,+Ina ia iai pea ia mea uma i ou laugutu.+
19 Ua ou tuuina atu iā te oe le poto i le asō,Ina ia fai Ieova ma ou faatuatuaga.
20 Po ou te le‘i tusi atu ea iā te oeMa tuuina atu ni fautuaga ma le poto,
21 Ina ia a‘oa‘o ai oe i faamatalaga moni ma maufaatuatuaina,Ina ia e toe foʻi atu ma se lipoti sa‘o i lē na auina mai oe?
22 Aua e te faoa mea a le tagata mativa talu ai e mativa o ia,+Ma aua e te faasauā i le tagata faatauvaa i le faitotoʻa o le aai,+
23 Auā o Ieova lava ia e finau mo i latou+Ma o le a ia fasiotia* ē na gaoia a latou mea.
24 Aua e te faauō i se tasi e vave ona itaPe faifaimea faatasi ma se tagata e ita leaga,
25 Ina ia aua ne‘i e a‘oa‘oina ona alaMa maileia ai oe lava.+
26 Aua ne‘i e iai faatasi ma ē e lūlū lima i se maliega,O ē ua faamaonia aitalafu.+
27 Afai ua leai se mea iā te oe e totogi ai,O le a aveesea lou moega o loo e taoto ai!
28 Aua e te toe sii i tua le pine o le fanua mai i aso anamuaNa faatūina e ou augātamā.+
29 Po ua e vaai ea i se tagata tomai i lana galuega?
O le a tū o ia i luma o tupu;+E lē tū o ia i luma o tagata lautele.
Faamatalaga Pito i Lalo
^ Epe., “taʻuleleia.”
^ Po o “se talaaga lelei.” Epe., “i se igoa.”
^ Epe., “E feiloaʻi faatasi.”
^ Po o le “i faasalaga.”
^ Po o “le fanau iti; talavou.”
^ Epe., “le tagata e lelei ona mata.”
^ Po o “finauga faaletulafono.”
^ Po o “le fanau iti; talavou.”
^ Epe., “faoa ola o.”
