Faataoto 28:1-28
28 E sosola o ē e amioleaga ae e leai se tasi o tuliloaina i latou,A o ē e amiotonu e lototetele i latou e pei o le leona.*+
2 Pe a iai le solitulafono* i le nuu, e masani ona fesuisuia‘i perenise,+Ae o le fesoasoani a le tagata e iai le faautaga loloto ma le poto, o le a umi ai le pulega a se perenise.*+
3 O le tagata mativa e na te ave faagaoi mea a ē e faatauvaa,+Ua pei o timuga ua tafiesea ai mea‘ai uma.
4 O i latou ua tuulafoa‘ia le tulafono, e latou te viia o lē e amioleaga,A o i latou ua tausia le tulafono, e latou te feita iā i latou na.+
5 O tagata e faia mea leaga e lē malamalama i le faamasinotonu,A o i latou ua saʻili iā Ieova ua latou malamalama i mea uma.+
6 E sili o lē e mativa e savali ma le faamaoniNai lo o le tagata mauʻoa e faapiʻopiʻo ona ala.+
7 O loo tausia e le atalii malamalama le tulafono,A o lē e faifaimea faatasi ma ē e soona ʻai tetele e faalumaina ai lona tamā.+
8 O lē e faateleina lona tamaoaiga e ala i tupe faasili+ ma polofiti mai i nonogatupe,E na te faaputuina ia mea mo lē e agalelei i tagata matitiva.+
9 O lē e lē fia faalogo i le tulafono,E oo lava i ana tatalo, e inosia ia.+
10 O lē e ta‘ita‘isesēina ē e amio saʻo i le ala leaga, o le a paʻū o ia i lona lava lua,+A o ē e lē ponā, e fai ma o latou tofi mea lelei.+
11 O le tagata mauʻoa e atamai o ia i ona lava manatu,+A o lē e mativa ua iai le faautaga loloto, e na te iloa le mea moni e faatatau iā te ia.+
12 Pe a manumalo o ē e amiotonu, o se mea e matuā olioli ai,*Ae pe a pule lē e amioleaga, e lalafi ai tagata.+
13 O lē ua ufiufi i ana solitulafono e lē taulau manuia o ia,+A o sē e taʻutino atu ma lafoaʻi ia mea, o le a faaalia i ai le alofa mutimutivale.+
14 E fiafia le tagata e mataala i taimi uma,*A o sē e faamaaa i lona loto e paʻū o ia i le malaia.+
15 E pei o le leona o loo gū ma le pea o loo osofaʻi vave mai,O le pule amioleaga lea i ē e leai se fesoasoani.+
16 O le taʻitaʻi ua leai se faautaga loloto e na te faaaogā sesē lana pule,+A o lē e ʻinoʻino i polofiti e maua i faiga lē saʻo, o le a faaumiumi lona ola.+
17 O le tagata ua nofosala i le fasioti tagata, o le a sola pea se‘ia oo i le tuugamau.*+
Ia aua neʻi lagolagoina o ia e se tasi.
18 E faaolaina o lē e savali ma le lē ponā,+Ae o lē e faapiʻopiʻo ona ala e faafuase‘i ona paʻū.+
19 O lē e galueaʻiina lona fanua o le a tele ana meaʻai,A o lē e saʻilia mea e lē aogā, e tele lona mativa.+
20 O le tagata e faamaoni e tele ona faamanuiaga,+A o lē e fia vave mau‘oa, e lē tumau ona mamā o ia.+
21 E lē lelei le faaʻauʻau i isi;+Ae e ono faia e se tagata se mea sesē ona o se fasi falaoa.
22 O le tagata e matauʻa* e tauivi malosi mo le tamaoaiga,Ae e na te lē iloa o le a iʻu ina mativa lava o ia.
23 O lē e aʻoaʻia se tagata,+ e mulimuli ane e sili atu ona alofagia o ia+Nai lo o lē e tautala lona laulaufaiva i upu taufaasee.
24 O sē e gaoia mea a lona tamā ma lona tinā ma faapea ane: “E lē o se mea sesē,”+
O loo galulue faatasi o ia ma le tagata e na te faaleagaina mea.+
25 O lē e matape‘ape‘a* e na te faatupuina finauga,A o sē e faalagolago iā Ieova e manuia* o ia.+
26 O sē e faatuatuaina lona lava loto e valea o ia,+A o lē e savali ma le atamai e sao o ia.+
27 O sē e foaʻi atu i le tagata mativa, e leai se mea e mativa ai,+A o lē e ʻalo ona mata mai iā i latou, o le a tele ona malaia.
28 Pe a pule ē e amioleaga, e lalafi ai tagata,Ae pe a faaumatia i latou, ona faatoʻateleina ai lea o tagata amiotonu.+
Faamatalaga Pito i Lalo
^ Po o le “tama‘i leona.”
^ Po o le “fouvalega.”
^ Po o le “o le a umi ai lana pulega.”
^ Po o le “e matuā faamamaluina ai.”
^ Po o le “e mataʻu e lē aunoa.”
^ Po o le “lua.”
^ Po o le “matapeʻapeʻa.”
^ Pe atonu “O lē e faasausili.”
^ Epe., “puta.”
