Faataoto 29:1-27
29 O le tagata e faauamaaa ina ua uma ona aʻoaʻia soo,+E faafuaseʻi ona nutimomoia o ia, ae e leai se fofō.+
2 Pe a faatoʻateleina o ē e amiotonu, e olioli ai le nuu,Ae pe a pule le tagata amioleaga, e ōi ai le nuu.+
3 O le tagata e naunau i le atamai e faafiafia ai lona tamā,+A o lē e faifaimea ma fafine talitane, e faataugā e ia lona tamaoaiga.+
4 O le faamasinotonu e faatumauina ai e se tupu lona atunuu,+A o le tagata e na te saʻilia mea i se auala faaalatua, e na te lepetia ai le atunuu.
5 O le tagata e taufaasee i lona tuaoi,Ua folasia e ia se upega mo ona vae.+
6 O le solitulafono a le tagata leaga e maileia ai o ia,+A o lē e amiotonu e alaga o ia i le olioli ma e fiafia foʻi o ia.+
7 E manatu mamafa lē e amiotonu i aiā tatau a ē e matitiva,+A o lē e amioleaga e lē manatu mamafa faapena o ia.+
8 O tagata e mitamitavale e latou te faamūina le aai,+A o ē e atamamai e liliueseina ai le ita.+
9 Pe a faia e se tagata atamai se finauga ma se tagata valea,E iai le pisapisaō ma tauemuga, ae e leai se iʻuga lelei.+
10 E ʻinoʻino tagata faamasaatoto i lē e leai se sala,*+Ma e latou te saʻili e fasiotia ē e amio saʻo.*
11 O le tagata valea e na te sasaa uma mai ona faalogona,*+A o lē e atamai, e na te taofiofia i se auala to‘afilemu.+
12 Pe a uaʻi atu se pule i tala pepelo,E amioleaga uma ana auauna.+
13 O le mea lenei e tutusa ai* le tagata mativa ma le tagata sauā:
O Ieova e na te faamalamalamaina mata o i laʻua uma.*
14 Pe a faamasinoina ma le tonu e le tupu o ē e matitiva,+O le a faatumauina pea lona nofoālii.+
15 O le laau* ma le aʻoaʻiga e tupu ai le atamai,+A o le tama e tuufau e tupu ai le mā o lona tinā.
16 Pe a faatoʻateleina o ē e amioleaga, e faateleina ai solitulafono,Ae o le a vāai o ē e amiotonu i lo latou paʻuʻū.+
17 Ia e aʻoaʻi i lou atalii ona e maua ai lea o le mapusaga;Ma e na te matuā faafiafiaina foʻi oe.+
18 Pe a leai se ta‘ita‘iga mai i le Atua,* e vaogatā le nuu,+Ae e fiafia o ē e tausia le tulafono.+
19 E lē manaʻo le auauna e faasaʻoina o ia i upu,Auā e ui lava ina malamalama o ia, ae e na te lē usitaʻia.+
20 Po ua e vaai i se tagata e vave ona tautala ae e lē mafaufau muamua?+
E telē atu le faamoemoe mo le tagata valea nai lo o ia.+
21 Afai e faapelepele le faiga o se auauna mai lava a o talavou,Mulimuli ane, o le a lē lotofaafetai o ia.
22 O le tagata e itaitagofie e faatupuina vevesi;+Ma o se tagata e ita leaga e faia le tele o solitulafono.+
23 O le faamaualuga o le tagata e faamaulaloina ai o ia,+A o sē e lotomaulalo e na te mauaina le mamalu.+
24 O lē e faifaimea faatasi ma lē e gaoi ua ʻinoʻino o ia iā te ia lava.*
E ono faatonuina o ia ina ia fai se molimau,* ae e na te lē taʻuina se mea.+
25 O le fefe i tagata o le mailei lea,+A o lē e faatuatua iā Ieova e puipuia o ia.+
26 E toʻatele i latou e saʻili ina ia tutū i luma* o se pule,Ae e mai iā Ieova le faamasinogatonu o se tagata.+
27 O le tagata e faia mea lē tonu, e inosia e le tagata amiotonu,+A o lē e saʻo lona ala, e inosia e le tagata amioleaga.+
Faamatalaga Pito i Lalo
^ Po o “lē e lē taʻuleagaina.”
^ Pe atonu “Ae e saʻili lē e amio saʻo e puipuia lona ola.”
^ Epe., “lona agaga.”
^ Epe., “E feiloaʻi faatasi.”
^ E faasino atu i Lona foaʻiina atu o le ola iā i laʻua.
^ Po o le “aʻoaʻiga; faasalaga.”
^ Epe., “faaaliga.”
^ Po o “i lona lava ola.”
^ Po o le “E faalogo o ia i se tautoga e iai se fetuu.”
^ Pe atonu “e saʻili i le finagalo malie.” Epe., “e saʻili i foliga.”
