Faataoto 31:1-31
31 O upu a le tupu o Lemueli, o le feʻau tāua na avatu e lona tinā ina ia aʻoaʻo ai o ia:+
2 O le ā saʻu tala e fai atu iā te oe laʻu tama e?O le ā saʻu upu iā te oe laʻu tama e, o lē na fanau mai i loʻu manava?O le ā saʻu upu iā te oe laʻu tama e, o lē na ou tautō ai?+
3 Aua e te avatu lou malosi i fafine,+Pe mulimuli i ala e faaumatia ai tupu.+
4 Lemueli e, e lē fetaui i tupu,E lē fetaui i tupu le inuina o le uainaPo o le faapea mai o taʻitaʻi, “O fea se ʻava malosi mo i matou?”+
5 Ina neʻi inu ai se tasi ma galo ai le tulafono,Ma teena ai aiā tatau a ē faatauvaa.
6 Ia avatu le ʻava malosi i ē ua toetoe lava a feoti+Ma le uaina i ē ua matuā mafatia.+
7 Ia latou feinu ai ma galo ai lo latou matitiva;Ia lē toe manatua e i latou o latou faafitauli.
8 Ia e tautala mo ē e lē mafai ona tautatala mo i latou lava;Ia finau mo aiā tatau a ē uma ua toetoe lava a feoti.+
9 Ia e tautala ma faamasino ma le tonu;Ia finau mo aiā tatau* a lē ua faatauvaa ma lē ua mativa.+
א [Alefa]
10 O ai sē e na te maua se avā lelei?+
E matuā sili atu lona tautele i lo o maa tāua.*
ב [Peta]
11 Ua faatuatuaina o ia e lana tane,Ma e leai se mea e mativa ai lana tane.
ג [Gimela]
12 Ua ia tauia lana tane i le lelei ae e lē o le leaga,I aso uma o lona olaga.
ד [Taleta]
13 Ua ia mauaina fulufulu mamoe ma ʻie lino;E fiafia o ia e galue i ona lima.+
ה [He]
14 Ua pei o ia o vaa a se tagata faatauʻoa,+E na te aumai ana meaʻai mai i se mea mamao.
ו [Vau]
15 E tula‘i fo‘i o ia a o pogisa pea,Ma avatu meaʻai i lona aigaMa saunia mea mo ana auauna teine.+
ז [Saina]
16 Ua taula‘i lona mafaufau i se fanua ma ua ia faatauina mai;Ua ia totō se togāvine mai i ana lava tupe.*
ח [Heta]
17 Ua sauniuni o ia mo galuega mamafa,*+Ma ua ia faamalosia ona lima.
ט [Teta]
18 Ua ia iloa ua lelei ana fefaatauaʻiga;E lē pē lana molī i le pō.
י [Iota]
19 Ua tago atu ona lima i le laau ua tāʻai ai le filo,Ma ua uu i ona lima le laau e faataamilo ai le filo.+
כ [Kafa]
20 Ua faamafola atu lona alofilima i lē ua faatauvaa,E na te tuu atu foʻi ona lima i lē ua mativa.+
ל [Lameta]
21 E lē popole o ia i lona aiga ona o le kiona,Auā e oofu lona aiga uma i ofu māfanafana.*
מ [Mema]
22 Ua ia faia ana lava ʻie afu.
O ona ofu o le ʻie lino ma le fulufulu mamoe lanu violē.
נ [Nuna]
23 E lauiloa lana tane i faitotoʻa o le aai,+Lea e saofafaʻi faatasi ai ma toeaina o le nuu.
ס [Sameka]
24 Ua ia faia ma faatau atu ofu e faia i ‘ie lino*Ma avatu fusipaʻu i ē e faatau‘oa.
ע [Oina]
25 Ua ofu o ia i le malosi ma le mamalu,Ma ua vaai atu o ia i le lumana‘i ma le mautinoa.*
פ [Pe]
26 Ua tautala o ia ma le atamai;+Ua i lona laulaufaiva le tulafono o le agalelei.*
צ [Sati]
27 E vaavaai o ia i mea fai a lona aiga,Ma e lē ʻai o ia i meaʻai a le paiē.+
ק [Kofa]
28 E tulaʻi lana fanau ma taʻua o ia e fiafia;E tulaʻi foʻi lana tane ma viiviia o ia.
ר [Resa]
29 E toʻatele fafine lelei,A o oe, ua sili lava oe iā i latou uma.
ש [Sini]
30 O foliga aulelei e mafai ona faasesēina ai, ma o le lalelei e mou atu fo‘i,*+A o le fafine e mataʻu iā Ieova, e viia lava o ia.+
ת [Tau]
31 Ia avatu iā te ia le taui o mea e na te faia,*+Ma ia viiviia o ia e ana galuega i faitotoʻa o le aai.+
Faamatalaga Pito i Lalo
^ Po o le “Ia finau mo le mataupu.”
^ Po o “ʻamu.” Tagaʻi i le Uiga o Upu.
^ Epe., “mai i galuega a ona lava lima.”
^ Epe., “Ua ia fusi lona sulugātiti i le malosi.”
^ Epe., “ofu e taʻilua.”
^ Po o “ofu pito i totonu.”
^ Po o le “ua ʻataʻata o ia i aso o i luma.”
^ Po o le “faatonuga alofa; le tulafono o le alofa faamaoni.”
^ Po o le “e lē aogā.”
^ Epe., “Ia avatu iā te ia e tusa ma le fua o ona lima.”
