Faataoto 5:1-23
5 Loʻu atalii e, inā faalogo mai ia i loʻu atamai.
Ia faalogo lelei mai* i loʻu faautaga loloto,+
2 Ina ia e leoleoina ai lou mafaufau leleiMa ia leoleo e ou lava laugutu le poto.+
3 Auā o laugutu o le fafine agasala* ua sisina ifo e pei o le meli mai i le faamoega lagomeli,+Ma e sili ona molemole ona laugutu nai lo o le suāuu.+
4 Ae o le iʻuga, e oona o ia e pei o se laau oona+Ma e maʻai e pei o le pelu e maʻai uma ona itu.+
5 E ō ifo ona vae i le oti.
E taunuu foʻi ona laasaga i le Tuugamau.*
6 E lē mafaufau o ia i le ala o le ola.
Ua fesēaʻi ona laasaga, ae e na te lē iloa po o fea e agaʻi i ai.
7 O lenei o‘u atalii e, inā faalogo mai ia iā te aʻuMa aua neʻi liliuese mai i a‘u upu.
8 Ia matuā faamamao ese mai i lea fafine;Aua e te faalatalata atu i le faitotoʻa o lona fale,+
9 Ina ia e lē tuuina atu lou mamalu i isi+Pe selesele i tausaga o puapuaga;+
10 Ina ia lē faaaogā ai e tagata ese au oloa+Pe fiafia ai isi tagata i mea na e galue mamafa ai.
11 Auā a leai, e te ōi i le i‘uga o lou olagaPe a leai sou malosi ma ua faalētonu lou soifua mālōlōina+
12 Ma e faapea ane: “Sa ou matuā ʻinoʻino i aʻoaʻiga!
Sa teena e loʻu loto aʻoaʻiga!
13 Ou te leʻi faalogo i leo o ē na aʻoaʻoina aʻuPe uaʻi atu i oʻu faiaʻoga.
14 Na toetoe a matuā nutimomoia aʻuI totonu o le faapotopotoga atoa.”*+
15 Ia e inu vai mai i lou lava vaieliMa vai e tafe* mai i lou lava vaipuna.+
16 Pe e tatau ea ona faataapeape solo ou vaipuna i fafo,Ma ou vai i nofoaga faitele?+
17 Ia fai mo oe ia vai, e na o oe lava,Ae e lē mo tagata ese faatasi ma oe.+
18 Ia manuia lou vaipuna,Ma ia e fiafia i lau avā na fai a o e tauleʻaleʻa,+
19 O se ʻaila pele ma o se ʻoti o le mauga+ e agamālie.
Ia faamalieina oe i ona susu i taimi uma.
Ia e matuā maofa e lē aunoa i lona alofa.+
20 Loʻu atalii e, aiseā la e te matuā maofa ai i se fafine agasala*Pe fusi le fatafata o se fafine e amio lē mamā?*+
21 Auā o ala o le tagata ua i luma o fofoga o Ieova;E na te su‘esu‘eina ona ala uma.+
22 E maileia le tagata amioleaga i ana lava mea sesē,Ma e pu‘ea o ia i maea o lana lava agasala.+
23 O le a oti o ia ona o le lē taliaina o aʻoaʻigaMa fesēa‘i ona o le tele o lona faavalevalea.
Faamatalaga Pito i Lalo
^ Epe., “Ia uaʻi mai ou taliga.”
^ Po o “Seoli.” Tagaʻi i le Uiga o Upu.
^ Epe., “I totonu o le fono ma le faapotopotoga.”
^ Po o “vai mamā.”
