Hakai 1:1-15
1 O le tausaga lona lua o le nofoaiga a le tupu o Tariu, i le masina lona ono, i le aso muamua o lea masina, na oo mai ai le afioga a Ieova e ala mai iā Hakai*+ le perofeta, iā Serupapelu+ le atalii o Salatielu le kovana o Iuta, ma Iosua le atalii o Iosatako, le ositaulaga sili, ua faapea mai:
2 “O le fetalaiga lenei a Ieova o ʻau, ‘Ua faapea ane lenei nuu, “E leʻi oo mai le taimi e fausia* ai le fale* o Ieova.”’”+
3 Ona toe oo mai lea o le afioga a Ieova e ala mai i le perofeta o Hakai,+ e faapea:
4 “Po o le taimi ea lenei mo outou e nonofo ai i o outou fale ua faia i laupapa mananaia, a o lenei fale ua faatafunaina?+
5 O lenei, ua faapea ona fetalai mai o Ieova o ʻau, ‘Ia ua‘i atu o outou loto* i o outou ala.
6 Ua outou lūlūina fatu e tele, ae e itiiti mea ua outou seleseleina.+ Ua outou aai, ae e lē maoona ai. Ua outou feinu, ae e lē malilie ai. Ua fai o outou ofu, ae e lē māfanafana ai se tasi. O lē e faigaluega ua tuu e ia lona totogi i le taga ua pūpū solo.’”
7 “O le fetalaiga lenei a Ieova o ʻau, ‘Ia ua‘i atu o outou loto* i o outou ala.’
8 “‘Ia ō aʻe i le mauga, ma ia aumai ni laau.+ Ia fausia le fale,+ ona ou fiafia lea i ai ma faamamaluina ai aʻu,’+ ua fetalai mai ai Ieova.”
9 “‘Ua outou faatalitalia ni mea e tele ae ua itiiti mea ua maua; ma ina ua outou aumaia i le fale, na ou feula ese ia mea.+ O le ā le māfuaaga?’ o le fetalaiga lea a Ieova o ʻau. ‘Ona o loo faatafunaina loʻu fale, ae ua taʻitasi outou ma tamomoʻe e tausia lona lava fale.+
10 O le mea lea ua taofia ai e le lagi i lugā lona sau mai iā te outou, ua taofia foʻi e le laueleele ona fua.
11 Ua ou valaau pea mo le lāmala ia oo mai i luga o le laueleele, i luga o mauga, i luga o fatu, i luga o uaina fou, i luga o le suāuu, i luga o mea e tutupu mai i le eleele, i luga o tagata ma lafumanu, ma luga o galuega uma a o outou lima.’”
12 Ona faalogo ai lea o Serupapelu+ le atalii o Salatielu,+ o Iosua le atalii o Iosatako,+ le ositaulaga sili, ma ē uma ua totoe o le nuu i le siʻufofoga o Ieova lo latou Atua, ma upu a le perofeta o Hakai, auā na auina mai o ia e Ieova lo latou Atua; ona matataʻu ai lea o le nuu ona o Ieova.
13 Ona aumai lea e Hakai le avefeʻau a Ieova o lenei fe‘au i le nuu e tusa ai ma lona tofiga mai iā Ieova, ua faapea mai: “‘Le nuu e, o loo oʻu faatasi ma outou,’+ ua fetalai mai ai Ieova.”
14 Ona faagaee lea e Ieova o le loto+ o Serupapelu le atalii o Salatielu, o le kovana o Iuta,+ ma le loto o Iosua+ le atalii o Iosatako, o le ositaulaga sili, ma loto o ē ua totoe o le nuu; ona latou ō mai ai lea ma amata ona faia le galuega o le fale o Ieova o ʻau lo latou Atua.+
15 O le aso lona 24 lea o le masina lona ono, i le tausaga lona lua o le nofoaiga a le tupu o Tariu.+
Faamatalaga Pito i Lalo
^ Lona uiga “Fanau i le Taimi o se Tausamiga.”
^ Po o le “toe fausia.”
^ Po o le “malumalu.”
^ Po o le “Ia manatunatu loloto.”
^ Po o le “Ia manatunatu loloto.”
