Hosea 10:1-15
10 “O Isaraelu o se vine ua faasolo ina pala* ua fua mai ona fua.+
O le tele o ona fua, o le tele foʻi lea o ona fata faitaulaga;+O le tele o le lauusiusi o ona laueleele, o le tele foʻi lea o le mananaia o ona poutū paia.+
2 Ua faalotolotolua i latou;*Ua nofosala nei i latou.
Ua iai lē o le a lepetiaina a latou fata faitaulaga ma faaleagaina a latou poutū paia.
3 O lenei, o le a latou faapea ane, ‘Ua leai so tatou tupu,+ auā ua tatou lē matataʻu iā Ieova.
O le ā foʻi se mea e faia e se tupu mo i tatou?’
4 Ua latou tautatala i upu e lē aogā, ua faia tautoga pepelo,+ ma osia feagaiga;O lea, ua tutupu faamasinoga lē tonu e pei o vao oona i le fanua ua suatia.+
5 E fefefe o ē o loo nonofo i Samaria ona o le tupua o le tamaʻi povi a Petavene.+
E faavauvau ai ona tagata,E faapea foʻi ona ositaulaga e tapuaʻi i atua ese, o ē sa fiafia i ai ma sa fiafia i lona mamalu,Auā o le a aveesea mai iā i latou.
6 E avea foʻi lenei tupua i Asuria e fai ma meaalofa i se tupu malosi.+
O le a māsiasi Efaraima,E māsiasi foʻi Isaraelu ona o le fautuaga na mulimuli i ai.+
7 E faaumatia* lava Samaria ma lona tupu,+E pei o se fasi lālā laau ua gau i luga o vai.
8 E faatamaʻia mea maualuluga o Petavene,+ o le agasala lea a Isaraelu.+
E tutupu aʻe laau tuitui ma laau talatala i o latou fata faitaulaga.+
E alalaga atu tagata i mauga, ‘Ia tanumia i matou!’
E faapea foʻi i aʻega, ‘Mafuli mai ia iā i matou!’+
9 Isaraelu e, ua e agasala talu mai aso o Kipea.+
Ua latou tutumau ai i inā.
E leʻi faaumatiaina atoatoa atalii amiolētonu i le taua i Kipea.
10 Ou te aʻoaʻia foʻi i latou pe a ou loto i ai.
O le a faapotopotoina foʻi tagata e faasagatau iā i latou,Pe a latou amo faatasi a latou agasala e lua.
11 O Efaraima o se tamaʻi povi fafine ua uma ona aʻoaʻoina, e fiafia e soli saito,O lea, ou te leʻi tuuina se amo i luga o lona ua manaia.
O le a ou faatiʻetiʻe nei se tasi iā Efaraima.+
E suaina e Iuta le fanua; e suatia foʻi e Iakopo le fanua mo ia.
12 Ia outou lūlū fatu mo outou lava i le amiotonu, ma selesele ai le alofa faamaoni.
Ia outou suatia mo outou lava fanua lelei+Manū o iai pea le taimi e saʻili ai iā Ieova,+Seʻia afio mai o ia ma faatonu outou i le amiotonu.+
13 Ae ua outou suatia le amioleaga,Ua outou selesele mai ai le amiolētonu,+Ua outou ʻaina foʻi le fua o le taufaasesē;Auā ua e faatuatua i lou lava ala,I le toʻatele o ou tagata totoa.
14 O le a tupu le vāvāō i lou nuu,Ma o le a faaumatia ou aai malupuipuia uma,+E pei ona faaumatia e Salemana o Peta-repelu,I le aso o le taua ina ua tuʻimomomoina tinā faatasi ma a latou fanau.
15 Peteli e, o le mea lenei o le a faia iā te outou,+ ona o lo outou amioleaga tele.
O le a faaumatia* lava le tupu o Isaraelu+ i le tafa mai o ata o le taeao.”
Faamatalaga Pito i Lalo
^ Pe atonu “ua mafalā.”
^ Po o le “taufaaʻoleʻole o latou loto; lē faamaoni o latou loto.”
^ Epe., “faafilemu.”
^ Epe., “faafilemu.”
