Hosea 13:1-16
13 “Ina ua tautala atu Efaraima, ona gatete ai lea o tagata;Sa mamalu o ia i Isaraelu.+
Ae na nofosala o ia ona o Paala+ ma oti ai.
2 A o lenei ua latou faia foʻi nisi agasala,Ma faia tupua uʻamea mai i a latou siliva,+Ua popoto i latou i le faia o tupua, o galuega uma ia a tufuga.
Ua latou faapea atu, ‘Ia sogi atu i tamaʻi povi o tagata e faia taulaga.’+
3 O le mea lea, o le a avea ai i latou e pei o ao i le taeao,E pei o le sau e vave mavae atu,E pei o aputi o saito ua lelea i le matagi malosi mai i le mea e soli ai saito,Ma e pei foʻi o le asu mai i le alāasu.
4 Ae o aʻu o Ieova lou Atua talu mai le taimi na e iai i Aikupito;+E te leʻi iloa se isi Atua seʻi vaganā ai aʻu,E leai foʻi se faaola, e na o aʻu lava.+
5 Na ou iloa oe i le toafa,+ i le laueleele o le lāmala.
6 Na faamalieina i latou ona o le tele o fua o le fanua,+Na latou maoona ma oo ina faamaualuluga o latou loto.
O le mea lea na galo ai aʻu iā i latou.+
7 O le a avea aʻu e pei o se tamaʻi leona iā i latou,+E pei o se nameri* o loo lamalama i le auala.
8 Ou te oso atu iā i latou e pei o se pea* ua toesea lana fanau,Ou te saeia foʻi o latou fatafata.*
Ou te ʻaina i latou i inā e pei o se leona;E saeia foʻi i latou e se manufeʻai o le fanua.
9 Isaraelu e, o le a faatamaʻia oe e lenei mea,Talu ai na e faasagatau mai iā te aʻu, o lou fesoasoani.
10 O fea la o iai lou tupu ina ia faaolaina oe i ou aai uma,+Ma ou pule* o ē na e faapea mai ai,‘Ia aumai iā i matou se tupu ma ni perenise’?+
11 Na ou avatu iā te oe se tupu i loʻu ita,+Ma ou te aveese mai foʻi o ia i loʻu maʻemaʻeā.+
12 Ua fusifusia mea sesē a Efaraima,Ma ua teuina ana agasala.
13 E oo iā te ia le faatigā o le fafine o le a fanau.
Ae o ia o le atalii valea;Ua lē manaʻo o ia e sau i fafo i le taimi e tatau ona fanau mai ai.
14 Ou te laveaʻi i latou mai i le malosi o le Tuugamau;*Ou te toe faatauina i latou mai i le oti.+
Le oti e, o fea o iai lou tui?+
Le Tuugamau e, o fea o iai lou faafanoga?+
Ou te lē alofa mutimutivale iā i latou.
15 E tusa pe e fua tele mai o ia e pei o se ū,Ae o le a agi mai le matagi mai i sasaʻe, o le matagi a Ieova,E agi mai i le toafa, ina ia mātūtū ai lona vaieli ma uma ai vai i lona vaipuna.
O le a faoa e lea tagata le oloa o mea tāua uma.+
16 O le a nofosala Samaria,+ ona o lona tetee atu faasaga i lona Atua.+
O le a fasiotia i latou i le pelu,+E fasiotia ma le sauā a latou fanau,Ma e faatiauina o latou fafine totō.”
Faamatalaga Pito i Lalo
^ Tagaʻi i le Uiga o Upu.
^ Epe., “mea e ufitia ai o latou fatu.”
^ Po o le “urosa.” O le upu Peretania, o le bear.
^ Epe., “faamasino.”
^ Po o “Seoli.” Tagaʻi i le Uiga o Upu.
