Hosea 14:1-9
14 “Isaraelu e, ia toe foʻi mai iā Ieova lou Atua,+Auā ua e tautevateva ona o au mea sesē.
2 Ia toe foʻi mai iā Ieova ma upu nei,Ia outou fai atu iā te ia, ‘Tau ina ia e faamagalo a matou mea sesē+ ma talia le mea lelei,Ona matou fai taulaga lea i viiga o o matou laugutu+ e pei ona faia i tamaʻi povi poʻa.*
3 E lē faaolaina i matou e Asuria.+
E matou te lē tiʻetiʻe i ni solofanua,+E matou te lē toe fai atu foʻi i galuega a o matou lima, “Lo matou Atua e!”Auā o oe, ua e alofa mutimutivale i le tama e leai sona tamā.’+
4 Ou te faamālōlōina lo latou lē faamaoni.+
O loʻu lotomalie ou te alofa ai iā i latou,+Auā ua liliuese loʻu ita mai iā te ia.+
5 E avea aʻu e pei o le sau iā Isaraelu;E fua mai o ia e pei o le liliMa e sosolo foʻi ona aa e pei o laau o Lepanona.
6 O le a oso aʻe ona tātupu,O lona mamalu e pei o le laau o le olive,Ma o lona manogi e pei o laau o Lepanona.
7 O le a toe nonofo i latou i lona paolo.
E latou te totō fatu, ma e fuga mai e pei o le vine.+
E taʻutaʻua* o Ia e pei o le uaina o Lepanona.
8 O le a faapea mai Efaraima, ‘O le ā se mea ou te toe faia i tupua?’+
Ou te tali atu ma ou vaavaaia o ia.+
O le a pei aʻu o le laau mafalā o le perosi.
E maua mai iā te aʻu fua mo oe.”
9 O ai lē ua atamai? Ia malamalama o ia i nei mea.
O ai lē ua faautauta? Ia iloa e ia nei mea.
Auā e tonu ala o Ieova,+Ma e savavali ai o ē e amiotonu;Ae o le a tautevateva ai o ē e solitulafono.
Faamatalaga Pito i Lalo
^ Epe., “fai taulaga lea i tama‘i povi poʻa o o matou laugutu.”
^ Epe., “manatua.”
