Hosea 5:1-15
-
Faasalaga o Efaraima ma Iuta (1-15)
5 “Outou ositaulaga e, inā faalogo mai ia,+Le aiga o Isaraelu e, inā uaʻi mai ia,Le aiga o le tupu e, inā faalogo mai ia,Auā e faatatau atu le faamasinoga iā te outou;Auā ua avea outou ma mailei iā MesepaMa se upega ua folasia i luga o Tapora.+
2 O i latou ua ō ese mai i le mea tonu* ua matuā aafia i latou i le fasiga,Ma ou te lapataʻi* atu iā i latou uma.
3 Ou te iloa Efaraima,Ma e lē lilo Isaraelu mai iā te aʻu.
Efaraima e, ua e feusuaʻi solo;*Ua faaleagaina e Isaraelu o ia lava.+
4 O a latou gaoioiga ua lē mafai ai ona latou toe foʻi atu i lo latou Atua,Talu ai ua iai le agaga o le talitane* iā i latou;+Ua latou lē amanaʻia foʻi Ieova.
5 Ua molimau le faamaualuga o Isaraelu faasaga iā te ia;*+Ma e tautevateva Isaraelu ma Efaraima i a latou mea sesē.E tautevateva foʻi Iuta faatasi ma i latou.+
6 Ua latou ō atu faatasi ma a latou lafu ma a latou lafumanu e saʻili iā Ieova,Ae e latou te leʻi mauaina o ia.
Ua afio ese o ia mai iā i latou.+
7 Ua lē faamaoni i latou iā Ieova,+Auā ua avea i latou ma tamā o ni atalii ese.
O le a faaumatia i latou faatasi ma o latou tofi i se masina.*
8 Ia outou ili le pū*+ i Kipea, ia ili foʻi le pū* i Rama!+
Ia outou alalaga i le alaga o le taua i Petavene.+ Peniamina e, e matou te mulimuli atu iā te oe!
9 Efaraima e, o le a avea oe ma mea e fefefe ai i le aso o le faasalaga.+
Ua ou faailoa atu i ituaiga o Isaraelu le mea moni e oo iā i latou.
10 Ua pei perenise o Iuta o ē ua toe faafoʻi i tua pine o le tuaoi.+
Ou te sasaa ifo iā i latou loʻu ita tele e pei o le vai.
11 Ua faasauāina Efaraima, ua nutililiia foʻi i le faamasinoga,Auā ua ia maumauaʻi e mulimuli atu i lona fili.+
12 Ua pei aʻu o se lelefua iā EfaraimaMa o se mea e pala i le aiga o Iuta.
13 Ina ua iloa e Efaraima lona maʻi, ua iloa foʻi e Iuta lona papala,Ona alu lea o Efaraima i Asuria,+ ua auina atu avefeʻau i se tupu malosi.
Ae e leʻi mafai ona ia faamālōlōina outou,E leʻi mafai foʻi ona ia togafitia lo outou papala.
14 Auā o le a avea aʻu e pei o se tamaʻi leona iā Efaraima,Ma e pei o se leona malosi* i le aiga o Iuta.
O aʻu lava ou te saeia i latou, ma alu ese;+Ou te aveesea i latou, ma e leai se tasi e laveaʻiina i latou.+
15 Ou te alu ma ou toe foʻi mai i le mea ou te nofo ai, seʻia māeʻa o latou puapuaga ona o lo latou faasalaga,Ona latou saʻili mai lea iā te aʻu.*+
Pe a puapuagatia i latou, ona latou saʻili mai lea iā te aʻu.”+
Faamatalaga Pito i Lalo
^ Po o le “O i latou e fouvale.”
^ Po o le “aʻoaʻi.”
^ Po o le “faia feusuaʻiga lē mamā; faia faiga faatalitane.”
^ Po o le “faitaaga; feusuaʻi solo.”
^ Epe., “i ona foliga.”
^ Pe atonu “i totonu o se masina.”
^ O se pū e faasasaʻo. O le upu Peretania, o le trumpet.
^ Po o le “sofao,” o se pū e faia i seu o mamoe poʻa.
^ Po o le “tamaʻi leona taanoa.”
^ Epe., “i oʻu foliga.”
