Hosea 6:1-11
6 “Inā ō mai ia, ma seʻi o tatou toe foʻi atu iā Ieova,Auā ua ia saeia i tatou,+ ae o le a ia faamālōlōina i tatou.
Ua ia faamanuʻaliaina i tatou, ae o le a ia fusifusia o tatou manuʻa.
2 O le a ia toe faaola i tatou pe a mavae aso e lua.
O le a faatutū i tatou e ia i le aso lona tolu,Ma o le a tatou feola ai i ona luma.
3 O le a tatou iloa ai, o le a tatou matuā saʻili ai ina ia iloa Ieova.
Ua mautinoa lona afio mai e pei o le tafa mai o ata o le taeao;O le a afio mai o ia iā i tatou e pei o le totō ifo o timuga,E pei o le timu i le tau e totogo ai mea lea e matuā faasūsūina ai le eleele.”
4 “Efaraima e, o le ā se mea ou te faia iā te oe?
Iuta e, o le ā se mea ou te faia iā te oe?
Auā ua pei lo outou alofa faamaoni o ao o le taeao,E pei foʻi o le sau e vave ona mavae atu.
5 O le mea lea ou te taia ai i latou e ala i perofeta;+Ou te fasiotia foʻi i latou e ala i upu a loʻu gutu.+
O le a pei faamasinoga e oo iā te oe o le susulu atu o le malamalama.+
6 Auā ou te fiafia i le alofa faamaoni,* ae e lē o taulaga,Ou te fiafia foʻi i le iloaina o le Atua nai lo o taulaga mū.+
7 Ae o i latou, ua pei o ni tagata faatauvaa, ua solia le feagaiga.+
O i inā na latou lē faamaoni mai ai iā te aʻu.
8 O Kiliata o le aai o ē e faia mea leaga,+Ua faatumulia i le faamasaatoto.+
9 O le ʻauositaulaga ua pei o vaega faomea e lamalama i se tagata.
Ua latou fasiotia tagata i le ala i Sekema,+Auā o a latou amioga e faalumaina ai.
10 Ua ou iloa se mea inosia i le aiga o Isaraelu.
Ua faia e Efaraima le talitane;+Ua faaleagaina e Isaraelu o ia lava.+
11 Iuta e, ua faatulaga le taimi o le seleselega mo oe,Pe a ou toe aoaoina oʻu tagata na ave faapagota.”+
Faamatalaga Pito i Lalo
^ Po o le “alofa mutimutivale.”
