Hosea 7:1-16
7 “O lea taimi ou te faamālōlō ai Isaraelu,E faaalialia ai le mea sesē a Efaraima+Ma le amioleaga a Samaria.+
Auā ua latou fai faiga taufaasesē;+Ua ulufale mai ē gāoi ma ua osofaʻia fafo e le vaega faomea.+
2 Ae ua latou lē faapea ifo i o latou loto o le a ou manatuaina a latou amioga leaga uma.+
Ua siʻomia i latou i a latou gaoioiga leaga;Ua iai i oʻu luma ia mea.
3 Ua latou faafiafiaina le tupu i a latou amioga leaga,Atoa ma perenise i a latou faiga taufaasesē.
4 O i latou o tagata mulilulua uma,Ua mumū e pei o se ogaumu ua faaaasa e le faifalaoa,Lea e lē toe tafuina a o ia lomi le palugāfalaoa ma faatalitali seʻia fefete.
5 O le aso fiafia o lo tatou tupu, ua mamaʻi ai perenise,Ua lotoa i latou ona o le uaina.+
Ua ia faaloaloa atu lona lima i ē e tauemu.
6 Auā ua latou faalatalata atu ma o latou loto ua mumū e pei o se ogaumu.*
Ua moe le faifalaoa i le pō atoa;Ae i le taeao ua mumū le ogaumu e pei o le afi ua sasao.
7 E aasa i latou uma e pei o se ogaumu,Ma e latou te faatamaʻia o latou pule.*
Ua paʻuʻū o latou tupu uma;+E leai ma se isi o i latou ua valaau mai iā te aʻu.+
8 Ua miomiō faatasi Efaraima ma isi nuu.+
Ua pei Efaraima o se falaoa lapotopoto e leʻi liliuina le isi itu.
9 Ua aveesea e tagata ese lona malosi,+ ae ua lē iloa e ia lea mea.
Ua sinā foʻi lona lauulu ma ua paʻepaʻe uma, ae ua lē iloa e ia lea mea.
10 Ua molimau le faamaualuga o Isaraelu e faasaga iā te ia,+Ae e ui i nei mea uma e leʻi toe foʻi i latou iā Ieova lo latou Atua,+E leʻi saʻili atu foʻi iā te ia.
11 Ua pei Efaraima o se lupe valea ua leai se mafaufau.+
Ua latou valaau atu iā Aikupito;+ ua latou ō atu i Asuria.+
12 Po o fea lava e latou te ō i ai, ou te lafoina laʻu upega i luga o i latou.
Ou te aumaia i latou i lalo e pei o manufelelei o le lagi.
Ou te aʻoaʻi iā i latou e tusa ma le lapataʻiga na ou tuuina atu i a latou faapotopotoga.+
13 Oi talofa iā i latou auā ua sosola ese i latou mai iā te aʻu!
E malaia i latou ona ua latou solia aʻu tulafono!
Sa ou sauni e laveaʻi i latou, ae ua latou faia tala pepelo e faatatau iā te aʻu.+
14 E latou te leʻi alalaga mai iā te aʻu ma o latou loto mo se fesoasoani,+E ui ua ōi pea i latou i o latou moega.
Ua latou selei i latou ina ia maua ai fatu ma uaina fou;Ua latou tetee mai iā te aʻu.
15 E ui na ou aʻoaʻia i latou ma faamalolosi o latou lima,Ae ua latou faufau pea mea leaga ina ia tetee mai ai iā te aʻu.
16 Ua suia o latou ala, ae e leʻi suia i se mea e maualuga atu;*Ua lē maufaatuatuaina i latou e pei o se ʻaufana e piʻo.+
O le a fasiotia o latou perenise i le pelu ona o le fouvale o o latou laulaufaiva.
O lea, e fai i latou ma mea e tauemu ai i le atunuu o Aikupito.”+
Faamatalaga Pito i Lalo
^ Pe atonu “Ua pei o latou loto o se ogaumu a o latou faalatalata atu ma a latou faufauga.”
^ Epe., “faamasino.”
^ E lē faasino atu i le tapuaʻiga moni, lea e sili ona maualuga.
