Hosea 9:1-17
9 “Isaraelu e, aua e te olioli,+Aua e te fiafia e pei o isi tagata.
Auā o le talitane* ua e sē ese ai mai i lou Atua.+
Ua e fiafia i le totogi o se talitane ua e mauaina i luga o mea uma e soli ai saito.+
2 Ae e lē fafagaina i latou e mea e soli ai saito ma mea e soli ai vine,E na te lē toe maua ni uaina fou.+
3 E latou te lē nonofo pea i le laueleele o Ieova;+Ae e toe foʻi Efaraima i Aikupito,Ma o le a latou aai i mea e lē mamā i Asuria.+
4 E latou te lē toe liligi atu le uaina e fai ma taulaga iā Ieova;+E lē fiafia o ia i a latou taulaga.+
Ua pei ia mea o meaʻai i le taimi e faavauvau ai;Ma e lē mamā i latou uma e aai i ia mea.
Auā o a latou meaʻai e mo i latou lava;O le a lē avatua i le fale o Ieova.
5 O le ā se mea tou te faia i le aso o le feiloaʻiga*Ma le aso o le tausamiga iā Ieova?
6 Faauta foʻi! e ao ona sosola ese i latou ona o le faaumatiaga.+
O le a faapotopotoina faatasi i latou e Aikupito,+ ma o le a tanuina i latou e Mafi.+
O le a fai ma laau tuitui a latou mea matagofie o siliva,E iai foʻi i o latou faleʻie laau talatala.
7 O le a oo mai aso o le faasalaga,+E oo mai foʻi aso e taui ai,Ma o le a iloa e Isaraelu.
O le a valea lo latou perofeta, o le a faalētonu foʻi le mafaufau o le tamāloa ua iai le upu mai i le agaga;Ona o le tele o au mea sesē, ma le tele o le ʻinoʻino iā te oe.”
8 Na faatasi le tagata vāai+ o Efaraima ma loʻu Atua.+
A o lenei, o ala uma o ana perofeta+ ua pei o ni mailei a lē e puʻe manulele;Ua iai le ʻinoʻino i le fale o lona Atua.
9 Ua matuā aafia i latou i mea e oo mai ai le faatafunaga, e pei o aso o Kipea.+
O le a ia manatua a latou mea sesē ma faasala i latou ona o a latou agasala.+
10 “Na ou maua Isaraelu e pei o fua o le vine i le toafa.+
Na ou vaai i o outou augātamā e pei o uluaʻi mati faatoʻā fua mai i le laau o le mati.
Ae na latou ō atu iā Paala o Peoro;+Na latou tuuina atu i latou i le mea e māsiasi ai,*+Ma ua inosia ai i latou e pei o le mea na latou naunau tele i ai.
11 Ua lele ese le mamalu o Efaraima e pei ona lele ese o le manulele;Ua leai nisi e fananau, ua leai nisi e maʻitaga, ma ua leai ni ē e afuafua.+
12 E tusa pe e latou te tausia aʻe ni fanau,Ae ou te aveesea i latou seʻia oo ina leai se isi e totoe;+Ioe, oi talofa iā i latou pe a ou liliuese mai iā i latou!+
13 Na totōina Efaraima i se fanua e aai ai lafumanu ma na ou iloa ua pei o Turo;+Ae o le a avatu nei e Efaraima lana fanau ina ia fasiotia.”
14 Ieova e, ia avatu iā i latou o mea e ao ona e avatu i ai;O le manava ua fafano ana tama ma susu ua lē suasua.*
15 “Na tutupu i Kilikala+ a latou amioleaga uma, auā o i inā na ou ʻinoʻino ai iā i latou.
O le a ou tulia i latou mai i loʻu fale ona o a latou mea leaga ua fai.+
Ou te lē toe alofa iā i latou;+Ua faaulumalō o latou perenise uma.
16 O le a faaumatia Efaraima.+
O le a mamago o latou aa, ma o le a leai ni fua e latou te fuaina mai.
E tusa pe e latou te fananau, ou te fasiotia a latou fanau pele.”
17 E teena i latou e loʻu Atua,Auā ua latou lē faalogo iā te ia,+E avea foʻi i latou ma ē e maumausolo i atunuu.+
Faamatalaga Pito i Lalo
^ Po o le “faitaaga; feusuaʻi solo.”
^ Po o le “i la outou faigaʻai ua atofaina.”
^ Po o “le atua e māsiasi ai.”
^ Po o le “ua maanuminumi.”
