Ieremia 12:1-17
12 Ieova e, e amiotonu oe,+ pe a tuuina atu laʻu tagi iā te oe,Pe a ou tautala atu foʻi e uiga i au faamasinoga.
Ae aiseā ua manuia ai le ala o ē e amioleaga,+Ma aiseā e lē o popole ai ē e faaʻoleʻole?
2 Ua e totōina i latou, ma ua latou mauaa foʻi.
Ua tutupu i latou ma ua latou fua mai.
E masani ona taʻua oe i o latou laugutu, ae ua mamao mai i o latou manatunatuga loloto.*+
3 A o oe, Ieova e, ua e silafia lelei aʻu,+ ua e silasila mai iā te aʻu;Ua e suʻesuʻeina loʻu loto ma iloa ai o loo autasi ma oe.+
Ia e tuueseeseina i latou e pei o mamoe o le a fasia,Ma vavaeeseina i latou mo le aso e fafasi ai.
4 O le ā le umi e mamae ai le laueleeleMa mamago ai vao o fanua uma?+
Ua tafiesea manu o le fanua ma manufelelei,Ona o le leaga o i latou o loo nonofo ai.
Auā ua latou faapea ane: “E lē silafia e ia le mea o le a tupu iā i tatou.”
5 Afai e te vaivai pe a tamomoʻe faatasi ma tagata taufetuli,E faapefea la ona e taututuu ma ni solofanua?+
E tusa pe e te saogalemu i le nuu filemu,Ae o le ā se mea e te faia pe a e iai i vao lauolaola i Ioritana?
6 Auā e oo lava i ou uso ma le aiga o lou lava tamā,Ua latou faaʻoleʻole iā te oe.
Ua latou alalaga leotetele atu iā te oe.+
Aua neʻi faatuatua atu iā i latou,E tusa pe e latou te tautatala mai iā te oe i mea lelei.
7 “Ua ou tuulafoa‘ia loʻu fale;+ ua ou lafoaʻiina loʻu tofi.+
Ua ou tuuina atu lē ua matuā pele iā te aʻu i lima o ona fili.+
8 Ua avea loʻu tofi iā te aʻu e pei o se leona i le vaomatua.
Ua ia tagi leotele mai iā te aʻu.
O le mea lea ua ou ʻinoʻino ai iā te ia.
9 Ua avea loʻu tofi iā te aʻu e pei o se manulele taufeʻai felanulanuaʻi;Ua siʻosiʻomia ma osofa‘ia e isi manulele taufeʻai.+
O outou o manufeʻai uma o le fanua, inā ō mai ia, ia faapotopoto faatasi mai,Inā ō mai ia e aai.+
10 Ua faaumatia e le toʻatele o leoleo mamoe loʻu togāvine;+Ua latou solia lo‘u fanua.+
Ua latou liua lo‘u fanua matagofie i se toafa ua faatafunaina.
11 Ua avea ma mea ua faatafunaina.
Ua valevalenoa;*Ua faatafunaina i oʻu luma.+
Ua faatafunaina le laueleele atoa,Ae ua leai se tagata e toe mafaufau i ai.+
12 Ua ō mai tagata e faaumatia mea i auala uma* o le toafa,Auā ua faaumatia e le pelu a Ieova tagata mai i le tasi pito nuu e oo atu i le isi pito nuu.+
E leai se filemu mo so o se tasi.
13 Ua latou lūlū saito, ae ua latou selesele mai ai laau tuitui.+
Ua latou galulue ma le tautigā, ae e leai se aogā.
E māsiasi i latou i fua o a latou faaeleeleagaOna o le toʻasā aasa o Ieova.”
14 O le mea lenei ua fetalai mai ai Ieova i oʻu tuaoi leaga uma, o ē ua fetagofi i le tofi na ou tuuina atu e fai mo loʻu nuu o Isaraelu:+ “O lenei, ou te liaʻiina i latou mai i lo latou laueleele,+ ma ou te liaʻiina le aiga o Iuta mai iā i latou.
15 Ae pe a uma ona ou liaʻiina i latou, ona ou toe alofa mutimutivale lea iā i latou ma ou toe aumaia i latou, e taʻitoʻatasi i lona tofi ma lona laueleele.”
16 “Afai e latou te faamautinoa e aʻoaʻoina ala o loʻu nuu ma tautō i loʻu igoa, ‘Ou te tautō iā Ieova le Atua soifua!’ e pei ona latou aʻoaʻoina loʻu nuu e tautō iā Paala, ona atiaʻe ai foʻi lea o i latou i totonu o loʻu nuu.
17 Ae afai e latou te lē fia usiusitaʻi, ou te liaʻiina foʻi lenā nuu, ou te liaʻiina ma faaumatia,” ua fetalai mai ai Ieova.+
Faamatalaga Pito i Lalo
^ Epe., “fatugaʻo.”
^ Pe atonu “Ua faavauvau.”
^ Po o “auala uma e soli soo.”
