Ieremia 13:1-27
13 O le mea lenei ua fetalai mai ai Ieova iā te aʻu: “Inā alu ia ma faatau mo oe se fusipaʻu lino, ma fusi ai i lou sulugātiti ae aua e te lolōina i le vai.”
2 Ona ou faatauina lea o le fusipaʻu e tusa ma le afioga a Ieova, ma fusi ai i loʻu sulugātiti.
3 Ona oo faalua mai lea o le afioga a Ieova iā te aʻu:
4 “Inā ave ia le fusipaʻu na e faatauina ma o loo i lou sulugātiti, ia e tulaʻi ma alu i Eufirate, ma nanā ai i inā i se vaipapa.”
5 Ona ou alu lea ma nanā i Eufirate, e pei ona poloaʻi mai ai o Ieova iā te aʻu.
6 Ae ina ua mavae aso e tele, ona fetalai mai lea o Ieova iā te aʻu: “Inā tulaʻi ia ma alu i Eufirate, ma aumai mai i inā le fusipaʻu na ou poloaʻi atu iā te oe e nanā ai i inā.”
7 Ona ou alu lea i Eufirate ma eli, ma aumai le fusipaʻu mai i le mea na ou nanāina ai, ma na ou vaaia ai ua faaleagaina le fusipaʻu; ua matuā lē aogā lava.
8 Ona oo mai lea o le afioga a Ieova iā te aʻu:
9 “O le mea lenei ua fetalai mai ai Ieova, ‘E faapena ona ou faaleagaina le faamaualuga o Iuta, ma le faamaualuga tele o Ierusalema.+
10 O lenei nuu amioleaga o ē ua mumusu e usiusitaʻi i aʻu upu,+ o ē ua savavali e tusa ma le maaa o o latou lava loto,+ ma o ē ua mulimuli atu i isi atua, ua latou auauna ma ifo atu i ai, o le a avea e pei o lenei fusipaʻu ua matuā lē aogā lava.’
11 ‘Auā e pei ona pipii o le fusipaʻu i le sulugātiti o se tagata, e faapea foʻi ona ou faapipii mai iā te aʻu le aiga uma o Isaraelu ma le aiga uma o Iuta,’ ua fetalai mai ai Ieova, ‘ina ia avea i latou ma nuu mo aʻu,+ ma igoa,+ ma viiga, ma mea matagofie. Peita‘i, e latou te leʻi usiusitaʻi.’+
12 “Ia e ta‘u atu fo‘i iā i latou lenei fe‘au, ‘O le mea lenei ua fetalai mai ai Ieova le Atua o Isaraelu: “E ao ona faatutumuina fagu uaina lapopoʻa uma i le uaina.”’ E latou te tali mai foʻi iā te oe, ‘Pe e matou te le‘i iloaina ea e ao ona faatutumuina fagu uaina lapopoʻa uma i le uaina?’
13 Ona e faapea atu lea iā i latou, ‘O le mea lenei ua fetalai mai ai Ieova: “Ou te faatutumuina i le onāga o ē uma o loo nonofo i lenei nuu,+ o tupu o loo nonofo i le nofoālii o Tavita, o ositaulaga, o perofeta, ma ē uma o loo nonofo i Ierusalema.
14 Ou te faafetoʻai i latou o le tasi i le isi, e faapena fo‘i tamā atoa ma atalii,” ua fetalai mai ai Ieova.+ “Ou te lē faaalia le tigā alofa, pe faanoanoa, pe alofa mutimutivale iā i latou; e leai se mea e taofia aʻu mai i le faaumatiaina o i latou.”’+
15 Inā faalogologo mai ia ma uaʻi mai.
Aua le faamaualuga, auā ua fetalai mai Ieova.
16 Ia tuuina atu le mamalu iā Ieova lo outou Atua,A o leʻi aumaia e ia le pōuliuliMa a o leʻi tautevateva o outou vae i luga o mauga i le pogipogi o le afiafi.
E tou te faamoemoe i le malamalama,Ae e aumaia e ia le pōuliuli tele;E liua foʻi e ia e avea ma pogisa tele.+
17 Ae afai tou te lē fia faalogo mai,Ona ou tagi lea i mea lilo ona o lo outou faamaualuga.
E matuā maligi o‘u loimata, ma e tafe ifo loimata mai i oʻu mata,+Auā ua ave faapagota le lafu a Ieova.+
18 Ia fai atu i le tupu ma le tinā o le tupu,*+ ‘Inā nonofo ia i le mea e maulalo ifo,Auā e paʻuʻū ifo mai i o oulua ulu o oulua palealii matagofie.’
19 Ua punitia* aai o le itu i saute, ma e leai se isi e mafai ona ia tatalaina.
Ua ave faapagota Iuta uma, ua ave faapagota atoa uma lava.+
20 Inā tepa aʻe ia ma vaavaai atu iā i latou o loo ō mai mai i le itu i mātū.+
O fea le lafu na tuuina atu iā te oe, o au mamoe matagofie?+
21 O le ā sau tala e fai atu pe a oo mai lou faasalagaMai i au uō mamae na e faia mai i le amataga?+
Pe e lē oo ea iā te oe le tigā a fanau, e pei o se fafine o le a fanau?+
22 Afai foʻi e te fai ifo i lou loto, ‘Aiseā ua oo mai ai nei mea iā te aʻu?’+
Ona o le tele o au mea sesē, ua aveese ai ou pito ofu+
Ma ua matuā tigā ai ou mulivae.
23 “Pe e mafai ea e le tagata Kuso* ona suia lona paʻu, po o le nameri fo‘i ona suia ona ila?+
Afai o lea, e mafai foʻi ona outou faia mea lelei,O outou o ē ua aʻoaʻoina e faia mea leaga.
24 O lea, ou te faataapeapeina i latou e pei o tagutugutu o saito ua lelea i le matagi mai i le toafa.+
25 O lou tofi lenei, o le tofi na ou fuaina atu iā te oe,” ua fetalai mai ai Ieova,“Auā ua e faagalo aʻu+ ma ua e faatuatua i pepelo.+
26 O lea, ou te susuʻe aʻe ou pito ofu i luga o ou mata,Ma iloa atu ai lou māsiasi,+
27 O au mulilua,+ ma lou tagi e pei o se solofanua o loo naunau i feusua‘iga,Ma au amioga matagā faatalitane.*
Ua ou iloa foʻi au amioga inosiaI luga o aʻega i le fanua.+
Oi talofa iā te oe Ierusalema e!
O le ā ea le umi e tumau ai ona e lē mamā?”+
Faamatalaga Pito i Lalo
^ Po o le “tamaʻitaʻi.”
^ Po o le “vagaia.”
^ Po o le “tagata Aitiope.”
^ Po o “au amioga faatalitane e faalumaina ai.”
