Ieremia 15:1-21
15 Ona fetalai mai lea o Ieova iā te aʻu: “E tusa pe tutū mai Mose ma Samuelu i oʻu luma,+ ou te lē fiafia lava i lenei nuu. Ia tutuliesea i latou mai i oʻu luma. Ia latou ō ese.
2 Afai e latou te fai mai iā te oe, ‘O fea e matou te ō i ai?’ ona e fai atu lea iā i latou, ‘O le mea lenei ua fetalai mai ai Ieova:
“O ai lava e tatau i ai le faamaʻi e oti ai, ia oti ai i le faamaʻi!
O ai lava e tatau ona oti i le pelu,+ ia oti ai i le pelu!
O ai lava e tatau ona oti i le oge, ia oti ai i le oge!
O ai foʻi e tatau ona ave faapagota, ia aveina faapagota!”’+
3 “‘Ou te tofia foʻi mala e fā* e oo iā i latou,’+ ua fetalai mai ai Ieova, ‘o le pelu e fasioti ai, o taʻifau e fetosoaʻi solo ai, o manufelelei o le lagi ma manu o le fanua e ʻaina ma faaumatia i latou.+
4 Ou te faia i latou ma mea e fefefe ai malo uma o le lalolagi+ ona o Manase le atalii o Esekia, o le tupu o Iuta, ona o mea na ia faia i Ierusalema.+
5 O ai e alofa mutimutivale atu iā te oe, Ierusalema e,O ai e tigā alofa iā te oe,O ai foʻi e tū ane e fesili atu po o ā mai oe?’
6 ‘Ua e lafoaʻiina aʻu,’ ua fetalai mai ai Ieova.+
‘Ua e fulitua mai pea iā te aʻu.*+
O lea ou te faaloaloa atu loʻu lima iā te oe ma faaumatia oe.+
Ua ou lē lavā tigā alofa iā te oe.*
7 Ou te faamamāina i latou i se tui i faitotoʻa o le nuu.
Ou te aveesea a latou fanau.+
Ou te faaumatia foʻi loʻu nuu,Talu ai ua latou mumusu e liliuese mai i o latou ala.+
8 Ua toʻatele atu i oʻu luma o latou fafine ua oti a latou tane nai lo o le oneone o le sami.
Ou te aumaia iā i latou, o tinā ma tauleleʻa, o lē e na te faaumatiaina mea i le tutonu o le lā.
E faafuaseʻi lava ona ou faaatuatuvale ma faamata‘u iā i latou.
9 Ua vaivai le fafine na fanaua tama e toʻafitu;Ua tau mānava o ia.
Ua goto lona lā a o ao lava,Ua faapogaia ai le māsiasi ma le faalumaina.’*
‘Ma o ē e toʻaitiiti o totoe o i latou,Ou te tuuina atu i le pelu i luma o o latou fili,’ ua fetalai mai ai Ieova.”+
10 Oi talofa iā te aʻu, loʻu tinā e, auā ua e fanaua aʻu,+O se tagata finau ma e tupu ai misa i le nuu uma.
Ou te leʻi nonō atu pe aitalafu mai se mea;Ae ua latou fetuu uma mai iā te aʻu.
11 Ua fetalai mai Ieova: “E moni lava ou te faia mea lelei mo oe;Ou te fesoasoani lava foʻi iā te oe i taimi o puapuaga,I taimi o mafatiaga e faasagatau i le fili.
12 Pe e mafai ea e se isi ona ia nutililiia le uʻamea,O le uʻamea mai i le itu i mātū, ma le ʻapamemea?
13 Ou te tuuina atu au oloa ma au ʻoa ina ia faoa,+E aunoa ma se tau, ona o au agasala uma i lou laueleele uma.
14 Ou te tuuina atu ia mea i ou filiE ave i se nuu e te lē iloaina.+
Auā ua tutuina le afi ona o loʻu ita,Ma ua sasao atu iā te outou.”+
15 Ua e silafia oʻu puapuaga, Ieova e,Ia e manatua mai aʻu ma liuliualo mai iā te aʻu.
Ia e taui atu i ē o faasauā mai iā te aʻu.+
Aua e te faafanoina aʻu* ona o le telegese o lou toʻasā.
Ia e silafia ua ou onosaia lenei taufaifaiga ona o oe.+
16 Na maua au afioga, ona ou ʻai ai lea;+Ma na avea foʻi lau afioga ma mea e fiafia ma olioli ai loʻu loto,Auā ua taʻua aʻu i lou suafa, Ieova e, le Atua o ʻau.
17 Ou te lē faifaimea faatasi ma ē e faia tala mālie, ma fiafia i ai.+
Ona ua i o‘u luga lou aao, ua ou nofo ai na o aʻu,Auā ua e faatumuina aʻu i le ita.*+
18 Aiseā ua umi ai loʻu tigā ma lē mafai ai ona togafitia loʻu manuʻa?
Ua lē mafai ona faamālōlō.
Po o le a avea oe e pei o se vai ua mātūtū* iā te aʻuE lē mafai ona faalagolago i ai?
19 O le mea lenei ua fetalai mai ai Ieova:
“Afai e te toe foʻi mai, ona ou toe faafoʻisia mai lea o oe,E te tū foʻi i oʻu luma.
Afai e te tuuesea mea tāua mai i mea e lē aogā,Ona avea lea o oe e pei o loʻu lava gutu.*
E latou te toe foʻi mai iā te oe,Ae e te lē foʻi atu iā i latou.”
20 “Ou te faia oe ma pā ʻapamemea malupuipuia i lenei nuu.+
E latou te tau lava faasaga iā te oe,Ae e latou te lē manumalo iā te oe,*+Auā ou te faatasi ma oe, e faaola ma laveaʻi iā te oe,” ua fetalai mai ai Ieova.
21 “Ou te laveaʻi foʻi iā te oe mai i lima o ē e amioleagaMa togiolaina oe mai i lima o ē e pule sauā.”
Faamatalaga Pito i Lalo
^ Pe atonu “ituaiga o faamasinoga e fā.” Epe., “aiga e fā.”
^ Pe atonu “Ua e savali ese mai pea iā te aʻu.”
^ Po o le “Ua ou lē lavā faanoanoa.”
^ Pe atonu “Ua māsiasi ma ua mā foʻi.”
^ Epe., “Aua e te aveesea aʻu.”
^ Po o “i se feʻau faaoosala.”
^ Po o le “vai taufaaʻoleʻole.”
^ Po o le “ma aʻu fofoga fetalai.”
^ Po o le “lē faatoʻilaloina oe.”