Ieremia 17:1-27
17 Ua tusia le agasala a Iuta i le peni uʻamea.
Ua vaneina foʻi i le mata taimane le papamaa o o latou lotoMa luga o seu o o latou fata faitaulaga,
2 A o manatua e a latou fanau a latou fata faitaulaga, ma a latou pou paia*+I tala ane o se laau lauolaola, i luga o aʻega maualuluga,+
3 Ma luga o mauga i nuu maotua.
Ou te tuuina atu au oloa ma au ʻoa uma ina ia faoa,+Ioe, o au mea maualuluga, ona o le agasala i lou laueleele uma.+
4 O oe lava foʻi, ua e lafoaʻiina lou tofi na ou tuuina atu iā te oe.+
Ou te tuuina atu foʻi oe e auauna i ou fili i se nuu e te lē iloa,+Auā ua outou tutuina loʻu ita e pei o se afi.*+
E mumū pea i aso uma lava.”
5 O le mea lenei ua fetalai mai ai Ieova:
“Ia malaia le tagata* e tuu lona faatuatuaga i tagata,+O lē e faalagolago i le malosi o le tagata,*+Ma o lē foʻi ua liliuese lona loto mai iā Ieova.
6 E avea o ia e pei o se laau tutasi i le toafa.
E lē iloa e ia pe a oo mai ni mea lelei,Ae e nofo o ia i nofoaga naumati i le toafa,I se nuu oona e lē o ʻainā.
7 E manuia le tagata* e faatuatua iā Ieova,O lē foʻi ua avea Ieova ma ona faatuatuaga.+
8 E avea o ia e pei o se laau ua totō i tafatafa o vai,E sosolo atu ona aa i le vaitafe.
E lē iloa e ia le vevela pe a oo mai,Ae e lauolaola pea ona lau.+
E lē popole o ia i le tausaga o le lāmala,E lē taofia foʻi lona fua mai.
9 E sili ona faaʻoleʻole* le loto nai lo o mea uma, ma e matuā leaga lava.*+
O ai sē e mafai ona iloa?
10 O aʻu o Ieova, o lē o loo saʻiliʻili i le loto+Ma iloilo i manatunatuga loloto,*Ina ia tuuina atu i tagata taʻitoʻatasi e tusa ma ona ala,E tusa foʻi ma le fua o ana galuega.+
11 E pei o le koli* ua ia faapotopotoina fua ae e lē o ni ona fua,E faapea foʻi le tagata ua ia maua ʻoa i se auala lē faamaoni.+
E latou te tuua o ia i le ʻafa o ona aso,Ma i le i‘uga e iloa ai lona valea.”
12 O le mea o loo iai lo tatou malumalu,O le nofoālii mamalu lea na faasilisilia mai i le amataga.+
13 Ieova e, le faamoemoega o Isaraelu,E faamāina i latou uma ua tuulafoa‘ia oe.
O i latou ua fulitua mai iā te oe* e tusia i latou i le eleele,+Auā ua latou tuulafoa‘ia Ieova, o le puna o le vai ola.+
14 Ieova e, ia e faamālōlō mai iā te aʻu, ona ou mālōlō ai lea.
Ia e faaola mai iā te aʻu, ona faaolaina ai lea o aʻu,+Auā o oe ou te vivii atu i ai.
15 Faauta! E iai nisi ua faapea mai iā te aʻu:
“O fea o iai le afioga a Ieova?+
Inā faaoo mai ia faamolemole!”
16 A o aʻu, ou te le‘i sola ese mai i le mulimuli atu iā te oe o se leoleo mamoe,Ou te leʻi naunau foʻi i le aso leaga.
Ua e silafia lelei faaupuga uma a oʻu laugutu;Na tutupu uma nei mea i ou luma.
17 Aua neʻi avea oe o se mea ou te mataʻu ai.
O oe o loʻu sulufaʻiga i le aso o le puapuaga.
18 Ia faamāina ē o faasauā mai iā te aʻu,+Ae aua neʻi faamāina aʻu.
Ia faamataʻuina i latou,Ae aua neʻi faamataʻuina aʻu.
Ia faaoo atu iā i latou le aso o le puapuaga,+Ma ia tu‘imomomoina i latou ma faaumatia atoatoa i latou.*
19 O le mea lenei ua fetalai mai ai Ieova iā te aʻu: “Inā alu ia ma e tū i le faitotoʻa o le fanauga a le nuu lea e ulu mai ai tupu o Iuta ma ō atu ai i fafo, ma faitotoʻa uma o Ierusalema.+
20 Ia e fai atu iā i latou, ‘Inā faalogo mai ia i le afioga a Ieova, o outou tupu o Iuta, o tagata uma o Iuta, ma ē uma o loo nonofo i Ierusalema, o ē o loo ulu mai i nei faitotoʻa.
21 O le mea lenei ua fetalai mai ai Ieova: “Ia outou faaeteete, ma aua neʻi outou ave se avega i le aso Sapati pe aumaia i faitotoʻa o Ierusalema.+
22 Aua neʻi o outou avatua se avega mai i o outou fale i le aso Sapati; aua foʻi tou te faia se galuega e tasi.+ Ia outou faapaiaina le aso Sapati, e pei ona ou poloaʻi atu ai i o outou augātamā.+
23 Ae e latou te leʻi faalogo pe uaʻi mai o latou taliga, ma na latou matuā mumusu* e usita‘i pe talia aʻoaʻiga.”’+
24 “ʻ“Peita‘i, afai e tou te matuā usiusitaʻi mai iā te aʻu,” ua fetalai mai ai Ieova, “ma e tou te lē aumaia se avega i faitotoʻa o lenei aai i le aso Sapati, ma outou faapaiaina le aso Sapati i le lē faia ai lava o se galuega,+
25 ona ulu mai ai lea i faitotoʻa o lenei aai o tupu ma perenise o loo nonofo i le nofoālii o Tavita,+ o loo tiʻetiʻe i le kariota ma solofanua, o i latou ma o latou perenise, o tagata o Iuta, ma ē o loo nonofo i Ierusalema;+ ma e ʻaināina lenei aai i aso uma lava.
26 E ō mai tagata mai i aai o Iuta, o nofoaga o loo siʻomia ai Ierusalema, o le nuu o Peniamina,+ o le nofoaga maulalo,+ o vaega maugā, ma Nekepi,* e latou te aumaia i le fale o Ieova taulaga mū,+ o taulaga,+ o taulaga i meaʻai,+ o le lipano, ma taulaga o faafetai.+
27 “ʻ“Ae afai e tou te lē usiusitaʻi iā te aʻu i le faapaiaina o le aso Sapati ma lē aveina ai se avega ma aumaia i faitotoʻa o Ierusalema i le aso Sapati, ona ou susunu lea o ona faitotoʻa i le afi, ma matuā faaumatia ai ʻolo malupuipuia o Ierusalema,+ ma e lē tineia lava.”’”+
Faamatalaga Pito i Lalo
^ Tagaʻi i le Uiga o Upu.
^ Pe atonu “Auā ua tutuina e outou le afi i loʻu ita.”
^ Po o le “tagata malosi.”
^ Epe., “e faia le tagata ma ona lima.”
^ Po o le “tagata malosi.”
^ Po o le “taufaasesē.”
^ Pe atonu “ma e lē mafai ona togafitia.”
^ Epe., “fatugaʻo.”
^ O le manulele e pei o se moa.
^ Epe., “mai iā te aʻu,” e foliga mai e faasino atu iā Ieova.
^ Po o le “ma ia faalua ona faaumatia i latou.”
^ Epe., “na latou faauamaaa.”
^ Po o “le itu i saute.”
