Ieremia 21:1-14
21 O le afioga a Ieova na oo mai iā Ieremia, ina ua aauina atu e le tupu o Setekaia+ o Pasura+ le atalii o Malakia, ma Sefanaia+ le atalii o Maaseia, o le ositaulaga, e talosaga e faapea:
2 “Faamolemole lava, seʻi e fesili atu iā Ieova mo i tatou, ona ua siitaua mai iā i tatou Nepukanesa le tupu o Papelonia.+ Atonu e faia e Ieova se tasi o ana galuega ofoofogia mo i tatou, ina ia alu ese ai o ia mai iā i tatou.”+
3 Ona fai mai lea o Ieremia iā i latou: “O le mea lenei e ao ona outou ta‘u atu iā Setekaia,
4 ‘O le mea lenei ua fetalai mai ai Ieova le Atua o Isaraelu: “Ou te faaliliuina atu iā te outou auupega o le taua o loo i o outou lava lima, o loo outou tau ai ma le tupu o Papelonia+ ma tagata Kaletaia o loo siʻomiaina outou i fafo o le pā. Ou te faapotopoto foʻi i latou i le ogatotonu o lenei aai.
5 O aʻu foʻi, ou te faasagatau atu iā te outou+ i le lima faaloaloa ma le lima malosi, ma le ita, o le lotoa, ma le to‘asā tele.+
6 Ou te taia ē o loo nonofo i lenei aai, o tagata atoa ma manu. E oti foʻi i latou i le faamaʻi tele.”’+
7 “‘Ua fetalai mai Ieova, “Pe a mavae lenā, ou te tuuina atu Setekaia le tupu o Iuta ma ana auauna, ma tagata o lenei aai, o ē e sao mai i le faamaʻi, ma le pelu, ma le oge, i le lima o Nepukanesa le tupu o Papelonia, o lima o o latou fili, ma lima o i latou o loo saʻili e fasiotia i latou.+ E na te taia i latou i le pelu. E lē alofa o ia iā i latou, e lē tigā alofa i ai, pe alofa mutimutivale foʻi i ai.”’+
8 “E te fai atu foʻi i lenei nuu, ‘O le mea lenei ua fetalai mai ai Ieova: “O lenei, ua ou tuuina atu i o outou luma le ala o le ola, ma le ala o le oti.
9 O ē e nonofo pea i lenei aai, e feoti i latou i le pelu, o le oge, ma le faamaʻi. Ae o lē e alu ese, ma tuuina atu o ia i tagata Kaletaia o loo siʻomia outou, e ola o ia ma e avea foʻi lona ola ma ona taui.”’*+
10 “ʻ“Auā ua ou faasaga atu i lenei aai ia oo i ai le malaia, ae e lē o le manuia,”+ ua fetalai mai ai Ieova. “E tuuina atu i le lima o le tupu o Papelonia,+ ma e na te susunuina i le afi.”+
11 “‘Le aiga o le tupu o Iuta e, ia faalogologo mai i le afioga a Ieova.
12 Le aiga o Tavita e, o le mea lenei ua fetalai mai ai Ieova:
“Ia faia le faamasinogatonu i taeao uma,Ma ia laveaʻiina lē ua faoa ana mea mai i le lima o lē ua ia ave faagaoia,+Ina ia lē alu atu ai loʻu toʻasā e pei o se afi+Ma susunu ai ae e leai se tasi e na te tineia,Ona o le leaga o mea na outou faia.”’+
13 ‘Ua ou tetee iā te oe, o lē e nofo i le vanu,*O le papa o le mea laugatasi,’ ua fetalai mai ai Ieova.
‘A o outou o ē ua faapea mai: “O ai e alu ifo e tau ma i tatou?
O ai foʻi e osofa‘ia mea o loo tatou nonofo ai?”
14 Ou te faasalaina outouE tusa ma mea na outou faia,’+ ua fetalai mai ai Ieova.
‘Ou te faamūina foʻi lona vaomatua,Ma e matuā faaumatia ai mea uma o loo siʻomia ai o ia.’”+