Ieremia 22:1-30
22 O le mea lenei ua fetalai mai ai Ieova: “Inā alu ifo ia i le fale o le tupu o Iuta, ma ia e faailoa atu lenei fe‘au.
2 Ia e faapea atu, ‘Inā faalogologo mai ia i le afioga a Ieova, le tupu o Iuta e, o lē o loo tiʻetiʻe i le nofoālii o Tavita, o oe ma au auauna ma lou nuu, o ē o loo ulu mai i nei faitotoʻa.
3 O le mea lenei ua fetalai mai ai Ieova: “Ia outou faia le faamasinogatonu ma le amiotonu. Ia laveaʻiina lē ua faoa ana mea mai i le lima o lē gaoia mea. Aua neʻi agaleaga i so o se tagata ese, ma aua fo‘i le faasauā i so o se tama ua leai se tamā,* po o le fafine ua oti lana tane.+ Aua foʻi neʻi faamaligiina le toto o so o se tagata ua lē sala i lenei mea.+
4 Auā afai e tou te tausia lelei lenei upu, ona ulu mai ai lea i faitotoʻa o lenei fale o tupu o loo nonofo i le nofoālii o Tavita,+ o loo tiʻetiʻe i kariota ma solofanua, o i latou ma a latou auauna ma lo latou nuu.”’+
5 “‘Ae afai tou te lē usiusitaʻi i nei upu, ou te tautō aʻu iā te aʻu,’ ua fetalai mai ai Ieova, ‘e avea lava lenei fale ma mea e faatafunaina.’+
6 “Auā o le mea lenei ua fetalai mai ai Ieova e faatatau i le fale o le tupu o Iuta,‘Ua pei oe iā te aʻu o Kiliata,E pei o le tumutumu o Lepanona.
Ae ou te faia oe ma toafa;E leai se tasi o ou aai e ‘ainā.+
7 Ou te tofia* lē e na te faaumatiaina mea e faasagatau iā te oe,E taʻitasi le tagata ma ana auupega.+
E latou te tātuu i lalo ou arasi e pito sili ona lelei,Ma lafo i le afi.+
8 “ʻE tele lava nuu e ui ane i lenei aai, ma e faapea ane foʻi le tasi i le isi: “Aiseā ua faia ai faapea e Ieova i lenei aai tele?”+
9 Ona latou tali atu lea: “Ona ua latou tuulafoa‘ia le feagaiga a Ieova lo latou Atua, ma ifo atu i isi atua ma auauna i ai.”’+
10 Aua tou te fetagisi mo le tagata ua oti,Aua foʻi tou te faanoanoa iā te ia.
Nai lo o lea, ia tagi masūsū ona o lē ua alu ese,Auā e lē toe foʻi mai o ia e vaai i le nuu na fanau ai.
11 “Auā o le mea lenei ua fetalai mai ai Ieova e faatatau iā Saluma*+ le atalii o Iosia, o le tupu o Iuta o lē o loo pule nai lo o lona tamā o Iosia,+ o lē ua alu ese atu mai i lenei mea: ‘E lē toe foʻi mai lava o ia i lenei mea.
12 Auā e oti o ia i le mea na latou ave faapagota i ai o ia, ma e lē toe vaai o ia i lenei nuu.’+
13 Oi talofa i lē ua faia lona fale e aunoa ma le amiotonu,Ma ona potu i luga e aunoa ma le faamasinogatonu,O lē ua faaaogā lona uso a tagata e auauna fua iā te ia,Ua ia lē avatu fo‘i i ai lona totogi;+
14 O lē ua faapea ane, ‘Ou te faia mo aʻu se fale telēMa ni potu tetelē i luga.
Ou te faia ai fo‘i le tele o faamalama,E ufitia i le arasi ma vali i le vali mūmū.’
15 Pe e faaauau ea ona e pule ona ua sili atu oe nai lo o isi i le faaaogāina o arasi?
Na ‘ai fo‘i ma inu lou tamā,Peita‘i na ia faia le faamasinogatonu ma le amiotonu,+O le mea lenā na manuia ai o ia.
16 Na ia puipuia le faamasinoga a lē ua puapuagatia ma lē ua mativa,O le mea lenā na manuia ai.
‘Pe e lē o le uiga lenā o le iloaina o aʻu?’ ua fetalai mai ai Ieova.
17 ‘Ae ua uaʻi atu lau vaai ma lou loto tau o au polofiti mai i faiga faagaoi,O le sasaa o le toto o lē ua lē sala,Ma le ave faagaoi ma le faoa o mea.’
18 “O le mea lea ua fetalai mai ai Ieova e faatatau iā Ioakima+ le atalii o Iosia, o le tupu o Iuta,‘E latou te lē faavauvau mo ia:
“Auē loʻu uso e! Auē loʻu tuafafine e!”
E latou te lē faavauvau mo ia:
“Auē loʻu matai e! Auē ua mavae atu lona mamalu!”
19 E tanumia o ia e pei ona tanu o se asini,+E fetosoa‘iina ma lafoaʻiinaI tua o faitotoʻa o Ierusalema.’+
20 Inā alu aʻe ia i Lepanona ma alaga atu,Ia e leotele i Vasana,Ia alaga foʻi mai i Aperima,+Auā ua faaumatia i latou uma sa manana‘o tele iā te oe.+
21 Na ou tautala atu iā te oe i le taimi na e lagona ai le saogalemu.
Ae na e faapea mai, ‘Ou te lē usiusitaʻi i ai.’+
O lau masani lava lenā talu ona e talavou,Auā e te leʻi faalogo i loʻu leo.+
22 E leoleoina e le matagi au leoleo mamoe uma,+Ma e ave faapagota i latou o ē e manana‘o tele iā te oe.
Ona e māsiasi lea ma faalumaina oe ona o ou puapuaga uma.
23 O oe lenā, o lē e nofo i Lepanona,+Ua fai lou ofaga i luga o arasi,+Oi talofa iā te oe i lou ōi pe a oo iā te oe le tigā,O tigā* e pei o se fafine o le a fanau!”+
24 “‘Ou te tautō iā te aʻu lava,’ ua fetalai mai ai Ieova le Atua soifua, ‘e tusa lava pe avea Konia*+ le atalii o Ioakima,+ le tupu o Iuta ma mama faamaufaailoga i loʻu lima taumatau, ou te seʻiesea lava oe mai i lea mea!
25 Ou te tuuina atu oe i lima o i latou o loo saʻili e fasiotia oe, o lima o i latou ua e fefe i ai, o le lima o Nepukanesa le tupu o Papelonia, ma lima o tagata Kaletaia.+
26 Ou te tutulia oe ma lou tinā o lē na fanaua oe i se isi nuu e lua te leʻi fananau mai ai, o inā e lua te feoti ai.
27 Ae e latou te lē toe foʻi mai lava i le nuu na latou naunau i ai.+
28 Po o lenei ea tagata o Konia ua na o se ipu inosia, ua nutililiia,O se ipu ua lē mana‘o i ai se tasi?
Aiseā ua tutulia ai o ia ma ē e tupuga mai iā te ia,Ma lafoaʻiina i se nuu e latou te lē iloa?’+
29 E! le lalolagi e,* le lalolagi e, le lalolagi e, inā faalogologo mai ia i le afioga a Ieova.
30 O le mea lenei ua fetalai mai ai Ieova:
‘Ia outou tusia lenei tagata o sē e leai sana fanau,O se tagata e lē taulau manuia lona olaga,*Auā e lē manuia sē e tupuga mai iā te ia,E lē nofo foʻi i le nofoālii o Tavita pe toe pule i Iuta.’”+
Faamatalaga Pito i Lalo
^ Po o “so o sē ua mātuaoti.”
^ Epe., “faapaiaina.”
^ E igoa foʻi iā Ioasasa.
^ Epe., “tigā a fanau.”
^ E igoa foʻi iā Ioakina ma Iekonia.
^ Po o “le laueleele e.”
^ Epe., “ona aso.”
