Ieremia 3:1-25
3 Ua fesili tagata: “Afai e faateʻa e se tamāloa lana avā, ma e na te tuua o ia ae fai o ia ma avā a se isi tagata, pe e toe foʻi atu ea le tamāloa iā te ia?”
Po ua lē matuā faaleagaina ai ea lenā laueleele?+
“Ua e talitane ma le toʻatele o aumea,+Pe e te toe foʻi mai ea iā te aʻu?” ua fetalai mai ai Ieova.
2 “Inā tepa aʻe ia ou mata i a‘ega taalaelae ma vaavaai.
O fea se mea e leʻi tosoina faamalosi ai oe?
Na e nofo faatalitali i tafatafa o auala mo i latou,E pei o se tagata maumausolo* i le toafa.
Ua e faaleaga pea le nuuI au amioga faatalitane ma au amioga leaga.+
3 O le mea lea, ua taofia ai timuga tetele,+Ua leai foʻi ni timuga i le tau e totogo ai mea.
Ua iā te oe le pupula faauamaaa* a se avā ua faia le talitane;Ua e lē manaʻo foʻi ina ia e māsiasi.+
4 A o lenei ua e valaau mai iā te aʻu,‘Loʻu Tamā e, o oe o laʻu uō mamae a o o‘u talavou!+
5 Pe e tumau ea ona e toʻasā e faavavau,Pe e faaauau ona e ita faamoemoe?’
O lau tala lenā,Ae ua e faia pea mea leaga o loo e faia.”+
6 Na fetalai mai Ieova iā te aʻu i aso o le tupu o Iosia:+ “‘Po ua e iloa ea mea ua faia e Isaraelu lē faamaoni? Ua alu aʻe o ia i luga o mauga maualuluga uma ma lalo o laau lauolaola uma, ina ia talitane ai o ia i inā.+
7 Ina ua uma ona ia faia o nei mea uma, na ou fai atu pea iā te ia ina ia toe foʻi mai iā te aʻu,+ ae e leʻi toe foʻi mai o ia; ma na vaavaai atu pea Iuta i lona uso faaʻoleʻole.+
8 Ina ua ou iloa lenā mea, ona ou auina ese lea o Isaraelu lē faamaoni ma le tusi e faamaonia ai le tatalaina o le faaipoipoga,+ ona o lana mulilua.+ Peitaʻi, e leʻi fefe lona uso faaʻoleʻole o Iuta; ua alu atu foʻi o ia ma faia le talitane.+
9 Na manatu māmā o ia i lana talitane, ma ua faaleagaina pea e ia le laueleele ma mulilua ai i maa ma laau.+
10 E ui i nei mea uma, ae e leʻi toe foʻi mai lona uso faaʻoleʻole o Iuta iā te aʻu ma lona lotoatoa, ae e na o le faafoliga lava,’ ua fetalai mai ai Ieova.”
11 Ona fetalai mai lea o Ieova iā te aʻu: “Ua sili atu ona amiotonu Isaraelu lē faamaoni nai lo o Iuta faaʻoleʻole.+
12 Inā alu ia ma folafola atu upu nei i le itu i mātū:+
“ʻ“Isaraelu e, o lē ua fouvale, inā foʻi mai ia,” ua fetalai mai ai Ieova.’+ ʻ“Ou te lē vaavaai ifo ma le ita* iā te outou,+ auā ou te faamaoni lava,” ua fetalai mai ai Ieova.’ ʻ“E lē tumau loʻu ita e oo i le faavavau.
13 Tau ina ia e iloa lou sesē, auā ua e agasala iā Ieova lou Atua. Ua faaauau foʻi ona e tuliloaina* tagata ese* i lalo o laau lauolaola uma, ae ua outou lē faalogo i loʻu leo,” ua fetalai mai ai Ieova.’”
14 “O outou le fanau fouvale, inā foʻi mai ia,” ua fetalai mai ai Ieova. “Auā ua avea aʻu ma lo outou matai moni;* ma ou te avea outou, e taʻitasi mai i le aai ma le taʻitoʻalua mai i le aiga, ma ou aumaia outou i Siona.+
15 Ou te avatu iā te outou o leoleo mamoe e malie i ai loʻu loto,+ e latou te fafaga foʻi iā te outou i le poto ma le tofā mamao.
16 O le a faatoʻateleina outou ma fanafanau mai i le nuu i na aso,” ua fetalai mai ai Ieova.+ “E latou te lē toe faapea mai, ‘O le atolaau o le feagaiga a Ieova!’ E lē toe alu aʻe i le loto, e latou te lē toe manatuaina pe misia, e lē toe faia lava.
17 I le taimi lenā, e latou te taʻua ai Ierusalema o le nofoālii o Ieova;+ e faapotopoto faatasi mai atunuu uma i le suafa o Ieova i Ierusalema,+ e latou te lē toe savavali foʻi e tusa ma le maaa o o latou loto ua leaga.”
18 “I na aso, e latou te savavali faatasi ai, o le aiga o Iuta ma le aiga o Isaraelu,+ e latou te ō mai faatasi foʻi mai i le nuu o le itu i mātū i le nuu na ou foaʻiina atu i o outou augātamā e fai ma tofi.+
19 Ona ou manatu lea, ‘E! na ou tuuina outou faatasi ma le fanau ma avatu iā te oe le laueleele lelei, o le tofi e sili ona matagofie o atunuu!’*+ Na ou manatu fo‘i e tou te valaau mai iā te aʻu, ‘Loʻu Tamā e!’ ma e tou te lē liliuese mai i le mulimuli mai iā te aʻu.
20 ‘E moni, e pei ona tuua e se avā faaʻoleʻole o lana tane,* e faapea foʻi outou ona faaʻoleʻole mai iā te aʻu, le aiga o Isaraelu e,’+ ua fetalai mai ai Ieova.”
21 Ua lagona le leo i a‘ega taalaelae,O le tagi ma ʻaiʻoiga a le fanauga a Isaraelu,Auā ua latou faapiʻoina lo latou ala;Ua galo iā i latou Ieova lo latou Atua.+
22 “O outou le fanau fouvale, inā foʻi mai ia.
Ou te faamālōlō i lo outou tulaga fouvale.”+
“O i matou nei! Ua matou ō atu iā te oe,Auā o oe Ieova e, o lo matou Atua.+
23 E moni o aʻega faapea foʻi ma vevesi i luga o mauga, o mea pepelo ia.+
E moni lava o loo iā Ieova lo tatou Atua le faaolataga o Isaraelu.+
24 Peitaʻi, ua ʻaina e le mea e māsiasi ai* le tautigā o o matou augātamā talu mai lo matou talavou,+O a latou lafu mamoe ma lafu povi,O o latou atalii foʻi ma o latou afafine.
25 Se‘i o matou taooto i lalo i lo matou māsiasi,Ma ia ufitia i matou i lo matou faalumaina,Auā ua matou agasala iā Ieova lo matou Atua,+O i matou ma o matou tamā talu mai lo matou talavou e oo mai i lenei aso,+E matou te leʻi faalogo foʻi i le siʻufofoga o Ieova lo matou Atua.”
Faamatalaga Pito i Lalo
^ Epe., “tagata Arapi.”
^ Epe., “le muāulu.”
^ Epe., “E lē faapaʻū ifo oʻu foliga.”
^ Po o le “e feusuaʻi ma.”
^ Po o “atua ese.”
^ Pe atonu “ma au tane.”
^ Epe., “o ʻautau a atunuu.”
^ Epe., “paaga.”
^ Po o “le atua e māsiasi ai.”
