Ieremia 4:1-31
4 “Isaraelu e, afai e te foʻi mai,” ua fetalai mai ai Ieova,“Afai e te foʻi mai iā te aʻuMa afai e te aveesea au tupua inosia mai i o‘u luma,Ona lē avea lea o oe ma sē e maumausolo.+
2 Afai foʻi e te tautō,‘Ou te tautō iā Ieova le Atua soifua!’ i le faamaoni, i le faamasinotonu, ma le amiotonu,Ona maua ai lea e atunuu o se faamanuiaga ona o ia,Ma e latou te mitamita foʻi ona o ia.”+
3 Auā o le mea lenei ua fetalai mai ai Ieova i tagata o Iuta ma Ierusalema:
“Inā suatia ia o lo outou fanua e leʻi galueaʻiina,Ae aua le lūlūina pea a outou fatu i laau tuitui.+
4 Inā peritome ia outou iā Ieova,Ma aveese paʻu o o outou loto,+O outou tagata o Iuta ma tagata o loo nonofo i Ierusalema,Ina ia lē sasao a‘e loʻu to‘asā e pei o se afiMa susunu ai ae e leai se tasi e na te tineia,Ona o a outou mea leaga na fai.”+
5 Ia outou folafola atu i Iuta ma faalauiloa atu i Ierusalema.
Ia alalaga atu ma ilia se pū i le nuu.+
Ia valaau leotele atu e faapea: “Inā faapotopoto faatasi mai ia,Ma tatou sosola atu i aai malupuipuia.+
6 Inā faatū ia se faailoilo* e iloa ai le ala i Siona.
Ia saʻili se mea e tou te malu ai, ma aua neʻi tutū mai,”
Auā ou te aumaia le mala mai i le itu i mātū,+ o le malaia tele.
7 Ua alu aʻe o ia e pei o se leona mai i le vao putuputu;+Ua alu ese lē na te faaumatiaina atunuu.+
Ua alu atu o ia mai i lona nofoaga ina ia faia lou laueleele ma mea e fefefe ai.
E faatafunaina foʻi ou aai, e leai sē e nofo ai.+
8 O lea, inā fusi ia outou i ʻie talatala,+Ia outou faavauvau* ma tagiauē,Auā e le‘i liliuese le toʻasā aasa o Ieova mai iā i tatou.
9 Ua fetalai mai Ieova, “I lea aso e vaivai ai le loto o le tupu,+Faapea loto o perenise;E fefefe foʻi ositaulaga ma taufaiofo perofeta.”+
10 Ona ou faapea atu lea: “Auē, Ieova e, le Alii Pule Silisili Ese! E moni ua e matuā ʻolegiaina lenei nuu+ ma Ierusalema, i le faapea atu, ‘E iā te outou le filemu,’+ ae ua oo le pelu i o matou faa‘ī.”*
11 O le taimi lenā e faapea atu ai i lenei nuu ma Ierusalema:
“E iai se matagi vevela e sau mai i a‘ega taalaelae o le toafa,E alu ifo i le tama fafine* a loʻu nuu;E lē o se matagi e faasavili pe faamamā ai saito.
12 E agi mai le matagi malosi mai i na mea i la‘u faatonuga.
O lea, ou te faailoa atu ai foʻi faamasinoga iā i latou.
13 Faauta! E sau o ia e pei o ao o timuga,Ma o ona kariota e pei o se matagi malosi.+
O ana solofanua e sili atu ona televavave nai lo o aeto.+
Oi talofa iā i tatou, auā ua faatafunaina i tatou!
14 Ierusalema e, inā faamamā ia lou loto mai i mea leaga, ina ia faaolaina ai oe.+
O le ā ea le umi e te teuloto ai na manatunatuga leaga?
15 Auā ua taʻu mai e se leo le tala mai i Tanu,+Ma faailoa mai se mala mai i mauga o Efaraima.
16 Ia outou taʻu atu i atunuu;Ia folafola atu foʻi i Ierusalema.”
“Ua ō mai tagata leoleo* mai i se nuu e mamao lava,Ma e latou te alalaga atu foʻi faasaga i aai o Iuta.
17 Ua latou siitaua atu iā te ia i itu uma e pei o leoleo o fanua,+Auā ua fouvale o ia iā te aʻu,”+ ua fetalai mai ai Ieova.
18 “O ou lava ala ma au gaoioiga, ua oo ai nei mea iā te oe.+
Pagā le oona o lou malaia,Auā ua oo lava i lou loto!”
19 Ua ou atuatuvale,* ua ou atuatuvale!
Ua matuā tigā lava loʻu loto.*
Ua tātāvale loʻu fatu i totonu iā te aʻu.
Ua ou lē manofo,Auā ua ou faalogo atu i le leo o le pū,O le faailoilo o le taua.*+
20 Ua taʻu mai ua faaumatia lea mea, ma faaumatia lea mea,Auā ua faatamaʻia le nuu atoa.
Ua faafuaseʻi foʻi ona faatamaʻia oʻu lava faleʻie,O oʻu faleʻie e pei o le emo o le mata.+
21 O le ā le umi ou te vaai atu ai pea i le faailoilo,*Ma faalogo ai pea i le leo o le pū?+
22 “Auā ua valelea loʻu nuu;+Ua latou lē ano mai lava iā te aʻu.
O i latou o se fanau vālea, e leai se malamalama.
E popoto* i latou e fai mea leaga,Ae e latou te lē iloa fai ni mea lelei.”
23 Na ou vaai atu i le nuu, faauta! ua gaogao ma tuufua.+
Na ou vaai atu foʻi i le lagi, ae ua lē toe iai se malamalama.+
24 Na ou vaai atu i mauga, faauta! ua gatete,Ma ua lūlūina foʻi aʻega.+
25 Na ou vaai atu, faauta! ua leai se tagata,Ua sosola foʻi manufelelei uma o le lagi.+
26 Na ou vaai atu, faauta foʻi! ua avea le laufanua o togālaau ma toafa,Ua lepetia ona aai uma lava.+
Na tupu lenei mea ona o Ieova,Ona o le aasa foʻi o lona toʻasā.
27 Auā o le mea lenei ua fetalai mai ai Ieova: “E avea le laueleele uma ma faatafunaga,+Ae ou te lē faaumatiaina atoatoa.
28 O le mea lea e faavauvau ai le nuu,+E pōuliuli ai foʻi le lagi i lugā.+
Auā ua ou fai ane, ua ou filifili e fai,Ma e lē suia lo‘u mafaufau,* po ou te liliuese mai ai.+
29 Ua sosola le aai atoa+Ona o le leo o tagata tiʻetiʻe solofanua ma ē e fanafana aū.
Ua latou ulu atu i vao putuputu,Ma ua latou fe‘a‘ei i luga o papa.+
Ua tuulafoa‘ia aai uma,Ua leai foʻi se tagata e nofo ai.”
30 Ona o lea ua faatafunaina oe, o le ā nei lau mea o le a fai?
Sa masani ona e ofu i ofu mūmū sesega,Teuteu iā te oe i auro,Ma faamanaia ou mata i vali uliuli.
Ae ua leai se aogā o lou faalalelei o oe lava,+Auā ua teena oe e i latou sa tuʻinanau atu iā te oe;Ua latou saʻili nei e fasioti iā te oe.+
31 Auā ua ou faalogo i le leo e pei o se fafine ua maʻi,O le tigā e pei o le tigā o se fafine o le a fanau mai lana tama ulumatua,O le leo o le tama fafine a Siona o lē o loo fia mānava.
Ua ia faapea mai a o faaloloa mai ona lima:+
“Auē, talofa iā te aʻu, auā ua ou matuā vaivai ona o ē e fasioti tagata!”
Faamatalaga Pito i Lalo
^ Po o le “pou faailoilo.”
^ Po o le “tagituʻi.”
^ Po o “loto.”
^ O se faaupuga faafatusolo atonu e faailoa mai ai le tigā alofa.
^ Epe., “tagata vāai,” e faasino atu i ē e mataʻia le aai e iloa ai le taimi e osofaʻi ai.
^ Epe., “Loʻu manava e.”
^ Epe., “puipui o loʻu fatu.”
^ Pe atonu “O le leo o le alaga o le taua.”
^ Po o le “pou faailoilo.”
^ Po o le “atamamai.”
^ Po o le “ou te lē salamō.”
