Ieremia 45:1-5
-
Le feʻau a Ieova iā Paruka (1-5)
45 O le upu lenei na fai atu ai le perofeta o Ieremia iā Paruka+ le atalii o Neria, ina ua ia tusia i se tusi nei upu na faalauina atu e Ieremia,+ i le tausaga lona fā o le nofoaiga a Ioakima+ le atalii o Iosia, o le tupu o Iuta:
2 “O le mea lenei ua fetalai mai ai Ieova le Atua o Isaraelu e faatatau iā te oe Paruka,
3 ‘Ua e faapea ane: “Oi talofa iā te aʻu, auā ua faaopoopo e Ieova le faanoanoa i loʻu tigā! Ua ou vaivai ona o loʻu ōi, ma ua ou lē maua lava se mea ou te mapu ai.”’
4 “Ia faapea ona e fai atu iā te ia, ‘O le mea lenei ua fetalai mai ai Ieova: “Faauta! O le mea na ou fausia, ou te lepetia, o le mea foʻi na ou totōina, ou te liaʻiina, o le nuu uma lea.+
5 Ae ua e saʻilia* mea tetele mo oe. Aua neʻi e toe saʻilia nei mea.”
“‘Auā o le a ou aumaia le malaia i luga o tagata uma,’+ ua fetalai mai ai Ieova, ‘ma o mea uma e te alu atu i ai, ou te tuuina atu iā te oe lou ola e fai ma ou taui.’”*+
