Ieremia 47:1-7
-
Valoaga e faasaga iā Filisitia (1-7)
47 O le afioga lenei a Ieova na oo mai i le perofeta o Ieremia e faatatau iā Filisitia,+ a o leʻi fasia e Farao o Kasa.
2 O le mea lenei ua fetalai mai ai Ieova:
“Faauta! E oso mai vai mai i le itu i mātū.
O le a avea ma tafega.
E lofia ai le nuu ma mea uma o iai,O le aai ma i latou o loo nonofo ai.
O le a alalaga tagata,Ma uiō ē uma o loo nonofo i le nuu.
3 O le leo o le paʻō o atigivae o ana solofanua malolosi,O le patapatatū o ana kariota o le taua,Ma le taalili o ana uili,E lē liliu ai lava tamā i a latou fanau,Auā ua vaivai o latou lima,
4 Ona o le a oo mai le aso e faaumatia ai Filisitia uma;+E vavaeesea mai i Turo+ ma Saitonu+ o tagata uma na totoe na fesoasoani atu.
Auā e faaumatia e Ieova Filisitia,O ē ua totoe mai i le motu o Kafatori.*+
5 Ua sele mamā ulu* o ē o i Kasa.
Ua faatafunaina Asekelona.+
O oe lē ua totoe i o laʻua fanua laugatasi,*O le ā ea le umi e te selei ai oe lava?+
6 Auē, o le pelu a Ieova!+
O le ā ea le umi e te lē filemu ai?
Inā toe foʻi ia i lou faamoega.
Inā taoto ia ma mālōlō.
7 E faapefea ona filemuPe afai na poloaʻi atu i ai Ieova?
Na ia tofia le peluE osofaʻia Asekelona ma le talafatai.”+
Faamatalaga Pito i Lalo
^ E faasino atu i Kereta.
^ E faasino atu i le sele mamā o o latou ulu ona o le faavauvau ma le faalumaina.
^ E faasino atu i le fanua laugatasi i le pito i lalo o se vanu.
