Ieremia 48:1-47
-
Valoaga e faasaga iā Moapi (1-47)
48 O le mea lenei ua fetalai mai ai Ieova o ʻau, o le Atua o Isaraelu iā Moapi:+
“Oi talofa iā Nepo,+ auā ua faaumatia o ia!
Ua faamāina Kiriataima+ ma ua faatoʻilaloina.
Ua faamāina le sulufaʻiga malupuipuia* ma ua nutililiia.+
2 E latou te lē toe viia Moapi.
I Hesepona,+ ua latou faufau ai ina ia faaumatia o ia:
‘Inā ō mai ia, seʻi o tatou faamutaina le toe avea o ia ma nuu.’
O oe foʻi Matameni e, ia e nofo filemu,Auā o loo mulimuli atu le pelu iā te oe.
3 E iai le leo o le alaga mai i Horonaima,+O le faaumatiaga ma le faatamaʻiaga tele.
4 Ua faatamaʻia Moapi.
Ua alalaga mai ona tamaiti.
5 Ua latou fetagisi pea a o latou ō aʻe i le aʻega o Luita.
Ua latou lagona foʻi le alaga o le puapuaga ona o le faatamaʻiaga, a o ō ifo mai i Horonaima.+
6 Inā sosola ia, ia faasaoina o outou ola!
Ia avea outou e pei o le laau o le perosi i le toafa.
7 E faatoʻilaloina foʻi oe,Ona ua e faatuatua i au galuega ma au oloa.
E ave faapagota lava Kimosa,+Faatasi ma ona ositaulaga ma ona perenise.
8 E sau foʻi lē e na te faaumatia mea i aai uma,Ma e leai se aai e sao mai ai.+
E fano le vanu,*Ma e faaumatia le laueleele laugatasi,* e pei ona fetalai mai ai Ieova.
9 Ia outou faia se faailoga mo Moapi,Auā e sola o ia pe a lepetia mea uma lava,E avea foʻi ona aai ma mea e fefefe ai,E leai se isi e nofo ai.+
10 Ia malaia le tagata e faatamala i le faataunuuina o le feʻau a Ieova!
Ia malaia le tagata e taofia lana pelu mai i le faamasaaina o le toto!
11 Ua nonofo filemu tagata Moapi talu mai lo latou talavou,E pei o le uaina ua toʻa i luga o ʻalu.
E leʻi sasaa atu i latou mai i le tasi ipu i le isi ipu,Ma e leʻi ave faapagota lava i latou.
O le mea lea ua tumau ai pea lo latou tofo,Ma e leʻi suia lo latou manogi.
12 “‘O le mea lea, faauta! e oo mai aso,’ ua fetalai mai ai Ieova, ‘ou te aauina atu ai tagata e sasaa iā i latou. E latou te sasaaina i latou ma aveese mea uma mai i a latou ipu, ma nutililii a latou fagu tetele.
13 E māsiasi foʻi tagata Moapi iā Kimosa, e pei ona māsiasi o le aiga o Isaraelu iā Peteli, lea sa avea ma o latou faatuatuaga.+
14 E faapefea ona outou fai mai: “O i matou o tagata totoa malolosi ua nofosauni mo le taua”?’+
15 ‘Ua faaumatia Moapi,Ua osofaʻia ona aai,+Ua fasiotia foʻi ona tauleleʻa e sili ona lelei,’+
Ua fetalai mai ai le Tupu, o lona suafa o Ieova o ʻau.+
16 Ua latalata ona oo mai le malaia o tagata Moapi,Ma ua matuā televave mai lava lo latou faaumatiaga.+
17 E tigā alofa faatasi ma i latou o ē uma o loo siʻomiaina i latou,O i latou uma e iloa lo latou igoa.
Ia faapea atu iā i latou: ‘E! ua gauia le tootoo malosi, o le laau o le matagofie!’
18 Inā alu ifo ia mai i lou mamaluMa nofo ma le galala,* o oe le tama fafine o loo nofo i Tipona,+Auā ua alu aʻe o lē e faaumatia Moapi e tau ma oe,E na te faatamaʻia foʻi ou nofoaga malupuipuia.+
19 O oe lenā o loo nofo i Aroeru,+ inā tū ia i le auala ma vaavaai atu.
Ia fesili atu i le tane ua sola ma le fafine ua sao mai ai, ‘O le ā le mea ua tupu?’
20 Ua faamāina Moapi ma ua taia i le mataʻu.
Inā uiō ia ma alaga atu.
Ia faalauiloa atu i Arinona+ ua faaumatia Moapi.
21 “Ua oo mai le faamasinoga i le laueleele laugatasi,*+ iā Horona, o Iaesa,+ o Mefata;+
22 o Tipona,+ o Nepo,+ o Pete-tipelata;
23 o Kiriataima,+ o Pete-kamulo, o Pete-meona;+
24 o Kiriota,+ o Posara; ma aai uma o le nuu o Moapi, o i latou e mamao ma latalata mai.
25 ‘Ua vavaeeseina le malosi* o Moapi;Ua gau foʻi lona lima,’ ua fetalai mai ai Ieova.
26 ‘Ia faainu iā te ia ia onā,+ auā ua faasausili o ia iā Ieova.+
Ua taafili Moapi i ana puaʻiga,Ma ua avea o ia ma mea e tauemu ai.
27 Pe e leʻi avea ea Isaraelu ma mea e tauemu ai iā te oe?+
Pe na maua ea o ia faatasi ma tagata gāoi,Ua lūlū ai lou ulu ma e tautala faasaga iā te ia?
28 O outou o loo nonofo i Moapi, inā tuua ia aai ma nonofo i le papa,Ia avea foʻi e pei o se lupe ua ofaga i itu o le mato.’”
29 “Ua matou faalogo e faatatau i le faamaualuga o Moapi, e matuā faualuga o ia,E faatatau i lona faasausili, o lona faamaualuga, o lona faualuga, ma le faafefeteina o lona loto.”+
30 “‘Ua ou iloa lona ita,’ ua fetalai mai ai Ieova,‘Ae e iʻuvale ana tala lē aogā.
E leai se mea e latou te faia.
31 O le mea lea ou te uiō ai ona o Moapi,Ou te alaga atu foʻi ona o Moapi atoaMa ōi ona o tagata o Kiri-arisa.+
32 Le vine e, o Sepena,+ e sili atu loʻu tagi iā te oeNai lo o loʻu tagi iā Iasaru.+
Ua sopo atu i le sami ou tātupu lauolaola.
Ua oo atu i le sami, ua oo atu i Iasaru.
Ua osofaʻia e lē e faaumatia meaOu fua o le tau māfanafana, ma ou vine ua seleseleina.+
33 Ua aveesea le fiafia ma le olioli mai i le togālaau ‘ainaMa le nuu o Moapi.+
Ua ou taofia foʻi le tafe o le uaina mai i le mea e soli ai vine.
E leai se isi e solia vine ma le alaga fiafia.
E iai le alaga ae o se isi ituaiga o alaga.’”+
34 “‘E iai se alaga mai i Hesepona+ e oo atu i Eleale.+
Ua latou valaau atu e oo atu i Iaesa,+E mai i Soara e oo atu i Horonaima,+ i Ekalata-selisa.*
E avea foʻi vai o Nimara ma mea ua faatafunaina.+
35 Ou te taofia foʻi mai i Moapi,’ ua fetalai mai ai Ieova,‘O lē na te ave aʻe se taulaga i le mea maualuga,Ma lē na te faia taulaga i lona atua.
36 O le mea lea e ōi ai loʻu loto* e pei o se fagufagu* ona o Moapi,+E ōi foʻi loʻu loto* e pei o se fagufagu* ona o tagata o Kiri-arisa.
Auā o le a fano ʻoa na ia faia.
37 Auā ua sele mamā ulu uma,+Ma ua sele foʻi ʻava uma.
Ua selei lima uma,+Ma ua fusia ʻie talatala i o latou puimanava!’”+
38 “‘Ua na o le tagiauē ua iaiI taualuga o fale uma o Moapi,Ma ona nofoaga faitele uma.
Auā ua ou nutililiia MoapiE pei o se ipu ua lafoaʻia,’ ua fetalai mai ai Ieova.
39 ‘E! ua mataʻu o ia. Inā uiō ia!
E! ua sola ese Moapi ma le māsiasi.
Ua avea foʻi Moapi ma mea e tauemu ai,O se mea e matataʻu ai i latou uma o loo siʻomia o ia.’”
40 “Auā o le mea lenei ua fetalai mai ai Ieova:
‘Faauta! E pei ona faatifa ifo le aeto,+E faaloloa atu foʻi e ia ona apaʻau i luga o Moapi.+
41 E faoa aai,Ma faatoʻilaloina ona ʻolo malolosi.
I lenā aso, o loto foʻi o tagata totoa o Moapi,O le a pei o le loto o se fafine ua faatigā o le a fanau.’”
42 “‘E faaumatia Moapi mai i le avea ma nuu,+Auā ua faasagatau iā Ieova i lona faasausili.+
43 O loo i ou luma le mataʻu, o le lua, ma le mailei,O oe lenā e nofo i Moapi,’ ua fetalai mai ai Ieova.
44 ‘O so o se tasi e sola ese i le mataʻu, e paʻū i le lua,O so o se tasi foʻi e alu aʻe mai i le lua, e puʻea i le mailei.’
‘Auā ou te faaoo iā Moapi le tausaga o lo latou faasalaga,’ ua fetalai mai ai Ieova.
45 ‘O ē ua sosola, ua tutū i latou i le paolo o Hesepona, ua leai so latou malosi.
Auā e alu atu le afi mai i Hesepona,Ma le afi mumū mai i totonu o Sekono.+
E faaumatia ai le muāulu o Moapi,Ma le atigipoo o atalii o le vāvāō.’+
46 ‘Oi talofa iā te oe, Moapi!
Ua faaumatia le nuu o Kimosa.+
Auā ua ave faapagota ou atalii,Ua ave faapagota foʻi ou afafine.+
47 Ae ou te faapotopotoina o ē na ave faapagota o Moapi i le faaiʻuga o aso,’ ua fetalai mai ai Ieova.
‘Ua faaiʻuina ai i inei le feʻau o le faamasinoga o Moapi.’”+
Faamatalaga Pito i Lalo
^ Po o le “ʻolo malupuipuia.”
^ Po o “le fanua laugatasi.”
^ Po o “le fanua maualuga laugatasi.”
^ Pe atonu “i le eleele mātūtū.”
^ Po o “le fanua maualuga laugatasi.”
^ Epe., “le nifo.”
^ Atonu e faatatau atu i se nofoaga i Moapi. Ua faaliliuina i isi Tusi Paia, “o le povi fafine e tolu tausaga.”
^ E faasino atu i se fagufagu e ili a o faavauvau i se maliu.
^ Po o le “E tātāvale foʻi loʻu fatu.”
^ E faasino atu i se fagufagu e ili a o faavauvau i se maliu.
^ Po o le “e tātāvale ai loʻu fatu.”
