Ieremia 49:1-39
49 O le mea lenei ua fetalai mai ai Ieova i tagata Amonī:+
“Pe e leai ea ni atalii o Isaraelu?
Pe e leai foʻi sona suli?
Aiseā ua avea ai e Malekama+ Kato?+
Aiseā foʻi ua nonofo ai ona tagata i aai o Isaraelu?”
2 “‘O le mea lea, faauta! e oo mai aso,’ ua fetalai mai ai Ieova,‘Ou te tuuina atu le faailoilo o le taua* ina ia lagonaina i Rapa,+ o le aai o tagata Amonī.+
E avea o ia ma mea maupuʻepuʻe ua faatafunaina,Ma e susunuina foʻi i le afi ona tamaʻi aai.’
‘Ona ave lea e Isaraelu o laueleele o i latou na aveina ona laueleele,’+ ua fetalai mai ai Ieova.
3 ‘Hesepona e, inā tagitu‘i ia, auā ua faaumatia Ai!
Tamaʻi aai o Rapa e, inā alalaga ia.
Ia oofu outou i ʻie talatala.
Inā tagitu‘i ia ma feoaʻi solo i pā maa,*Auā e aveina faapagota Malekama,Faatasi ma ona ositaulaga ma ona perenise.+
4 Le tama fafine lē faamaoni e, aiseā ua e mimita ai e faatatau i vanu,*E faatatau i lou fanua laugatasi o loo tafe ai le vai,O oe o lē e faatuatua i ana oloaMa faapea ifo: “O ai ea e faasagatau mai iā te aʻu?”’”
5 “‘O lenei, ou te faaoo atu iā te oe le mea e mataʻu ai,’ ua fetalai mai ai Ieova o ʻau, o le Alii Pule Silisili Ese,‘Mai iā i latou uma o loo siʻomiaina oe.
E faataapeapeina outou i itu uma,E leai foʻi se tasi e na te toe faapotopotoina i latou ua sosola.’”
6 “‘Ae e mulimuli ane, ou te toe faapotopotoina ē ua ave faapagota o tagata Amonī,’ ua fetalai mai ai Ieova.”
7 O le mea lenei ua fetalai mai ai Ieova o ʻau iā Etoma:
“Pe e lē o toe iai ea se atamai i Timanu?+
Po ua leai ea se fautuaga lelei mai iā i latou ua malamalama?
Po ua mavae atu ea lo latou atamai?
8 Inā sosola ia ma liliuese!
Inā ō ifo ia ma nonofo i le mea loloto, o outou o loo nonofo i Titana!+
Auā ou te faaoo le malaia iā EsauI le taimi ou te liliu atu ai iā te ia.
9 Afai e ō atu iā te oe o ē e tauina vine,Pe e lē faatotoeina ea e i latou ni nai vine ina ia aoina?
Afai e ō atu tagata gāoi i le pō,Ona latou faaumatia ai lea o mea e tusa ma lo latou manaʻo.+
10 Ae ou te aveesea mea uma a Esau.
Ou te faaalia mea e lafi ai o ia,Ina ia lē mafai ona lafi ai o ia.
E faaumatia uma lana fanau, o ona uso, ma ona tuaoi,+Ma e lē toe iai o ia.+
11 Inā tuua ia ou tamaiti ua leai ni tamā,Ma ou te faasaoina i latou,E faatuatua mai foʻi iā te aʻu ou fafine ua feoti a latou tane.”
12 Auā o le mea lenei ua fetalai mai ai Ieova: “Faauta! Afai e tatau ona feinu i le ipu i latou e leʻi faatonuina e feinu i le ipu, pe e tuua ea la oe e aunoa ma le faasalaina atoatoa? E lē tuua oe e aunoa ma le faasalaina, auā e tatau ona e inu ai.”+
13 “Auā ua ou tautō aʻu iā te aʻu lava,” ua fetalai mai ai Ieova, “e fai Posara ma mea e fefefe ai,+ o se mea e faalumaina ai, o le mea ua faatafunaina, ma o le malaia; e avea foʻi ona aai uma ma mea ua faatafunaina e oo i le faavavau.”+
14 Ua ou faalogo i se tala mai iā Ieova,Ua auina atu foʻi se avefeʻau i atunuu, e faapea:
“Inā faapotopoto faatasi ia outou, ma ia ō mai iā te ia;Ia nofosauni e siitaua atu.”+
15 “Auā faauta! Ua ou faia oe ia faatauvaa i atunuu,Ia inosia e tagata.+
16 O le mataʻu na e faatupuina ua ʻolegia ai oe,O le faamaualuga o lou loto,O oe o lē e nofo i mea malupuipuia o le papa,O loo nofo i le aʻega e sili ona maualuga.
E ui ina e fausia lou faamoega i le mea maualuga e pei o se aeto,Ae ou te ave ifo oe mai i inā,” ua fetalai mai ai Ieova.
17 “E avea foʻi Etoma ma mea e fefefe ai.+ O i latou uma e ui ane ai, e taufai pulatoʻa atu ma le fefefe ma tuufaaili ona o ona mala uma.
18 E pei o le faaumatiaina o Sotoma ma Komoro ma ona aai tuaoi,”+ ua fetalai mai ai Ieova, “e leai se tagata e nofo ai i inā, e leai foʻi se tagata e faamautū ai i inā.+
19 “Faauta! E alu aʻe se tasi i laufanua saogalemu e pei o se leona+ mai i vao lauolaola i tafatafa o Ioritana, ae ua toeitiiti ona ou faasola ese lea o ia* mai iā te ia. Ou te tofia foʻi lē ua filifilia e pule iā te ia. Auā o ai se isi e pei o aʻu, o ai foʻi se tasi e tofotofo mai iā te aʻu? O ai se leoleo mamoe e mafai ona tū mai i oʻu luma?+
20 O le mea lea, inā outou faalogologo mai ia i le faaiʻuga ua faia e Ieova* iā Etoma, ma le mea ua ia finagalo ai i ē o loo nonofo i Timanu:+
E moni, e fetosoa‘iina solo o ē iti o le lafu.
E na te faatafunaina le mea e latou te nonofo ai ona o i latou.+
21 Ua gatete le laueleele i le taalili o lo latou paʻuʻū.
Ua iai le alaga!
Ua lagona foʻi le leo o le alaga e oo atu i le Sami Ulaula.+
22 Faauta! E alu aʻe o ia ma toe faatifa ifo e pei o se aeto,+E faaloloa atu foʻi e ia ona apaʻau i luga o Posara.+
I lenā aso, o loto foʻi o tagata totoa o Etoma,O le a pei o le loto o se fafine ua faatigā o le a fanau.”
23 O le feʻau lenei iā Tamaseko:+
“Ua faamāina Amato+ ma Arepa,Auā ua latou faalogo i se tala leaga.
Ua vaivai o latou loto ona o le mataʻu.
Ua fesouaʻiina le sami, ua lē mafai ona faatoʻafilemuina.
24 Ua lotovaivai Tamaseko.
Ua liliu o ia e sola, ae ua popolevale o ia.
Ua maua o ia i mafatiaga ma tigā,E pei o se fafine ua faatigā o le a fanau.
25 E faapefea ona lē lafoaʻia le aai sa viiviia,O le aai o le fiafia?
26 Auā e paʻuʻū ona tauleleʻa i ona nofoaga faitele,E fano foʻi fitafita uma i lenā aso,” ua fetalai mai ai Ieova o ʻau.
27 “Ou te faamū foʻi i le afi le pā o Tamaseko,Ma e faaumatia ai ʻolo malolosi o Peniata.”+
28 O le mea lenei ua fetalai mai ai Ieova iā Kitara+ ma malo o Hasora na faatoʻilaloina e Nepukanesa le tupu o Papelonia:
“Inā outou tutulaʻi ia ma ō aʻe i Kitara,Ma faaumatia le fanauga o le itu i Sasaʻe.
29 E faoa o latou faleʻie ma a latou lafu mamoe,O ʻie o o latou faleʻie ma a latou mea uma.
E avea foʻi a latou kamela,Ma e latou te alalaga atu iā i latou, ‘Ua iai le mataʻu i itu uma!’”
30 “Inā sosola ia, ia sosola mamao lava!
Inā ō ifo ia ma nonofo i le mea loloto, o outou o loo nonofo i Hasora,” ua fetalai mai ai Ieova.
“Auā ua faufau e Nepukanesa le tupu o Papelonia se mea leaga e fai iā te outou,Ma ua ia mafaufau foʻi i se mea leaga e fai iā te outou.”
31 “Inā tutulaʻi ia, ma ō aʻe e faasagatau i le atunuu o loo toʻafilemu,Ma o loo nonofo saogalemu!” ua fetalai mai ai Ieova.
“E leai ni ona faitotoʻa po o ni faamaufaalava; ua nonofo na o i latou.
32 E faoa a latou kamela,Ma e fai ma vete* a latou lafu e tele.
Ou te faasalalau solo i latou i matagi uma,*O i latou o ē e sele o latou manifinifi,+Ou te aumaia foʻi lo latou malaia mai i itu uma,” ua fetalai mai ai Ieova.
33 “E avea Hasora ma mea e nonofo ai taʻifau o le vao,O se mea ua faatafunaina e oo i le faavavau.
E leai se tagata e nofo ai i inā,E leai foʻi se tagata e faamautū ai.”
34 O le afioga lenei a Ieova na oo mai i le perofeta o Ieremia, e faatatau iā Elama+ i le amataga o le nofoaiga a Setekaia+ le tupu o Iuta:
35 “O le mea lenei ua fetalai mai ai Ieova o ʻau, ‘O aʻu lava ou te gagauina le ʻaufana a Elama,+ o le puna* o lo latou malosi.
36 Ou te aumaia i luga o Elama o matagi e fā mai i tuluʻiga e fā o le lagi, ma ou te faasalalauina i latou i nei matagi uma. E leai foʻi se atunuu e lē oo atu i ai tagata ua faataapeapeina o Elama.’”
37 “Ou te faafefeina tagata Elama i luma o o latou fili, ma luma o i latou o loo saʻili e fasioti iā i latou; ou te faaooina atu foʻi se mala iā i latou, o loʻu ita tele,” ua fetalai mai ai Ieova. “Ou te auina atu foʻi le pelu e mulimuli atu iā i latou, seʻia ou faaumatia i latou.”
38 “Ou te tuu loʻu nofoālii i Elama,+ ma ou faaumatia i lea mea le tupu ma perenise,” ua fetalai mai ai Ieova.
39 “Ae i le faaiʻuga o aso, ou te toe faapotopoto mai ai o ē na ave faapagota o Elama,” ua fetalai mai ai Ieova.
Faamatalaga Pito i Lalo
^ Pe atonu “le leo o le alaga o le taua.”
^ Po o “lotoā o mamoe.”
^ Po o “fanua laugatasi.”
^ E foliga mai e faasino atu iā Etoma.
^ Po o “le finagalo o Ieova.”
^ Tagaʻi i le Uiga o Upu.
^ Po o “itu uma.”
^ Epe., “amataga.”