Ieremia 8:1-22
8 O loo fetalai mai Ieova: “I lenā taimi e aumai ai ponaivi o tupu o Iuta, o ponaivi o ona perenise, o ponaivi o ositaulaga, o ponaivi o perofeta, ma ponaivi o ē o loo nonofo i Ierusalema mai i o latou tuugamau.
2 E folasia atu ia i le lā, le masina, o ʻau uma o le lagi na latou fiafia i ai, auauna i ai, mulimuli i ai, saʻili i ai, ma ifo atu foʻi i ai.+ E lē aoaoina mai pe tanuina foʻi. Ae e fai ia ma otaota i luga o le laueleele.”+
3 “O le vaega totoe fo‘i o lenei aiga leaga o ē e sao mai ai, o le a filifili i le oti nai lo o le ola i nofoaga uma ou te faataapeape i ai i latou,” ua fetalai mai ai Ieova o ʻau.
4 “Ia e fai atu foʻi iā i latou, ‘O le mea lenei ua fetalai mai ai Ieova:
“Pe e paʻuʻū ea i latou ae e lē toe tutū i luga?
Pe afai e liliu le tasi, pe e lē liliu foʻi ma le isi?
5 Aiseā ea ua lē faamaoni ai lenei nuu o Ierusalema, ma tumau ai pea ona lē faamaoni?
Ua taofimau i latou i lo latou taufaasesē;Ua lē mananaʻo i latou e toe liliu mai.+
6 Ua ou uaʻi atu ma ou faalogologo atu pea, ae e leʻi saʻo le auala na latou tautatala ai.
E leai se tagata na salamō ona o lana amioleaga pe fesili, ‘O le ā laʻu mea na fai?’+
Ua taʻitasi ma toe foʻi i le ala ua mulimuli i ai le to‘atele, e pei o se solofanua ua oso atu i le taua.
7 E oo lava i le kasita* i le lagi, ua ia iloa lelei ona tau;*O le manutagi, o le peʻapeʻa, ma le manulele o le akuru, ua latou tausisi i le taimi e toe fo‘i ai.*
A o loʻu lava nuu, e latou te lē malamalama i le faamasinoga a Ieova.”’+
8 ‘E faapefea ona outou fai mai: “E atamamai i matou, ma o loo iā i matou foʻi le tulafono* a Ieova”?
E moni lava, ua faaaogā le peni pepelo* a le ‘autusiupu*+ e tusia ai na o mea pepelo.
9 Ua faamāina o ē e atamamai.+
Ua fefefe i latou ma e maua i latou.
Faauta! Ua latou teena le afioga a Ieova,Ma o le ā foʻi se atamai o iā i latou?
10 O le mea lea ou te tuuina atu ai a latou avā i isi tamāloloa,Ma o latou fanua i ē e ana isi fanua;+Auā e mai i ē e faatauvaa e oo i ē e sili, ua taʻitasi i latou ma maua polofiti mai i faiga lē faamaoni;+E mai i le perofeta e oo i le ositaulaga, ua ta‘itasi i latou ma faia faiga faagaoi.+
11 Ua latou taumafai foʻi e faatalapelo ona faamālōlō le manuʻa o le tama fafine a loʻu nuu, i le faapea ane,“Ua filemu! Ua filemu!”
Ae e leai se filemu.+
12 Po ua latou māsiasi ea ona o mea inosia ua latou faia?
E latou te lē māsiasi lava!
E latou te lē iloa fo‘i faalogona o le faalumaina!+
O le mea lea, e paʻuʻū ai i latou faatasi ma ē ua paʻuʻū.
Pe a ou faaoo mai le faasalaga iā i latou, e latou te tautevateva ai,’+ ua fetalai mai ai Ieova.
13 ‘Pe a ou aoaoina i latou, ou te faaumatia i latou,’ ua fetalai mai ai Ieova.
‘E leai ni vine e totoe i luga o vine, e leai ni mati i luga o laau o mati, ma e mamae foʻi ona lau.
E mavae ese atu foʻi mai iā i latou mea na ou foaʻiina atu iā i latou.’”
14 “Aiseā ea ua tatou nofonofo ai i inei?
Inā tatou faapotopoto faatasi ia ma ulu atu i aai malupuipuia+ ma fano ai i inā.
Auā o le a faaumatia i tatou e Ieova lo tatou Atua,Ma ua ia aumaia iā i tatou o vai oona e feinu ai,+Auā ua tatou agasala iā Ieova.
15 Sa tatou faamoemoe i le filemu, ae e leai se mea lelei na maua,Sa tatou faamoemoe i le taimi e faamālōlō ai, ae ua tatou lagona le mataʻu!+
16 Ua lagona mai i Tanu le faafogifogi o ana solofanua.
O le leo o le fetagisi o ana solofanua malolosi,Ua galulu ai le laueleele atoa.
Ua latou ō mai ma faaumatia le nuu ma mea uma ua iai,O le aai ma tagata o loo nonofo ai.”
17 “O le mea lea ou te aauina atu ai iā te outou o gata,O gata uogo e lē mafai ona faalataina,Ma e latou te ūina lava outou,” ua fetalai mai ai Ieova.
18 Ua oo mai iā te aʻu le tigā e lē mafai ona togafitia;Ua maʻi loʻu loto.
19 Ua oo mai le leo o le alaga mo se fesoasoaniMai i le tama fafine a loʻu nuu mai i se nuu mamao:
“Pe e lē o iai ea Ieova i Siona?
Pe e lē o iai ea lona tupu iā te ia?”
“Aiseā ua latou faatigā mai ai iā te aʻu i a latou faatusa ua tā,Ma o latou atua ese e lē aogā?”
20 “Ua mavae atu le seleselega, ua faai‘uina le tau māfanafana,Ae ua lē faaolaina lava i tatou!”
21 Ua nutimomoia aʻu ona o le manuʻa o le tama fafine a loʻu nuu;+Ua ou faanoanoa.
Ua ou fefe lava.
22 Pe e leai ea se pasama* i Kiliata?+
Pe e leai sē e faia faamālōlōga* i inā?+
Aiseā ua lē faamālōlōina ai le tama fafine a loʻu nuu?+
Faamatalaga Pito i Lalo
^ Tagaʻi i le Uiga o Upu.
^ Po o “taimi atofaina.”
^ Po o le “felelei ai.”
^ Po o le “faatonuga.”
^ Po o le “sesē.”
^ Po o “a failautusi.”
^ Po o “se uu e tuuitiitia ai tigā.”
^ Po o “se fomaʻi.”
