Ioelu 1:1-20
1 O le afioga a Ieova na oo mai iā Ioelu* le atalii o Petuelu e faapea:
2 “O outou toeaina e, inā faalogo mai ia i lenei mea,Ma ia uaʻi mai outou uma o loo nonofo i le atunuu.*
Pe sa tupu ea lenei mea i o outou asoPo o aso foʻi o o outou augātamā?+
3 Ia faamatala atu lenei mea i o outou atalii,Ma ia faamatala atu foʻi e o outou atalii i o latou atalii,Ma o latou atalii i le tupulaga o loo sosoo ane ai.
4 O mea ua totoe o le fuata na tuua e le sē akerise e ʻaina mea, ua ʻaina ia e le sē akerise matua;+O mea foʻi na tuua e le sē akerise matua, ua ʻaina ia e le sē akerise e leʻi oso ni apaʻau;O mea na tuua e le sē akerise e leʻi oso ni apaʻau, ua ʻaina ia e le sē akerise e faatamaʻia mea.+
5 O outou o ē e onanā, inā feala mai ia+ ma fetagisi!
O outou uma o ē e inu uaina, ia tagiauē,Auā ua aveesea mai i o outou gutu le uaina suamalie.+
6 Auā ua alu aʻe se nuu i loʻu laueleele, e malosi ma e lē mafaitaulia.+
O ona nifo o nifo o le leona,+ ma o lona auvae o le auvae o le leona.
7 Ua ia faatamaʻia laʻu vine, ma liua laʻu mati e avea ma tagutugutu,Ua matuā saeese le paʻu ma lafoesea,Ma papa‘e uma ai ona tamaʻi lālā laau.
8 Ia tagiauē e pei o se taupou* ua ofu i le ʻie talatala,Ona o le alii na faaipoipo i ai* a o talavou.
9 Ua lē toe avatuina le taulaga i meaʻai*+ ma le taulaga i meainu+ i le fale o Ieova;Ua faavauvau ositaulaga, o ē e auauna iā Ieova.
10 Ua faatamaʻia le fanua, ua faavauvau le laueleele;+Auā ua faaleagaina fatu, ua mātūtū le uaina fou, ma ua mou mālie atu le suāuu.+
11 Ua atuatuvale le ʻaufaifaatoʻaga, ua tagiauē o ē o loo galulue i vineOna o le saito ma le karite;Auā ua faaleagaina le fuata o le fanua.
12 Ua mamago vine,Ma ua mamae le laau o le mati.
Ua mago le rimoni, le pama, ma le apu,Ua mamago foʻi laau uma o le fanua;+Auā ua liua le olioli o tagata i le māsiasi.
13 O outou ositaulaga e, ia oofu i le ʻie talatala* ma faavauvau;*O outou auauna o le fata faitaulaga, inā tagiauē ia.+
O outou o auauna a loʻu Atua, inā ō mai ia ma oofu i le ʻie talatala i le pō atoa;Auā ua lē toe avatua i le fale o lo outou Atua taulaga i meaʻai+ ma taulaga i meainu.+
14 Ia talaʻi* se anapogi; ia faasilasila atu se fonotaga paia.+
Ia faapotopoto toeaina atoa ma tagata uma e nonofo i le atunuu,I le fale o Ieova lo outou Atua,+ ma alalaga atu iā Ieova mo se fesoasoani.
15 Auē le aso e!
Auā ua latalata mai lava le aso o Ieova,+Ma o le a oo mai e pei o se faaumatiaga mai i Lē e ona le malosi uma lava!
16 Po ua lē aveesea ea meaʻai mai i o tatou luma,Faapea le olioli ma le fiafia mai i le fale o lo tatou Atua?
17 Ua magumagu fatu* i lalo o a latou suō.
Ua faatafunaina fale teuoloa.
Ua lepetia fale e teu ai saito, auā ua mamago saito.
18 E oo foʻi i manu lalata ua fetagisi!
Ua fesēaʻi solo lafu povi, auā ua leai se laufanua e aai ai!
Ua faasalaina foʻi lafu mamoe ona o mea sesē.
19 Ieova e, ou te valaau atu iā te oe;+Auā ua faatamaʻia e le afi fanua o le toafa* e aai ai manu,Ma ua mū uma laau o le fanua i le afi.
20 E oo lava foʻi i manu o le fanua ua naunau atu iā te oe,Auā ua mātūtū vai o alāvai,Ma ua faatamaʻia e le afi fanua o le toafa e aai ai manu.”
Faamatalaga Pito i Lalo
^ Lona uiga “O Ieova o le Atua.”
^ Po o le “lalolagi.”
^ Po o le “tamaʻitaʻi talavou.”
^ Po o “lana tane.”
^ Po o “taulaga i fatu.” Tagaʻi i le faamatalaga pito i lalo o le Levitiko 2:1.
^ Epe., “ia outou fusi iā te outou.”
^ Po o le “tu‘i o outou fatafata.”
^ Epe., “faapaia.”
^ Pe atonu “mati mamago.”
^ Tagaʻi i le Uiga o Upu.
