Ioelu 3:1-21
3 “Faauta foʻi! o ia aso ma lea taimi,Pe a ou toe aumaia tagata o Iuta ma Ierusalema na ave faapagota,+
2 Ou te faapotopotoina foʻi atunuu umaMa ave ifo i latou i le vanu* o Iosefatu.*
Ou te faia le faamasinoga ma i latou i inā+Ona o loʻu nuu ma loʻu tofi o Isaraelu,Auā na latou faataapeapeina i latou i isi atunuu,Ma na latou vaevaeina loʻu laueleele iā i latou lava.+
3 Ua latou faia le vili ina ia maua ai loʻu nuu;+Ua latou avatu se tamaitiiti ina ia totogi ai se fafine talitane,Ma faatau atu se teineitiiti mo le uaina ina ia latou feinu ai.
4 Turo e, ma Saitonu ma itumalo uma o Filisitia,Aiseā ua e faia ai faapea iā te aʻu?
Po ua e tauimasui mai ona o se mea na ou faia iā te oe?
Afai ua e tauimasui mai iā te aʻu,E vave lava ona ou toe tauia atu a outou gaoioiga i o outou ulu.+
5 Auā ua outou aveesea aʻu siliva ma aʻu auro,+Ma ua outou avatu aʻu ʻoa e sili ona lelei i o outou malumalu;
6 Ua outou faatau atu foʻi tagata o Iuta ma Ierusalema i tagata Eleni,+Ina ia aveese mamao ai i latou mai i o latou vaipanoa;
7 O lenei, ou te lagaina i latou e ō mai mai i le mea na outou faatauina atu i ai i latou,+Ma ou te toe tauia atu a outou gaoioiga i o outou ulu.
8 O le a ou faatau atu o outou atalii ma o outou afafine i lima o tagata o Iuta,+Ma e latou te faatau atu i latou i tagata o Seepa, i se atunuu mamao;Auā ua fetalai mai ai Ieova.
9 Ia outou faasilasila atu lenei mea i atunuu:+
‘Ia sauni* mo le taua! Ia faalaeiau i tagata malolosi!
Ia faalatalata mai fitafita uma, ia latou ō aʻe!+
10 Ia tuʻi uʻamea o a outou suōtosina e fai ma pelu, ma ia tuʻi foʻi a outou pelu teu laau e fai ma tao.
Ia faapea mai le tagata vaivai: “Ua ou malosi.”
11 Ia ō mai ma fesoasoani, o outou atunuu uma o loo siʻomia ai, ia faapotopoto faatasi mai!’”+
Ieova e, ia e faaoo ifo au ʻau malolosi* i lea mea.
12 “Ia lagaina atunuu ma ō aʻe i le vanu* o Iosefatu;Auā o i inā ou te nofo ai ina ia faamasino atunuu uma e siʻomia ai.+
13 Ia outou tuu atu le selesaito auā ua matua le fuata o le seleselega.
Ia ō ifo ma soli vine, auā ua tumu mea e soli ai vine.+
Ua taumasuasua le mea e tali ai suāvine, auā ua matuā tele mea leaga ua latou faia.
14 E matuā anoanoaʻi tagata i le vanu* o le faasalaga,Auā ua lata mai le aso o Ieova i le vanu* o le faasalaga.+
15 O le a pogisa le lā ma le masina,O le a lē toe fepulafi mai le malamalama o fetu.
16 O le a leotele foʻi Ieova mai i Siona,O le a tulei mai lona siʻufofoga mai i Ierusalema.
O le a lūlūina le lagi ma le lalolagi;Ae o le a fai Ieova ma sulufaʻiga mo lona nuu,+O se malu foʻi mo le fanauga a Isaraelu.
17 O le a outou iloa ai o aʻu o Ieova lo outou Atua, o lē e nofo i Siona o loʻu mauga paia.+
E avea Ierusalema ma mea paia,+E lē toe ui ane ai ni tagata ese.+
18 O lea aso o le a sisina ifo ai le uaina suamalie mai i mauga,+E tafe ifo le suāsusu i aʻega,Ma o le a tafe mai le vai i ālia uma o Iuta.
O le a tafe mai foʻi le punāvai mai i le fale o Ieova,+Ma e faasūsū ai le vanu* o Laau o le Setima.
19 Ae o le a faagaogaoina Aikupito,+O le a avea foʻi Etoma ma toafa e gaogao,+Ona o faiga sauā na faia i le fanauga a Iuta,+O ē e ona le laueleele na latou faamasaa ai le toto o tagata e lē sala.+
20 Ae e ʻainā pea Iuta i aso uma,Faapea foʻi ma Ierusalema mai i lea tupulaga i lea tupulaga.+
21 O le a ou manatu e mamā i latou* e ui ou te leʻi manatu e mamā i latou;+Ma o le a afio Ieova i Siona.”+
Faamatalaga Pito i Lalo
^ Po o “le fanua laugatasi.”
^ Lona uiga “O Ieova le Faamasino.”
^ Epe., “faapaiaina.”
^ Po o “ou tagata totoa.”
^ Po o “le fanua laugatasi.”
^ Po o “le fanua laugatasi.”
^ Po o “le fanua laugatasi.”
^ Po o le “ālia.”
^ Epe., “manatu e lē nofosala o latou toto.”