Iopu 16:1-22
16 Ona tali atu lea o Iopu e faapea:
2 “Ua ou faalogo muamua i le tele o mea faapenei.
O outou uma o tagata faamāfanafana faasoesa!+
3 Pe e iai ea se iʻuga o upu e lē aogā?
Aiseā foʻi ua tupu ai lou ita ua e tali mai ai faapena?
4 E mafai foʻi ona ou tautala e pei ona outou faia.
Pe ana faapea e tou te iai i le tulaga lea ou te iai,E mafai ona ou tautala atu i ni upu maoaʻe iā te outou,Ma lūlū atu loʻu ulu iā te outou.+
5 Nai lo o lea, ou te faamalosia outou i upu a loʻu gutu,O faamāfanafanaga foʻi a oʻu laugutu e faaitiitia ai ou tigā.+
6 Afai ou te tautala, e lē faaitiitia ai loʻu tigā,+Ma afai foʻi ou te lē tautala, e faapefea ona aveesea ai loʻu tigā?
7 A o lenei, ua ia faavaivaia aʻu;+Ua ia aveesea lo‘u aiga atoa.*
8 Ua e taofia foʻi aʻu, ma ua fai lea ma molimau,O lea ua tulaʻi mai ai loʻu tino vale ma molimau i oʻu luma.
9 Ua saeia aʻu e lona toʻasā, ma ua ia ʻinoʻino mai foʻi iā te aʻu.+
Ua gū mai ona nifo iā te aʻu.
Ua pulatoʻa ma le sauā mai foʻi loʻu fili iā te aʻu.+
10 Ua faamamaga tele o latou gutu ina ia folo iā te aʻu,+Ma ua latou taia oʻu alafau e fai ma luma;Ua latou faapotopoto faatasi i se aofaʻiga tele e faasagatau mai iā te aʻu.+
11 Ua tuuina atu aʻu e le Atua i tauleleʻa,Ma ua ia lafo atu foʻi aʻu i lima o ē e amioleaga.+
12 Sa ou toʻafilemu, peitaʻi ua ia nutililii iā te aʻu;+Ua ia uu foʻi loʻu tuāua ma tu‘imomomoina aʻu;Ona taulaʻi mai lea o ana aū iā te aʻu.
13 Ua siʻomia aʻu e ona tagata fanafana aū;+Ua ia tui foʻi ua ati i oʻu fatugaʻo,+ ma e leai se alofa;Ua ia sasaa i le eleele loʻu ‘au‘ona.
14 Ua pei aʻu o se pā e faaauau ona ia lepetia;Ua ia momoʻe faavave mai foʻi iā te aʻu e pei o se toa.
15 Ua ou suʻi faatasi le ʻie talatala e ufiufi ai loʻu paʻu,+Ma ua ou tanumia loʻu mamalu* i le efuefu.+
16 Ua mūmū oʻu foliga i le tagi,+Ua iai foʻi i oʻu laumata le pogisa tele,*
17 E ui e lē sauā oʻu lima,E mamā foʻi laʻu tatalo.
18 Le eleele e, aua neʻi ufiufia loʻu toto!+
Aua foʻi neʻi iai se mea e mapu ai laʻu alaga!
19 O lenei, ua iai i le lagi o lē e molimau iā te aʻu;Ua i mea maualuluga foʻi laʻu molimau.
20 Ua tauemu aʻu aumea iā te aʻu+A o maligi ifo loimata o oʻu mata* i luma o le Atua.+
21 Ia faia e se tasi se faai‘uga tonu i le vā o le tagata ma le Atua,E pei ona faia e se tasi i le vā o se tagata ma lona uso.+
22 E lē o toe tele ni tausaga ou te ola ai,Ou te alu ese foʻi i le ala ou te lē toe foʻi mai ai.+
Faamatalaga Pito i Lalo
^ Po o “i latou o loo faatasi ma aʻu.”
^ Po o le “malosi.” Epe., “nifo.”
^ Po o “le ata o le oti.”
^ Pe atonu “A o vaai atu oʻu mata e aunoa ma se moe.”
