Iopu 21:1-34
21 Ona tali atu lea o Iopu e faapea:
2 “Inā faalogologo lelei mai ia outou i laʻu upu;Ia avea lenei mea ma a outou faamāfanafanaga iā te a‘u.
3 Ia faapalepale mai iā te aʻu a o oʻu tautala atu;Pe a uma ona ou tautala atu, ona outou faifai mai lea iā te a‘u.+
4 Po o se tagata ea ua faailoa atu i ai lo‘u popolega?
Pe afai o lea, po o le a ou lē onosaʻi ai ea?
5 Ia outou vāai mai iā te aʻu ma ia outou fememea‘i;Ia tuu o outou lima i o outou gutu.
6 Pe a ou mafaufau i ai, ou te atuatuvale ai,Ma e gatete ai loʻu tino atoa.
7 Aiseā ua ola ai pea o ē e amioleaga,+Ua oo ina matutua, ma faateleina a latou ‘oa?*+
8 Ua matuā faatumauina a latou fanau i o latou luma,Ma e latou te vāai i ē e tupuga mai iā i latou.
9 Ua saogalemu o latou fale, e leai se mea e latou te matataʻu ai,+E lē faasalaina fo‘i i latou e le Atua i lona tootoo.
10 Ua feusuaʻi a latou povi poʻa ma povi fafine ma ua totō ai;Ua fananau a latou povi fafine ae e lē fananau lē au.
11 E tamomo‘e i fafo a latou tamaiti e pei o se lafu mamoe,E taaalo foʻi a latou fanau.
12 Ua latou pepese faatasi ma topa* ma kitara*Ma olioli i le leo o le fagufagu.*+
13 Ua ola fiafia i latou i mea lelei,Ma ō ifo ma le filemu* i le Tuugamau.*
14 Ae ua latou fai atu i le Atua moni, ‘Tuu ia i matou!
E matou te lē fia iloa ou ala.+
15 O ai ea Lē e ona le malosi uma lava e matou te auauna ai iā te ia?+
O ā ni aogā e matou te maua pe a matou iloa o ia?’+
16 Ae ua ou iloa e lē o i o latou lima lo latou manuia.+
E mamao lava ma aʻu o mafaufauga o* ē e amioleaga.+
17 Ua faafia ona tineia le molī o ē e amioleaga?+
Ua faafia ona oo mai mala iā i latou?
Ua faafia foʻi ona faaumatia i latou e le Atua i lona toʻasā?
18 Po ua avea i latou e pei o vao mamago i le matagiMa e pei foʻi o aputi o saito e lelea ese i le afā?
19 E faaputu e le Atua le faasalaga o se tasi mo ona lava atalii.
Ae ia tauia o ia e le Atua ina ia iloa ai e ia.+
20 Ia vaai ona lava mata i lona malaia,Ia inu foʻi o ia i le toʻasā tele o Lē e ona le malosi uma lava.+
21 Aiseā e popole ai o ia i le mea e tupu i ona atalii pe a oti o ia,Ae o le a faapuupuuina lona ola?*+
22 Pe e mafai e se tasi ona aʻoaʻo atu le poto i le Atua,+Ae o Ia lava lenā e faamasinoina o ē e sili ona maualuluga?+
23 E oti le tasi tagata a o atoatoa lona malosi,+A o matuā toʻafilemu o ia ma leai ni mea e popole ai,+
24 Ina ua lapopoʻa ona ogāvaeMa ua malolosi ona ivi.*
25 Ae e oti le isi tagata a o matuā mafatia lava,Ma e leʻi tofo lava o ia i ni mea lelei.
26 E la te taooto faatasi i le efuefu,+E lilofia foʻi i laʻua i ilo.+
27 Faauta! Ua ou iloa lelei lava o outou mafaufaugaMa faufauga e tou te faia e agaleaga mai ai iā te aʻu.*+
28 Auā ua outou fai mai, ‘O fea le fale o le tamālii,O fea foʻi le faleʻie na nofo ai lē e amioleaga?’+
29 Pe e tou te leʻi fesili atu ea i ē e femalagaaʻi?
Pe e tou te leʻi iloiloina ea foʻi ma le faaeteete a latou sa‘ili‘iliga,*
30 E faasaoina le tagata amioleaga i le aso o le puapuagaMa laveaʻiina i le aso o le maʻemaʻeā?
31 O ai na te ta‘u sa‘o atu iā te ia lona ala,O ai foʻi na te tauia o ia i le mea na ia faia?
32 Pe a ave o ia i le fanuatanu,E leoleoina fo‘i lona tuugamau.
33 E suamalie iā te ia eleele o le vanu,*+E mulimuli atu iā te ia tagata uma*+E pei o le lē mafaitaulia o ē na muamua atu iā te ia.
34 Aiseā la e tou te faamāfanafana fua mai ai iā te a‘u?+
O a outou tali ua tumu i le pepelo!”
Faamatalaga Pito i Lalo
^ Po o “lo latou malosi.”
^ O se meafaifaaili e tagitagi. O le upu Peretania, o le tambourine.
^ O se meafaifaaili anamua e ese mai i le kitara i aso nei. O le upu Peretania, o le harp.
^ Po o le “faaili.”
^ Po o “Seoli.” Tagaʻi i le Uiga o Upu.
^ Po o le “ō ifo vave,” e faasino atu i le vave ona oti e aunoa ma se tigā.
^ Po o “fautuaga a; faufauga a.”
^ Po o le “vaeluaina le aofaʻi o ona masina.”
^ Epe., “ua susū le aano o ona ivi.”
^ Pe atonu “e tou te faasauā mai ai iā te aʻu.”
^ Epe., “faailoga.”
^ Po o le “ālia.”
^ Epe., “E toso e ia tagata uma ina ia mulimuli atu iā te ia.”
