Iopu 23:1-17
23 Ona tali atu lea o Iopu e faapea:
2 “E oo lava i le asō, ou te matuā finau atu ai;*+Ua mou atu lo‘u malosi ona o loʻu ōi.
3 Ma‘imau pe ana ou iloa po o fea e maua ai le Atua!+
Ou te alu atu ai lava i lona afioaga.+
4 Ou te tuuina atu la‘u mataupu i ona lumaMa faateleina aʻu upu e finau atu ai;
5 Ou te a‘oa‘oina le auala e tali mai ai o ia iā te aʻu,Ma mātau le mea e fetalai mai ai o ia iā te aʻu.
6 Pe e finau mai ea o ia iā te aʻu i le tele o lona malosi?
E leai, e faafofoga mai lava o ia iā te aʻu.+
7 O i inā e faasaʻo ai e lē ua amio saʻo o mea ma ia,Ona ou sao ai lea e faavavau ona o Lē na te faamasinoina aʻu.
8 Ae pe a ou alu i sasaʻe, e lē o iai o ia i inā;Ua ou toe foʻi mai, ae ou te leʻi maua o ia.
9 Pe a galue o ia i le itu tauagavale, e lē mafai ona ou vaai iā te ia;Ae pe a afe o ia i le itu taumatau, ou te lē vaai lava iā te ia.
10 Ae ua silafia e ia le auala ou te ui ai.+
Ina ua uma ona ia tofotofoina o aʻu, ou te sao atu e pei o le auro māo‘i.+
11 Ua mulimulitu‘i oʻu vae i ona tulaga aao;Ua ou tausisi pea i lona ala, ou te lē alu ese ai.+
12 Ou te leʻi alu ese lava mai i poloaʻiga a ona fofoga.
Ua ou tausia foʻi ana afioga,+ e sili atu i mea na manaʻomia mai iā te aʻu.
13 Pe a maumaua‘i o ia i se mea, o ai e mafai ona tetee atu iā te ia?+
Pe a finagalo o ia e faia se mea, e na te faia lava.+
14 Auā e faataunuuina lava e ia o mea ua ia manaʻomia mai iā te aʻu,Ma e tele mea faapea ua ia mafaufau i ai.
15 O le mea lea ua ou atuatuvale ai ona o ia;Pe a ou mafaufau iā te ia, e atili ai ona ou mata‘u.
16 Ua faavaivaia e le Atua loʻu loto,Ua faaatuatuvaleina foʻi aʻu e Lē e ona le malosi uma lava.
17 Ae ou te leʻi magagana ona o le pōuliuliPo o le pogisa ua ufitia ai oʻu mata.
Faamatalaga Pito i Lalo
^ Po o le “e fouvale laʻu finau atu.”
