Iopu 29:1-25
29 Ua toe fai atu e Iopu lana lauga e faapea:
2 “Ma‘imau pe ana ou iai i masina ua mavae,I aso na leoleoina ai aʻu e le Atua,
3 Ina ua ia faasusulu mai lona molī i luga o loʻu ulu,Ma ou savali i le pōuliuli e ala i lona malamalama,+
4 A o o‘u iai i taimi o loʻu malosi,A o o‘u lagona le faauōga a le Atua i loʻu faleʻie,+
5 A o ma faatasi ma Lē e ona le malosi uma lava i lenā taimi,A o siʻosiʻomia aʻu e laʻu fanau!*
6 Ina ua fufuluina oʻu laasaga i le suāsusu lelei,Ma ua tafe mai le suāuu mo aʻu mai le papa.+
7 A o masani ona ou alu atu i le faitotoʻa o le aai+Ma nofo i loʻu nofoa i le nofoaga faitele,+
8 Na iloa mai aʻu e taulele‘a ma latou faatafa i le ala,*E oo foʻi i toeaina, na latou tutulaʻi ma laulaututū pea.+
9 Ua lē toe tautatala perenise,Ua tuu foʻi o latou lima i o latou gutu.
10 Ua lē toe lagona leo o taʻitaʻi,Ua pipii a‘e foʻi o latou laulaufaiva i o latou gutu.
11 O so o se tasi e faalogo iā te a‘u e faaamuia mai iā te aʻu,O ē e vāai mai iā te a‘u e molimau iā te aʻu.
12 Auā ou te laveaʻiina lē ua mativa ua alaga mai mo se fesoasoani,+Faapea foʻi le tama ua leai sona tamā, ma so o se tasi ua leai sona fesoasoani.+
13 E faamanuia mai iā te aʻu lē o le a fano,+Ou te faafiafia foʻi i le loto o le fafine ua oti lana tane.+
14 Na ou faaofu a‘u i le amiotonu;O laʻu faamasinogatonu sa pei o se ofu talaloa* ma se pulou ʻie.
15 Na fai aʻu ma mata o lē ua tauasoMa vae o lē ua pipili.
16 Na fai aʻu ma tamā o ē e matitiva;+Na ou iloiloina foʻi le faamasinoga o ē ou te leʻi iloa.+
17 Ou te gauia le auvae o lē e fai mea sesē,+Ou te faoa foʻi mai i ona nifo le mea ua saeia.
18 Na masani ona ou faapea ane, ‘Ou te oti i loʻu lava aiga,*+Ma e faateleina oʻu aso e pei o le oneone.
19 Ua sosolo atu oʻu aa i le vai,E toʻa foʻi le sau i oʻu lālā i le pō atoa.
20 E faafouina pea loʻu mamalu,Ma e fana atu pea le ʻaufana o loo i loʻu lima.’
21 Ua faalologo mai tagata iā te aʻu,Ua faatalitali e aunoa ma se tala mo saʻu fautuaga.+
22 E leʻi toe tautatala mai i latou ina ua uma ona fai atu o aʻu upu;Ua logomālie* a‘u upu i o latou taliga.
23 Ua latou faatalitali mai iā te aʻu e pei ona faatalitali i le timu;Ua faamamaga foʻi o latou gutu mo le timu i le tau e totogo ai mea.+
24 Ou te ʻataʻata atu iā i latou, ae e latou te lē talitonu ai;O le fiafia o o‘u foliga ua faalaeiauina ai i latou.*
25 Ua ou avatu iā i latou le ta‘ita‘iga i le avea ma o latou ulu,Sa ou nofo foʻi e pei o se tupu i totonu o ana vaegaʻau,+E pei o lē e na te faamāfanafanaina o ē e faavauvau.+
Faamatalaga Pito i Lalo
^ Po o “aʻu auauna.”
^ Epe., “lalafi ai.”
^ Po o “se ofu talaloa lima pupuu.”
^ Epe., “i loʻu faamoega.”
^ Epe., “sinasina ifo.”
^ Pe atonu “Ua latou lē tineia le malamalama o o‘u mata.”
