Iopu 30:1-31
30 “Ua toē mai i latou iā te aʻu+O tane e lāiti ifo iā te aʻu,O ē ou te lē manaʻo e tuufaatasi o latou tamāMa taʻifau o loo leoleoina laʻu lafu mamoe.
2 O le ā le aogā iā te aʻu o le malosi o o latou lima?
Ua fano foʻi lo latou malosi.
3 Ua vaivai i latou ona o le matitiva ma le fia aai,Ua latou ʻatiina le nuu naumati,Lea ua faaleagaina ma faatafuna.
4 Ua latou tau mai lau o le laau masima mai i vao;Ua fai foʻi le aa o le ratami ma a latou meaʻai.
5 Ua tuliesea i latou mai i le nuu;+Ua feʻei atu tagata iā i latou e pei o loo fe‘ei i se gaoi.
6 Ua nonofo i latou i le malifa o vanu,*I lua o le eleele ma papa.
7 E alalaga i latou mai i le vaoMa e faaputuputu faatasi ma laau tuitui.
8 O fanau a ē ua vālea ma ē ua leai ni igoa,Ua tuliesea* i latou mai i le nuu.
9 A o lenei ua latou ulagia a‘u e oo lava i a latou pese;+Ua fai foʻi aʻu o se mea inosia* iā i latou.+
10 Ua latou ʻinoʻino mai iā te aʻu, ma taumamao foʻi ma aʻu;+E leʻi taofia lo latou feanu mai i oʻu mata.+
11 Auā ua faavaivaia a‘u* e le Atua ma faamaulaloina aʻu,Ma ua latou lafoaʻia foʻi le faagutu i o‘u luma.
12 I loʻu itu taumatau, ua latou tulaʻi mai ai e pei o se motu o tagata e osofa‘i a‘u;Ua latou tuliloa iā te a‘uMa tuu mea maupuʻepuʻe e malaia ai i lo‘u ala.
13 Ua latou lepeti i lalo oʻu alaMa faateteleina lo‘u malaia,+Ae e leai se tasi e taofia i latou.*
14 Ua latou ō mai i se avanoa lautelē i le pā;Ua latou fetuleni mai i le mea ua lepetia.
15 Ua lofitūina aʻu i mea mataʻutia;Ua tulia foʻi loʻu mamalu e pei o le matagi,Ua mavae atu loʻu faaolataga e pei o se ao.
16 O lenei, ua fai atu lo‘u ola mai iā te aʻu;+Ua oo mai aso o puapuaga iā te aʻu.+
17 E matuā tigā tele oʻu ivi i le pō;+E lē mapu le maʻatiʻati o tigā.+
18 O le malosi tele o loʻu maʻi, ua suia ai foliga o loʻu ofu;Ua fusia ai aʻu e pei o le ua o loʻu ofu talaloa.
19 Ua lafoina ifo aʻu e le Atua i le palapala;Ua avea aʻu e pei o le efuefu ma le lefulefu.
20 Na ou alaga atu iā te oe mo se fesoasoani, ae e te leʻi tali mai iā te aʻu;+Na ou tū atu, ae ua na o lou vaavaai mai iā te a‘u.
21 Ua e liliu mai ma le agaleaga iā te a‘u;+O lou aao malosi ua e taia ai aʻu.
22 Ua e siitia aʻu ma aveese a‘u i le matagi;Ona e faaumatia lea o aʻu i se matagi malosi.
23 Auā ua ou iloa e te ave ifo aʻu i le oti,I le fale e feiloaʻi ai tagata ola uma.
24 Ae e leai se tasi e na te taia sē ua leai sona fesoasoani,*+A o ia alaga mai mo se fesoasoani i taimi o ona mala.
25 Po ou te le‘i tagi ea ona o le tagata ua puapuagatia?
Pe e le‘i ōi ea loʻu loto ona o le tagata mativa?+
26 E ui sa ou faatalitali i le lelei, ae ua oo mai le leaga;Na ou faatalitali i le malamalama, ae ua oo mai le pogisa.
27 Ua lē mapu le fegoloaʻi o loʻu manava;Ua feagai foʻi aʻu ma aso o le puapuaga.
28 Ua ou fesavaliaʻi ma le faanoanoa;+ ua lē susulu mai le lā.
I le faapotopotoga, ua ou tulaʻi ma tagi mo se fesoasoani.
29 Ua avea aʻu ma uso o taʻifau o le vao,Ma aumea a tama fafine a le iaena.*+
30 Ua uliuli loʻu paʻu ma ua mafoʻe ese;+Ua mū foʻi oʻu ivi i le vevela.*
31 Ua avea laʻu kitara ma faanoanoaga,O laʻu fagufagu* foʻi ua pei o leo o ē o loo fetagisi.
Faamatalaga Pito i Lalo
^ Po o “ālia.”
^ Epe., “sasaina.”
^ Epe., “se upu faatusa.”
^ Epe., “ua tatalaina le manoa o la‘u ‘aufana.”
^ Pe atonu “Ae e leai se tasi e fesoasoani iā i latou.”
^ Epe., “se faaputuga o mea ua faatafunaina.”
^ Tagaʻi i le Uiga o Upu.
^ Pe atonu “fiva.”
^ Po o le “faaili.”
