Iopu 31:1-40
31 “Ua ou osia le feagaiga ma oʻu mata.+
E faapefea la ona ou manaʻonaʻo i se taupou?+
2 O le ā se tofi mo aʻu mai i le Atua o loo i lugā,O le ā fo‘i se tofi mai i Lē e ona le malosi uma lava o loo i mea maualuluga?
3 Pe e lē o faatalitali ea le malaia i lē e fai mea sesēMa puapuaga i ē e faia mea e tigā ai?+
4 Po ua lē silafia ea e ia oʻu ala+Ma faitaulia oʻu laasaga uma?
5 Pe na ou savali ea ma le lē faamaoni?*
Pe na televavave oʻu vae e faia mea faaʻoleʻole?+
6 Ia fuaina aʻu e le Atua i le fua saʻo;+Ma o le a ia silafia ai loʻu faamaoni.+
7 Pe afai ua sesē oʻu laasaga mai i le ala,+Po ua tosina atu loʻu loto i le vaai a oʻu mata+Po ua faia e o‘u lima se mea leaga,
8 Ia ou lūlūina la fatu, ae ia ʻaina e se tasi,+Ma ia liaʻiina foʻi le mea na ou totōina.*
9 Pe afai ua tosina loʻu loto i se fafine+Ma ou taoto e faatalitali+ i le faitoto‘a o lo‘u tuaoi,
10 Ia olo e laʻu avā saito mo se isi tamāloa,Ia feusuaʻi foʻi isi tamāloloa ma ia.*+
11 Auā o le amio matagā lenā mea,O se mea sesē lea e faasalaina ai a‘u e faamasino.+
12 O le afi lava lenā e susunuina ai ma faaumatia,+E faatamaʻia* ai aʻu mea uma lava.
13 Afai sa ou teena le faamasinogatonu o aʻu auauna tane po o auauna fafineIna ua latou finau mai iā te a‘u,*
14 O le ā la se mea ou te faia pe a tulaʻi mai le Atua?
O le ā laʻu tali e fai atu iā te ia pe a ia valaau mai mo se faamatalaga?+
15 Pe e leʻi faia ea i latou e Lē na faia fo‘i aʻu i le manava?+
Pe e lē o Ia fo‘i lea na faia i tatou a o tatou le‘i fananau mai?*+
16 Afai sa ou musu e avatu se mea na manana‘o i ai ē matitiva,+Pe faapogaia le faanoanoa o mata o le fafine ua oti lana tane;*+
17 Afai na ou ʻai na o aʻu laʻu meaʻaiAe e lē tufa atu i tamaiti ua mātuaoti;+
18 (Auā talu mai loʻu talavou, na ma ola faatasi aʻe ma le tamaitiiti e mātuaoti* e pei o a‘u o lona tamā,Ma na ou taʻitaʻi pea le fafine ua oti lana tane* mai lava i lo‘u laʻitiiti.*)
19 Pe afai sa ou vaai i le fano o se tasi ina ua leai sona ofuPo o le tagata mativa ua leai sona lavalava;+
20 Afai e leʻi faamanuia mai o ia* iā te aʻu+A o ia faamāfanafana iā te ia i fulufulu mamoe o aʻu mamoe;
21 Pe afai na faalālā atu loʻu lima e faamataʻu i le tamaitiiti ua mātuaoti,+Ina ua ia manaʻomia laʻu fesoasoani i le faitotoʻa o le aai;*+
22 Ia paʻū ese loʻu lima* mai i lo‘u tauʻau,Ia gau foʻi loʻu lima i le tulilima.*
23 Auā ua ou mataʻu i le faaumatiaga mai i le Atua,Ua lē mafai foʻi ona ou tatalia lona mamalu.
24 Afai ou te faalagolago i auroPo ou te fai atu i auro lelei, ‘O oe o loʻu faatuatuaga!’+
25 Afai sa ou olioli i le tele o loʻu tamaoaiga+Ona ua ou maua le tele o mea;+
26 Afai sa ou vaaia le susulu mai o le lā*Po o le masina matagofie foʻi o loo alu ane;+
27 Ma ua ʻolegia faalilolilo loʻu lotoMa ua ou sogi i loʻu lima e tapuaʻi atu ai iā i latou;+
28 O se mea sesē foʻi lea e faasalaina ai aʻu e faamasino,Auā ua ou faafitia le Atua moni i lugā.
29 Pe na ou olioli i le faaumatiaga o loʻu fili+Pe fiafia ona ua oo se mea leaga iā te ia?
30 Ou te leʻi faatagaina loʻu gutu e agasala aiI le talosaga atu mo lona ola i se tautoga.+
31 Pe e leʻi faapea ane tagata o loʻu faleʻie,‘O ai e mafai ona faailoa mai se tasi e leʻi faamalieina i ana meaʻai?’*+
32 E leai se tagata ese* e moe i fafo i le pō;+Ou te tatalaina oʻu faitotoʻa i lē e faimalaga.
33 Pe na ou taumafai e ufiufi aʻu solitulafono e pei o isi tagata,+I le natia o aʻu mea sesē i le taga o loʻu ofu?
34 Pe na ou fefe i le tali mai a tagata e toʻatele,Pe na faamataʻu foʻi aʻu i le ʻinoʻino mai o isi aiga,Ua ou filemu ai ma fefe e alu i fafo?
35 Ma‘imau pe ana faalogo mai se tasi iā te aʻu!+
Ou te tusia lo‘u igoa i le mea na ou fai atu ai.
Ia tali mai Lē e ona le malosi uma lava iā te aʻu!+
Ma‘imau pe ana tusia e lē na molia a‘u ni moliaga i faamaumauga!
36 Ou te tauaveina i luga o loʻu tauʻau,Ou te fusia ai foʻi lo‘u ulu e pei o se pale.
37 Ou te faailoa atu iā te ia oʻu laasaga uma;Ou te faalatalata atu iā te ia ma le mautinoa, e pei o se perenise.
38 Afai e alaga mai loʻu laueleele ona o aʻuMa fetagisi faatasi ona fanua ua suatia;
39 Pe afai na ou ʻaina ona fua ae e lē faatauina,+Pe faapogaia le mapuitigā o ē e pule ai;+
40 Ia tupu mai mo a‘u le vao tuitui nai lo o le saitoMa le vao manogi leaga nai lo o le karite.”
Ona faaiʻu ai lea o upu a Iopu.
Faamatalaga Pito i Lalo
^ Pe atonu “ma tagata e lē faamaoni?”
^ Po o le “liaʻiina ē e tupuga mai iā te aʻu.”
^ Epe., “Ia tootutuli foʻi isi tamāloloa i ona luga.”
^ Po o le “liaʻiina.”
^ Po o le “latou molia aʻu i le tulafono.”
^ Epe., “i le manava.”
^ Epe., “le fole o mata o le fafine ua oti lana tane.”
^ Epe., “o ia.”
^ Epe., “mai i le manava o loʻu tinā.”
^ Epe., “ma ia.”
^ Epe., “lona sulugātiti.”
^ Pe atonu “Ina ua ou iloa i le faitotoʻa o le aai loʻu fesoasoani.”
^ Po o le “ivi tauʻau.”
^ Po o le “mai i lona sooga; mai i lona ponaivi i luga.”
^ Epe., “malamalama.”
^ Epe., “i aano o manu.”
^ Po o “se tagata ese e aumau.”
