Iopu 33:1-33
33 “O lenei Iopu e, seʻi e faafofoga mai faamolemole i aʻu upu;Ia faafofoga mai i aʻu upu uma.
2 Faauta, faamolemole! E tatau ona ou tautala atu;E tatau ona tautala atu loʻu gutu.*
3 Ou te tautala atu i le faamaoni o loʻu loto,+E tautala foʻi ma le faamaoni oʻu laugutu i mea ua ou iloa.
4 Na faia aʻu e le agaga o le Atua,+O le mānava foʻi a Lē e ona le malosi uma lava ua ou ola ai.+
5 Afai e te mafaia, ia e tali mai iā te aʻu;Ia e fai mai ni upu i oʻu luma; ia e sauni.
6 Faauta! ua pei aʻu o oe i le silafaga a le Atua moni;Na faia foʻi aʻu i le efuefu.+
7 E leai la se mea mataʻutia o iā te aʻu e te fefe ai,E lē mamafa foʻi aʻu upu i luga iā te oe.
8 Ae ua e saunoa mai a o oʻu faalogo,Ioe, ua ou faalogo atu pea i au saunoaga,
9 ‘Ou te amio mamā e aunoa ma ni solitulafono;+E mamā aʻu, e aunoa ma se mea sesē.+
10 Ae ua maua e le Atua mea e tetee mai ai iā te aʻu;Ua manatu o ia o aʻu o lona fili.+
11 Ua ia taofia oʻu vae i faamau;Ua ia iloiloina totoʻa oʻu ala uma.’+
12 Ae e lē saʻo oe i lenei mea, ou te tali atu ai iā te oe:
E sili atu le Atua i le tagata.+
13 Aiseā ua e finau atu ai i le Atua?+
Po ona ua lē tali mai ea o ia i au upu uma lava?+
14 Auā e faatasi ona fetalai le Atua ma ua faalua foʻi,Ae e lē uaʻi atu i ai se tasi,
15 I se miti po o se faaaliga i le pō,+Pe a momoegase tagata,A o latou momoe i o latou moega.
16 Ona ia tatala lea o o latou taliga+Ma ua ia faamauina lana faatonuga iā i latou,
17 Ina ia liliuese ai le tagata mai i gaoioiga sesē+Ma ia puipuia le tagata mai i le faamaualuga.+
18 Ua laveaʻi e le Atua o ia mai i le lua,*+Ma lona ola ina neʻi faaumatia i le pelu.*
19 Ua aʻoaʻia le tagata i tigā i luga o lona moegaMa le tigā pea o ona ponaivi.
20 Ua ʻinoʻino o ia* i meaʻai,Ma ua ia teena foʻi meaʻai lelei.+
21 Ua mou atu lona tino ua lē toe iloa atu,Ma ua aliali mai ona ponaivi sa lē iloa.
22 Ua latalata o ia i le lua;*O lona ola foʻi iā i latou e fasiotia.
23 Afai e iai se avefeʻau* mo ia,O se fofoga fetalai mai i le toʻaafe,E taʻu atu i le tagata le mea ua tonu,
24 Ona alofa lea o le Atua iā te ia ma fetalai atu,‘Ia laveaʻi iā te ia ina neʻi alu ifo i le lua!*+
Ua ou maua le togiola!+
25 Ia faafouina* lona tino e sili nai lo o le talavou;+Ia toe foʻi o ia i aso o le malaulau o lona talavou.’+
26 E ʻaiʻoi atu o ia i le Atua+ ina ia talia o ia,E na te iloa atu Ona fofoga ma le alaga o le olioli,E toe faafoʻisia mai foʻi e Ia lana amiotonu i le tagata.
27 E faapea* atu o ia i tagata,‘Ua ou agasala+ ma ua ou faapiʻoina le mea ua tonu,Ae e leʻi faasalaina ai aʻu.*
28 Ua ia laveaʻiina loʻu ola ia lē alu atu i le lua,*+Ou te iloa atu foʻi le malamalama.’
29 Faauta! O nei mea uma ua faia e le Atua,E faalua, e faatolu i le tagata,
30 Ina ia toe faafoʻi mai o ia mai i le lua,*Ina ia faamalamalamaina o ia i le malamalama o le ola.+
31 Iopu e, inā uaʻi mai ia! Inā faafofoga mai ia iā te aʻu!
Ia e filemu, ona ou tautala atu ai pea lea.
32 Pe afai e iai sau upu e fai mai, ia tali mai iā te aʻu.
Inā tautala ia, auā ou te mana‘o e faamaonia lau amiotonu.
33 Afai e leai sau upu, ia e faafofoga mai iā te aʻu;Inā filemu ia, ona ou aʻoaʻoina lea o oe i le atamai.”
Faamatalaga Pito i Lalo
^ Epe., “loʻu laulaufaiva i loʻu gutu.”
^ Po o “i se auupega.”
^ Po o le “tuugamau.”
^ Epe., “lona ola.”
^ Po o le “tuugamau.”
^ Po o “se agelu.”
^ Po o le “tuugamau.”
^ Po o le “mālōlōina.”
^ Epe., “pese.”
^ Pe atonu “Ae e leʻi tauia ai aʻu.”
^ Po o le “tuugamau.”
^ Po o le “tuugamau.”
