Iopu 36:1-33
36 Ua faapea atili mai Eliu:
2 “Seʻi e onosaʻi laʻitiiti mai lava a o o‘u faamatala atu,Auā e iai pea upu ou te fia ta‘u atu e fai ma sui o le Atua.
3 O le a ou ta‘u atu au‘ili‘ili mea ua ou iloa,Ou te taʻutaʻu atu foʻi le amiotonu o Lē na faia aʻu.+
4 O le mea moni, e lē pepelo aʻu upu;O loo faatasi foʻi ma oe o Lē e atoatoa lona poto.+
5 Faauta! e malosi le Atua+ ma e na te lē teena se tagata;E silisili lona malamalama.*
6 E na te lē faaolaina so o se tasi e amioleaga,+Ae e na te tuuina mai le faamasinogatonu mo ē ua puapuagatia.+
7 E lē aveesea foʻi ona fofoga mai i ē e amiotonu;+E na te faia i latou ma tupu,*+ ma faaeaina i latou e faavavau.
8 Ae afai e saisaitia i latou i filifili u‘ameaMa puʻea i maea o puapuaga,
9 E na te faailoa atu iā i latou mea ua latou faia,O a latou solitulafono ona o lo latou faamaualuluga.
10 E na te faapogaia i latou e faalogo i faasa‘ogaMa ta‘u atu e liliuese mai i mea sesē.+
11 Afai e latou te usiusitaʻi ma auauna iā te ia,O le a iʻu ma le manuia o latou olaga,Ma fiafia ai o latou olaga.+
12 Ae afai e latou te lē usiusitaʻi, e fano i latou i le pelu,*+Ma feoti ae e latou te lē iloa se mea.
13 O ē amioleaga* e latou te teuloto le ita.
E latou te lē alalaga atu mo se fesoasoani e tusa pe e na te saisaitia i latou.
14 E oti i latou a o talavou lava,+Ona o le faifaimea* faatasi ma tamāloloa talitane i le malumalu.+
15 Ae e lavea‘iina e le Atua* ē ua puapuagatia mai i o latou puapuaga,E na te faapogaia foʻi i latou e faalogo a o sauāina i latou.
16 E na te ta‘ita‘ieseina oe mai i puapuaga+Aga‘i i se mea vātele, e leai ni noanoataga,+I lau laoai e tumu i mea lololo e fai ma faamāfanafanaga.+
17 E faamalieina ai oe i le faamasinoga o ē e amioleaga,+Pe a faaoo le faamasinoga ma faatumauina le faamasinogatonu.
18 Ae ia e faaeteete ina ne‘i faaosoosoina oe e faia mea faatigā* ona o lou ita tele,+Aua foʻi neʻi taʻitaʻisesēina oe e se meaalofa telē faaalatua.
19 Pe e aogā ea lou alaga mo se fesoasoani?E oo lava i au taumafaiga malolosi e lē lavea‘ia ai oe mai i puapuaga.+
20 Aua e te naunau i le pō,Auā o le pō e mou atu ai tagata mai i o latou nofoaga.
21 Ia e leoleo iā te oe ina neʻi e liliu atu i le faia o mea leaga,I le filifilia o lenei mea nai lo o mea tigā.+
22 Faauta! Ua faasilisilia le Atua i lona mana;O ai ea sē e aʻoaʻo e pei o ia?
23 O ai e faatonuina* lona ala,+Pe faapea atu iā te ia, ‘Ua e faia le amiolētonu’?+
24 Ia manatua, ia e faasilisilia lana galuega+Lea na pepese ai tagata.+
25 Ua vāai i ai tagata uma lava,Ua iloa mamao atu fo‘i e tagata.
26 Ioe, e sili atu le Atua i lo o mea ua mafai ona tatou iloa;+E lē mafaitaulia* ona tausaga.+
27 Ua ia ave aʻe matāua o vai;+Ua avea ma timu ma puao;
28 Ua māʻuluʻulu mai ao,+Ua totō mai i luga o tagata.
29 Pe e mafai ona malamalama se tasi i faaputuga o ao,Ma le taalili o le faititili mai i lona faleʻie?*+
30 Ia vaai i le auala ua ia fofola ai i ona luga le malamalama,+Ua ia ufitia foʻi le ilititai i le sami.
31 O mea ia ua ia tausia ai* tagata;Ua ia foaʻi i ai le anoanoaʻi o meaʻai.+
32 Ua ia ufitia uila i ona aao,Ma e na te poloaʻi i ai le mea e taula‘i i ai.+
33 O lona faititili ua taʻu mai ai e uiga iā te ia,E oo fo‘i i lafumanu e mafai ona ta‘u mai lē* o loo alu a‘e.
Faamatalaga Pito i Lalo
^ Po o le “E silisili ese le malosi o lona finagalo.”
^ Pe atonu “E na te tofia tupu.”
^ Po o “i se auupega.”
^ Po o “ē ua fulitua i le Atua.”
^ Pe atonu “E iʻu o latou ola.”
^ Epe., “e ia.”
^ Po o le “e patipati ma le aamu.”
^ Pe atonu “faitioina; fesiligia.”
^ Po o le “lē masu‘esu‘eina.”
^ Epe., “fale lauvao.”
^ Pe atonu “ua ia finau ai mo.”
^ Pe atonu “le mea.”
