Iopu 37:1-24
37 “Ua matuā gatete lava loʻu loto i lenei mea,Ma ua tātāvale foʻi mai i totonu.
2 Inā outou faalogologo lelei atu ia i le taalili o lona siʻufofoga,Ma le faititili mai i lona fofoga.
3 Ua ia auina atu i lalo o le lagi atoa,Ma faaoo atu lona uila+ i tuluʻiga uma o le lalolagi.
4 Ua mavae lea, ona taalili mai lea o se leo;Ua taalili mai le faititili o lona siʻufofoga sili,+Ma e na te lē taofia na mea pe a lagonaina lona siʻufofoga.
5 Ua taalili le siʻufofoga+ o le Atua e pei o se faititili i se auala matagofie;Ua ia faia mea tetele e lē oo i ai lo tatou malamalama.+
6 Auā ua ia fetalai atu i le kiona, ‘Inā toʻulu ifo ia i le eleele,’+
Ma le maligi ifo o timuga, ‘Ia matuā maligi ifo.’+
7 Ua taofia e le Atua galuega a tagata uma*Ina ia iloa e tagata uma Lana galuega.
8 Ua ō atu manufeʻai i mea e lalafi ai,Ua nonofo pea i mea e lalafi ai.
9 E sau le matagi malosi mai i le potu i totonu,+E aumaia foʻi e matagi mai i mātū le mālūlū.+
10 O le mānava a le Atua ua aumaia ai le aisa+Ma o le lautele o le vai ua toʻa ai le aisa.+
11 Ioe, ua ia faamamafa le ao i le susū;Ua faataapeape foʻi e lona uila+ le ao;
12 E faataamilomilo i latou i so o se mea e na te faatonuina ai i latou;E latou te faatinoina so o sana poloaʻiga+ i luga o le fogāeleele.
13 E na te faaaogāina ao e faaoo mai ai faasalaga,*+E faasūsū ai le laueleele, pe faaalia ai lona alofa faamaoni.+
14 Iopu e, ia e faalogo mai i lenei mea;Ia e tū ma manatunatu i galuega ofoofogia a le Atua.+
15 Pe e te iloa le auala e faatonutonu* ai e le Atua aoMa le auala e na te faaemo mai ai le uila mai i le ao?
16 Pe e te iloa ea le auala e opeopea ai ao?+
O galuega ofoofogia ia a Lē e atoatoa lona poto.+
17 Aiseā e vevela ai ou ofuA o toʻafilemu le lalolagi ona o le matagi mai i saute?+
18 Pe e mafai ona oulua fofola* faatasi ma ia le lagi+Ua malō e pei o se faata ʻapamemea?
19 Ia faailoa mai iā i matou ni upu e fai atu iā te ia;Ua lē mafai ona matou tali atu ona ua matou iai i le pōuliuli.
20 Pe e taʻuina atu ea iā te ia ua ou fia tautala?
Po ua fai e se tagata se tala e tatau ona faamatala atu iā te ia?+
21 E lē mafai ona latou vāai i le malamalama,*E ui o loo pupula i le lagi,Se‘ia agi ane se matagi ma faamātafi ai ao.
22 E sau le pupula faaauro mai i le itu i mātū;E ofoofogia le mamalu+ o le Atua.
23 E lē mafai ona tatou malamalama i mea uma e faatatau i Lē e ona le malosi uma lava;+E silisili lona mana,+E na te lē solia lava lana faamasinogatonu+ ma le tele o lona amiotonu.+
24 O le mea lea, ia matataʻu tagata iā te ia.+
Auā e lē silasila o ia i tagata e manatu ua atamamai.”*+
Faamatalaga Pito i Lalo
^ Epe., “Ua tuu e le Atua se faamaufaailoga i lima o tagata uma.”
^ Epe., “le tootoo.”
^ Po o le “poloaʻia.”
^ Po o le “sasa.”
^ E faasino atu i le malamalama o le lā.
^ Epe., “i tagata ua atamamai i o latou loto.”
