Iopu 38:1-41
38 Ona tali mai lea o Ieova iā Iopu mai i le matagi malosi e faapea:+
2 “O ai lenei ua ia faafenumiaʻia la‘u fautuagaMa tautala e aunoa ma le poto?+
3 Ia e sauni* faamolemole, e pei o se tagata malosi;Seʻi oʻu fesili atu iā te oe, ona e faailoa mai lea iā te aʻu.
4 O fea na e iai a o o‘u faavaeina le lalolagi?+
Inā taʻu mai ia iā te aʻu, pe afai ua e malamalama.
5 O ai ea na ia fuaina pe afai ua e iloa,Po o ai foʻi na ia faataatia ai i luga le fua?
6 O le ā ua ia tuuina ai i luga lona faavae?Po o ai ea na faataatiaina lona maa tulimanu,+
7 Ina o alalaga faatasi ma le olioli fetu o le taeao,+Ma alalaga i viiga atalii uma o le Atua?*+
8 Ma o ai foʻi na ia pupuni le sami i faitotoʻa+Ina ua pā atu e pei ua sau mai i le manava,
9 Ina ua ou faia le ao ma ona ofuMa faia le pōuliuli tele ma ona pulupulu,
10 Ina ua ou tuu i ai ona tuaoiMa tuu ai foʻi ona faamaufaalava ma faitotoʻa,+
11 Ona ou faapea atu lea, ‘O le mamao lenei e te oo i ai, e te lē sopo‘ia;O i inei e gata ai ou galu maualuluga’?+
12 Pe na e poloaʻia ea le taeaoPe faasino atu i le tafa o ata le mea e aliali mai ai,+
13 Ina ia taofia tuluʻiga o le lalolagiMa lūlūina ese mai ai o ē e amioleaga?+
14 Ua liua o ia e pei o le omea i le faamaufaailoga,Ma o ona foliga ua tū mai e pei o se ofu.
15 Ae ua taofia le malamalama o ē e amioleaga mai iā i latou,Ua gau foʻi lo latou lima ua sii maualuga.
16 Po ua e alu ifo ea i mea e puna mai ai le suāsamiPe saʻili‘ili i mea loloto o le moana?+
17 Po ua faailoa atu ea iā te oe faitotoʻa o le oti?+Po ua e vaaia faitotoʻa o le pogisa tele?+
18 Po ua e malamalama ea i le lautele o le lalolagi?+
Inā taʻu mai ia pe afai ua e iloa na mea uma.
19 O fea le ala e nofo ai le malamalama?+
O fea fo‘i le nofoaga o le pōuliuli,
20 Ina ia e momoli atu i ināMa e malamalama i le ala i lona fale?
21 Po ua e iloa ea ia mea talu ai o le taimi lenā ua e fanau ai,Ma ona ua tele ou tausaga?*
22 Po ua e ulu atu ea i fale e teu ai le kiona,+Po ua e vaai ea foʻi i fale e teu ai le uatoʻa,+
23 O mea ia na ou taofia mo le taimi o puapuaga,Mo le aso e tau ai le taua?+
24 O fea le ala e salalau atu ai le malamalama,*Ma o fea e sau ai le matagi mai sasa‘e lea e agi atu i luga o le fogāeleele?+
25 O ai ua vaevaeina le alāvai mo lologaMa faia le ala mo le ao faititili,+
26 Ina ia timu mai i le mea e lē o nofo ai se tagata,I luga o le toafa e lē o iai ni tagata,+
27 Ina ia faamalie nofoaga ua faatafunaina ma gaogaoMa faatutupuina le mutia?+
28 Pe e iai se tamā o le timu,+Po o ai foʻi na fanaua le sau?+
29 O le manava o ai na fanauina le aisa?O ai foʻi na fanaua le sautoʻa mai i le lagi+
30 Ina ua ufitia le vai e pei o se maa,Ma ua toʻa luga o vai loloto?+
31 Pe e mafai ona e nonoa noataga o faaputuga o fetu o Kima*Pe tatalaina manoa o faaputuga o fetu o Kisila?+
32 Pe e mafai ea ona e faaooina mai se faaputuga o fetu* i lona lava tauPe taʻitaʻiina faaputuga o fetu o Asa faatasi ma lana fanau?
33 Po ua e iloa tulafono e faatonutonu ai le lagi,+Pe e mafai fo‘i ona e tuuina atu la latou* pule i le lalolagi?
34 Pe e mafai ona e faaoo atu lou leo i aoIna ia faapogaia vai e tele e ufitia ai oe?+
35 Pe e mafai ona e aauina atu uila?
Po o le a latou ō mai ma faapea mai iā te oe, ‘O i matou nei!’?
36 O ai e tuuina le atamai i ao*+Pe avatu le malamalama i mea e tutupu i le lagi?*+
37 O ai moni lava e na te mafai ona faitauina ao i lona atamai,Po o ai foʻi e na te mafai ona liligi ifo faguvai o le lagi+
38 Pe a liu palapala le efuefuMa pipii faatasi faaputuga eleele?
39 Pe e mafai ona e saʻilia ni meaʻai mo le leonaPe faamalieina le fia aai o tamaʻi leona+
40 Pe a latou faapupuna i mea e lalafi aiPe e taooto pea ma faatalitali e osofaʻi?
41 Po o ai ea e saunia meaʻai a oreva+Pe a fetagisi atu lana toloaʻi i le Atua mo se fesoasoaniA o latou feoaʻi solo ona ua leai ni meaʻai?
Faamatalaga Pito i Lalo
^ Epe., “Inā fusi ia o lou sulugātiti.”
^ O se faaupuga Eperu e faasino atu i atalii agelu o le Atua.
^ Epe., “aso.”
^ Pe atonu “le uila.”
^ O igoa nei o faaputuga fetu e foliga e pei o ni manu po o isi mea pe a tilotilo mamao atu mai i le lalolagi.
^ Epe., “Masarota.”
^ Pe atonu “Lana.”
^ Pe atonu “i totonu o le tagata.”
^ Pe atonu “i le mafaufau.”
