Iopu 7:1-21
7 “Pe e lē pei ea le ola o le tagata i le lalolagi o se galuega mamafa,Ma po ua lē pei ea ona aso o aso o le tagata faigaluega?+
2 Ua matuā naunau o ia i le paolo e pei o se pologa,Ua faatalitali foʻi o ia i lona totogi e pei o se tagata faigaluega.+
3 O loʻu tofi o masina lē aogā iaMa o loʻu taui o pō e puapuagatia ai.+
4 Pe a ou taoto, ou te fesili ifo, ‘O afea ou te tulaʻi ai?’+
Ae i le leva o le pō, ou te lē mapu i le feliuliua‘i seʻia oo ina tafa mai ata o le taeao.
5 Ua lilofia loʻu tino i ilo ma mea patupatu o le pefu;+Ua paʻupaʻua loʻu paʻu, ma ua tafe mai ai le sua.+
6 Ua sili atu le televavave o oʻu aso nai lo o le nila a lē e lalaga,+Ma ua oo ina uma e aunoa ma se faamoemoe.+
7 Ia manatua, o loʻu ola o le matagi lava lea,+E lē toe vaai foʻi oʻu mata i le fiafia.*
8 E lē toe iloa mai aʻu e mata o lē e vaai mai iā te aʻu;E silasila mai ou fofoga iā te aʻu, ae ua ou leai.+
9 E pei o le ao lea e taape ma mou atu,O lē e alu ifo i le Tuugamau,* e lē toe alu aʻe o ia.+
10 E lē toe foʻi mai o ia i lona fale,E lē toe iloa lava foʻi o ia i le mea sa iai.+
11 O lea, ou te lē taofia loʻu gutu.
Ou te tautala atu i le tigā o loʻu agaga;Ou te faitio i le tigā o loʻu loto!+
12 Po o aʻu ea o le sami po o se meaola lapoʻa o le sami,Ua e tofia ai se leoleo iā te aʻu?
13 Pe a ou faapea ane, ‘E faamāfanafana aʻu e loʻu moega;E fesoasoani loʻu moega e faamāmā oʻu mafatiaga,’
14 Ona e faaatuatuvale lea o aʻu i miti,Ma ua e faafefe aʻu i faaaliga,
15 O lea, ua ou filifili ai ina ia ou mole,Ioe, ia ou oti nai lo o loʻu lava tino.*+
16 Ua ou ‘ino‘ino i lo‘u ola;+ ou te lē fia ola pea.
Tuu ai pea aʻu, auā ua faatauvaa* oʻu aso.+
17 Se ā ea le tagata ua e tausia ai o iaMa ua e manatu mamafa mai ai* iā te ia?+
18 Aiseā e te asiasi mai ai iā te ia i taeao umaMa e tofotofoina o ia i taimi uma?+
19 Pe e lē ʻalo ea ou fofoga mai iā te aʻuMa tuu ai pea aʻu seʻia ou foloina oʻu fāua?+
20 Afai ua ou agasala, pe e aafia ai oe, o Lē e silasila mai i tagata?+
Aiseā ua e fai ai aʻu ma au taulaʻiga?
Po ua avea aʻu ma avega iā te oe?
21 Aiseā ua e lē faamagalo ai aʻu solitulafonoMa faagalo ai oʻu sesē?
Auā ua toeitiiti ona ou taoto lea i le efuefu,+E te saʻili mai foʻi iā te aʻu, ae ua ou leai.”
Faamatalaga Pito i Lalo
^ Epe., “i le lelei.”
^ Po o “Seoli.” Tagaʻi i le Uiga o Upu.
^ Epe., “nai lo o oʻu ivi.”
^ Epe., “ua pei o le mānava.”
^ Epe., “ua uaʻi mai ai lou loto.”
