Iosua 12:1-24
12 O tupu nei o nuu na faatoʻilaloina e tagata Isaraelu, o ē e ona laueleele na fai mo tagata Isaraelu i le itu i sasa‘e o Ioritana, e mai i le vanu o Arinona*+ e oo atu i le mauga o Heremoni,+ ma Arapa* atoa e agaʻi i le itu i sasa‘e:+
2 o Sekono+ le tupu o tagata Amorī o lē na nofo i Hesepona, na pule e amata mai i Aroeru+ lea e i auvai o le vanu o Arinona,*+ ma mai i le ogatotonu o le vanu ma le ʻafa o Kiliata, e oo atu i le vanu* o Iapoka, o le tuaoi lea o tagata Amonī.
3 Na pule foʻi o ia i Arapa e oo atu i le vai o Kinereta*+ e agaʻi i le itu i sasaʻe, ma e oo i le sami o Arapa, o le Sami Oona* lea, i le itu i sasaʻe i le ala i Pete-semota, e agaʻi i saute i lalo ifo o malifa o Peseka.+
4 E faapea foʻi laueleele o Oko+ le tupu o Vasana, o se tasi na totoe o tagata Rafaimi,+ o lē na nofo i Aserota ma Eterei,
5 ma o lē na pule i le mauga o Heremoni, i Saleka, ma i Vasana uma,+ e oo atu i le tuaoi o tagata Kasuri ma tagata Maakati,+ ma le ʻafa o Kiliata, e agaʻi i le tuaoi o le laueleele o Sekono le tupu o Hesepona.+
6 Na faatoʻilaloina i la‘ua e Mose le auauna a Ieova ma tagata Isaraelu,+ ma na avatu mulimuli ane e Mose le auauna a Ieova o laʻua laueleele e fai ma tofi o tagata Reupena, ma tagata Kato, ma le ʻafa o le ituaiga o Manase.+
7 O tupu nei o nuu na faatoʻilaloina e Iosua ma tagata Isaraelu, i le itu i sisifo o Ioritana, e amata mai i Paala-kato+ i le vanu o Lepanona+ e oo atu i le mauga o Kalaka,+ ma alu aʻe ai i Seira,+ ia na avatu mulimuli ane e Iosua o latou laueleele i ituaiga o Isaraelu, e fai mo latou tofi e tusa ma le vaevaeina o i latou,+
8 i le vaega maugā, i Sefila,* i Arapa, i malifa, i le toafa, ma i Nekepi,*+ o laueleele o tagata Hetī, o tagata Amorī,+ o tagata Kanana, o tagata Perisē, o tagata Hivī, ma tagata Iepusē:+
9 O le tupu o Ieriko;+ o le tupu o Ai+ lea e latalata i Peteli;
10 o le tupu o Ierusalema; o le tupu o Heperona;+
11 o le tupu o Iaremuta; o le tupu o Lakisa;
12 o le tupu o Ekelona; o le tupu o Kasera;+
13 o le tupu o Tiperi;+ o le tupu o Kete;
14 o le tupu o Horema; o le tupu o Arata;
15 o le tupu o Lipena;+ o le tupu o Atulame;
16 o le tupu o Maketa;+ o le tupu o Peteli;+
17 o le tupu o Tapua; o le tupu o Eferu;
18 o le tupu o Afeka; o le tupu o Lesarona;
19 o le tupu o Matona; o le tupu o Hasora;+
20 o le tupu o Semarona-merona; o le tupu o Akasafa;
21 o le tupu o Tanaka; o le tupu o Mekito;
22 o le tupu o Ketesa; o le tupu o Iokeneama+ i Karamelu;
23 o le tupu o Toro+ i malifa o Toro; o le tupu o Koima i Kilikala;
24 o le tupu o Tiresa; o nei tupu uma e toʻa 31.
Faamatalaga Pito i Lalo
^ Po o “le fanua laugatasi o le toafa.”
^ Po o le “ālia o Arinona.”
^ Po o le “ālia o Arinona.”
^ Po o le “ālia.”
^ E faasino atu i le Sami Mate.
^ E faasino atu i le vaituloto o Kenesareta, po o le sami o Kalilaia.
^ Po o “le fanua maulalo.”
^ Po o “le itu i saute.”