Isaia 11:1-16
11 O le a tupu mai se lālā itiiti+ i le pogati o Iese,+O le a tupu mai foʻi se tātupu+ i ona aa ma o le a fua mai.
2 O le a tumau iā te ia le agaga o Ieova,+O le agaga o le atamai+ ma le malamalama,O le agaga o le fautuaga ma le mana,+O le agaga o le poto ma le mataʻu iā Ieova.
3 E fiafia o ia i le mataʻu iā Ieova.+
O le a lē faamasino e ia e tusa ma mea e vaai i ai ona mata,E lē aʻoaʻi atu foʻi e tusa ma mea e faalogo i ai ona taliga.+
4 E faamasino e ia ma le amiotonu ē e faatauvaa,E aʻoaʻi atu foʻi e ia ma le amio saʻo ina ia maua aogā e tagata agamalu o i le lalolagi.
O le a taia e ia le lalolagi i le tootoo o lona fofoga;+Ma o le a faaumatia e ia o ē e amioleaga i afioga mai i lona fofoga.+
5 E fai le amiotonu ma fusi o ona suilapalapa,E fai foʻi le faamaoni ma fusi o ona puimanava.+
6 O le a mālōlō faatasi le luko ma le tamaʻi mamoe poʻa,+O le a taooto faatasi le tamaʻi ʻoti ma le nameri,*E faatasi foʻi le tamaʻi povi ma le leona taanoa ma le manu peti;*+Ma o le a taʻitaʻiina i latou e le tamaitiiti.
7 E aai faatasi le povi fafine ma le pea;E taooto faatasi a laʻua fanau.
E ʻai e le leona vao mamago e pei o le povi poʻa.+
8 O le a taalo foʻi le tama e leʻi teʻa ma le susu i le lua o le asipi,*E tuu atu e le tama ua teʻa ma le susu lona lima i le lua o le gata uogo.
9 E latou te lē faia se mea e lamatia ai+Pe faaleagaina se mea i loʻu mauga paia uma,+Auā o le a tumu le lalolagi i le poto e uiga iā IeovaE pei ona ufitia o le ilititai i le suāsami.+
10 O lea aso, o le a tulaʻi ai le aa o Iese+ e fai ma faailoilo* mo nuu.+
E saʻili atu iā te ia nuu mo se taʻitaʻiga,+Ma e matagofie lona afioaga.
11 O lea aso, e toe tuu faalua atu ai e Ieova lona aao ina ia aoaoina ē o totoe o lona nuu, o ē o totoe mai i Asuria,+ mai i Aikupito,+ mai i Patoro,+ mai i Kuso,+ mai i Elama,+ mai i Senara,* mai i Amato ma motu o le sami.+
12 O le a faatūina e ia se faailoilo* mo nuu ma aoaoina ē ua faataapeapeina o Isaraelu,+ ma o le a ia faapotopotoina foʻi ē ua salalau solo o Iuta mai i pito e fā o le lalolagi.+
13 O le a mavae atu le lotoleaga o Efaraima,+Ma e faaumatia i latou o ē e feita iā Iuta.
O le a lē lotoleaga Efaraima iā Iuta,Pe e ita foʻi Iuta iā Efaraima.+
14 E la te osofaʻia malifa* o Filisitia i le itu i sisifo;E la te faoa faatasi oloa a tagata o atunuu i Sasaʻe.
O le a la faatoʻilaloina Etoma+ ma Moapi,+Ma e usiusitaʻi tagata Amonī iā i laʻua.+
15 O le a vaevaeina* e Ieova le vaifagaloa* o le sami o Aikupito+Ma e faalālā atu lona aao i le Vaitafe.*+
I le aasa o lona agaga paia, e na te taia ai le vaitafe i ona tafega e fitu,E faaui atu ai e ia tagata ia sopoʻia i o latou seevae tosotoso.
16 O le a iai se ala tele+ mo ē o le a totoe o lona nuu,+ e ō ese ai mai i Asuria,E pei lava ona sa iai se ala mo Isaraelu i le aso na latou ō mai ai, mai i le atunuu o Aikupito.
Faamatalaga Pito i Lalo
^ Tagaʻi i le Uiga o Upu.
^ Pe atonu “E aai faatasi le tamaʻi povi ma le leona.”
^ Tagaʻi i le Uiga o Upu.
^ Po o le “pou faailoilo.”
^ E faasino atu iā Papelonia.
^ Po o le “pou faailoilo.”
^ Epe., “felelei atu i le tauʻau.”
^ Pe atonu “faapaʻumātū.”
^ Epe., “laulaufaiva.”
^ E faasino atu i le vaitafe o Eufirate.
