Isaia 55:1-13
55 O outou uma o ē o fia feinu,+ inā ō mai ia i le vai!+
O outou foʻi e leai ni tupe, inā ō mai ia e faatau ma aai!
Ioe, inā ō mai ia e faatau le uaina ma le susu+ e aunoa ma se tupe, ma e leai foʻi se tau.+
2 Aiseā ua outou totogi atu ai pea tupe i mea e lē o ni meaʻai,Ma aiseā foʻi e faaalu ai a outou tupe* i mea e lē faamalieina ai outou?
Ia faalogo lelei mai iā te aʻu, ma aai i mea lelei,+Ona matuā fiafia ai lea o outou loto i mea lololo.+
3 Inā uaʻi mai ia o outou taliga ma ō mai iā te aʻu.+
Inā faalogo mai ia ma outou feola ai pea,O le a ou osia ma outou se feagaiga e tumau e faavavau,+E tusa ai ma faaaliga o le alofa faamaoni iā Tavita, lea e moni lava.*+
4 Faauta! Ua ou avatu o ia e fai ma molimau+ i nuu,E fai foʻi ma taʻitaʻi+ ma taʻitaʻiʻau+ i nuu.
5 Faauta! E te valaau atu i se nuu e te lē iloa,Ma e taufetuli mai iā te oe se nuu o ē e leʻi iloa oe,Ona o Ieova lou Atua,+ ma o Lē e Paia o Isaraelu,Auā e na te faamamaluina oe.+
6 Ia outou saʻili atu iā Ieova manū o maua o ia.+
Ia valaau atu iā te ia manū o latalata mai o ia.+
7 Ia lafoaʻi e le tagata amioleaga lona ala,+Ia lafoaʻi foʻi e le tagata faufau leaga ona manatu;Ia foʻi mai o ia iā Ieova, o lē e alofa mutimutivale iā te ia,+Ma i lo tatou Atua, auā e na te matuā faamagaloina lava.+
8 “Auā o o outou manatu e lē o oʻu manatu ia,+O oʻu ala foʻi, e lē o outou ala ia,” ua fetalai mai ai Ieova.
9 “Auā e pei ona maualuga o le lagi i le lalolagi,E faapena ona maualuga o oʻu ala i o outou ala,Ma oʻu manatu i o outou manatu.+
10 Auā e pei ona totō ifo o le timu ma le kiona mai i le lagi,Ma lē toe foʻi atu i ai, seʻiloga ua matuā faasūsūina le laueleele e faatupu ai laau ma fua mai,Ma maua ai fatu a lē e lūlū fatu ma le falaoa a lē e ʻai ai,
11 E faapea foʻi laʻu upu e alu atu mai i loʻu gutu.+
E lē foʻi fua mai iā te aʻu,+Ae e faataunuuina so o se mea ou te fiafia* i ai,+E taulau foʻi e tusa ma le mea na ou auina atu ai.
12 Auā o le a outou ō atu ma le olioli,+Ma o le a toe aumaia outou ma le filemu.+
O le a olioli mauga ma aʻega i o outou luma i le alaga fiafia,+E patipati foʻi lima o laau i le fanua.+
13 O le a tupu aʻe le laau o le perosi nai lo o le laau tuitui,+Ma o le a tupu aʻe foʻi le laau o le atasi nai lo o le laau matuitui.
E avea ma se mea taʻutaʻua mo Ieova,+O se faailoga e faavavau, lea e lē mavae atu.”
Faamatalaga Pito i Lalo
^ Po o “tupe e maua mai i galuega mamafa.”
^ Po o le “maufaatuatuaina.”
^ Po o “ou te finagalo.”
