Le Pese a Solomona 6:1-13
6 “O oe lenā e sili ona lalelei i fafine,O fea ua alu i ai lau pele?
O fea ua afe ane i ai lau pele?
Se‘i o tatou saʻili iā te ia faatasi ma oe.”
2 “Ua alu ifo laʻu pele i lona togālaau,O le togālaau o laau manogi,E leoleo ai i togālaauMa tau mai lili.+
3 O laʻu pele e ona aʻu,Ma o aʻu e ona laʻu pele.+
O loo fafaga lana lafu i laufanua o loo iai lili.”+
4 “Laʻu pele e,+ ua lalelei oe e pei o Tiresa,*+Ua lalelei e pei o Ierusalema,+E matagofie e pei o ʻautau ua faapotopoto faatasi i o latou tagāvai.+
5 Inā liliuese ia ou fofoga+ mai iā te aʻu,Auā ua ou fefe ai.
O lou lauulu ua pei o lafu ʻotiUa ō ifo mai i mauga o Kiliata.+
6 O ou nifo ua pei o se lafu mamoeUa ō aʻe mai i le tāʻelega,O i latou uma e tofu ma le masaga,E leai se tasi o i latou ua leiloa sana tama.
7 Ua pei o ni fasi rimoniOu alafau* mai i totonu o lou ʻie ufimata.
8 Atonu e toʻa 60 masiofo,E toʻa 80 palake,Ma le lē mafaitaulia o tamaʻitaʻi talavou.+
9 Ae e na o le toʻatasi o laʻu lupe lea,+ o lē ua lē ponā.
O ia o le tama teine e toʻatasi a lona tinā.
O ia o le pele* a lē na fanaua o ia.
Na vāai teine iā te ia ma na latou faaamuia iā te ia;O masiofo ma palake, na latou viiviia foʻi o ia.
10 ‘O ai lenei ua susulu* e pei o le tafa o ata,E lalelei e pei o le masina ua atoa,E mamā e pei o le pupula o le lā,E matagofie e pei o ʻautau ua faapotopoto faatasi i o latou tagāvai?’”+
11 “Na ou alu ifo i le togālaau o laau ʻaina,+E vaavaai i fuga o laau i le vanu,*Ina ia iloa ai po ua fua mai le vine,Po ua fuga mai foʻi laau o rimoni.
12 Ae ou te leʻi iloaina,O loʻu naunau ua tuuina ai aʻuI kariota a oʻu tagata aloa‘ia.”*
13 “Le Sulami e, inā foʻi mai ia, inā foʻi mai ia!
Inā foʻi mai ia, inā foʻi mai ia,Ina ia o matou vaavaai atu ai iā te oe!”
“Aiseā e tou te fia maimoa ai i le Sulami?”+
“E pei o ia o le siva a ni ʻau se lua!”*
Faamatalaga Pito i Lalo
^ Po o “le Aai Matagofie.”
^ Po o “manifinifi.”
^ Epe., “o lē ua mamā.”
^ Epe., “ua silasila ifo.”
^ Po o le “ālia.”
^ Po o “tagata lotofesoasoani.”
^ Po o “le siva a Maanaima.”
