Malaki 4:1-6
4 “Auā faauta! o loo fotuaʻi mai le aso e mumū e pei o le ogaumu,+ e avea ai ē uma e faamaualuluga ma ē uma e faia mea leaga e pei o tagutugutu o saito. E faatamaʻia lava i latou i le aso o loo fotuaʻi mai,” ua fetalai mai ai Ieova o ʻau, “ma e lē faatotoeina lava iā i latou se aa po o se lālā laau.
2 Ae o outou o ē e faaaloalo* i loʻu igoa, o le a susulu atu iā te outou le lā o le amiotonu, e iai foʻi faamālōlōga i ona ave;* e tou te osooso fo‘i e pei o tamaʻi povi pepeti.”
3 “E tou te solia o ē e amioleaga, auā o le a pei i latou o le efuefu i lalo o o outou alofivae i le aso ou te gaoioi ai,” ua fetalai mai ai Ieova o ʻau.
4 “Ia manatua le Tulafono a laʻu auauna o Mose, o tuutuuga ma faamasinoga na ou poloaʻi atu ai i Horepa ina ia usita‘ia e Isaraelu uma.+
5 “Faauta! Ou te auina atu iā te outou o Elia le perofeta,+ a o leʻi oo mai le aso tele ma le mataʻutia o Ieova.+
6 O le a ia faaliliuina loto o tamā i atalii,+ ma loto o atalii i tamā, ina neʻi oʻu alu atu ma taia le lalolagi ma tuu atu ia faaumatia.”
