Mika 3:1-12
3 Ua ou fai atu: “Faamolemole, ia faalogo mai outou o ulu o le aiga o IakopoMa outou o taʻitaʻiʻau o le aiga o Isaraelu.+
Pe e lē tatau ea ona outou iloa le mea e tonu?
2 Ae ua outou ʻinoʻino i mea lelei+ ma fiafia i mea leaga;+Ua outou saeese paʻu o o‘u tagata ma aano mai i o latou ponaivi.+
3 Ua outou aai foʻi i aano o loʻu nuu,+Ua outou saeese o latou paʻu,Ua nutililii o latou ponaivi, ma vaevaeina i latou+E pei o mea ua faavelaina i le ulo,* e pei foʻi o aano ua faavelaina i se ulo.
4 I lenā taimi, e latou te alalaga atu ai iā Ieova mo se fesoasoani,Ae e lē tali mai o ia iā i latou.
E ʻaloese foʻi ona fofoga mai iā i latou i lenā taimi,+Auā ua leaga a latou mea e fai.+
5 O le fetalaiga lenei a Ieova e faatatau i perofeta o ē ua faasesē i loʻu nuu,+Ua ū o latou nifo+ ma valaau atu, ‘Ua filemu!’+Ae pe a lē tuu atu e se isi se mea i o latou gutu, ona latou sauni* lea e tau ma ia:
6 ‘E oo iā te outou le pō;+ o le a leai se faaaliga;+E na o le pogisa o le a oo iā te outou, e leai ai se valovaloga faataulāitu.
E goto foʻi le lā i luga o ia perofeta,Ma pogisa ai le ao iā i latou.+
7 E māsiasi o ē e vāai i faaaliga,+E lē fiafia foʻi o ē e faia valovaloga faataulāitu.
E ufiufi foʻi e i latou uma a latou ʻavaaluga,*Auā e leai se tali mai i le Atua.’”
8 A o aʻu, ua tumu aʻu i le mana ona o le agaga o Ieova,O le faamasinotonu foʻi ma le malosi,Ina ia taʻu atu iā Iakopo o lana fouvalega, ma Isaraelu o lana agasala.
9 Faamolemole, ia faalogo mai i lenei mea, o outou o ulu o le aiga o Iakopo,Ma taʻitaʻiʻau o le aiga o Isaraelu,+O ē e ʻinoʻino i le faamasinotonu ma o ē e faapiʻopiʻo i mea saʻo uma,+
10 O ē ua atiaʻe Siona i le faamasaatoto ma atiaʻe Ierusalema i le amiolētonu.+
11 Ua faia e ona taʻitaʻi* le faamasinoga mo se foa‘i faaalatua,+Ua aʻoaʻo atu foʻi ona ositaulaga mo se totogi,+Ua faia e ona perofeta valovaloga faataulāitu ona o le mananaʻo i tupe.*+
Ae ua latou faalagolago iā Ieova* ma faapea ane:
“Pe e lē o faatasi ea Ieova ma i tatou?+
E lē oo mai iā i tatou se mala.”+
12 O lea, ona o outou,O le a suatia ai Siona e pei o se fanua,E avea foʻi Ierusalema ma faaputuga o mea ua faatafunaina,+Ma e avea le mauga o le Fale* e pei o mea maualuluga i se vaomatua.+
Faamatalaga Pito i Lalo
^ Po o le “ulo e telē le gutu.”
^ Epe., “faapaia.”
^ Po o “o latou gutu.”
^ Po o le “Ae ua latou faapea mai o loo faalagolago iā Ieova.”
^ Po o “siliva.”
^ Epe., “ulu.”
^ Po o le “mauga o le malumalu.”
