Mika 6:1-16
6 Faamolemole, ia outou faalogo i le mea ua fetalai mai ai Ieova.
Inā tulaʻi ia ma tuuina atu se mataupu faaletulafono i luma o mauga,Ma ia faalogo foʻi aʻega i lou leo.+
2 Mauga e, ia faalogo mai i le mataupu faaletulafono a Ieova,O outou foʻi faavae malolosi o le lalolagi,+Auā ua iai se mataupu faaletulafono a Ieova ma lona nuu;O le a finau ai o ia ma Isaraelu:+
3 “Loʻu nuu e, o le ā ea laʻu mea ua fai iā te oe?
Ua faapefea ona ou faatigā iā te oe?+
Ia e faailoa mai lau molimau faasaga iā te aʻu.
4 Auā na ou aumaia oe mai i le atunuu o Aikupito,+Na ou laveaʻi foʻi iā te oe mai i le mea na e nofo pologa ai;+Na ou aauina atu i ou luma Mose, Arona, ma Miriama.+
5 Loʻu nuu e, faamolemole ia manatua le fuafuaga a Palako le tupu o Moapi,+Ma le tali na fai atu ai Palaamo le atalii o Peoro iā te ia,+Ia manatua mea na tutupu e amata mai i Setima+ e oo atu i Kilikala,+Ina ia e iloa ai galuega amiotonu a Ieova.”
6 O le ā se mea ou te alu atu ma aʻu i luma o Ieova?
O le ā se mea ou te avatua pe a ou ifo i le Atua i lugā?
Po ou te alu atu ea i ona luma ma ni taulaga mū,O tama‘i povi poʻa e taʻitasi tausaga?+
7 Pe e fiafia ea Ieova i le faitau afe o mamoe poʻa,Ma le faitau sefulu afe o tafega o suāuu?+
Po ou te avatu ea loʻu atalii ulumatua mo laʻu fouvalega,O loʻu lava atalii mo laʻu agasala?+
8 Le tagata e, ua ia fetalai mai iā te oe i le mea lelei.
O le ā foʻi se mea ua finagalo* ai Ieova iā te oe?
Tau ina ia faia o le mea ua tonu,+ ia fiafia i le faamaoni,*+Ma ia savavali ma le faamaulalo+ ma lou Atua!+
9 O loo alaga le siʻufofoga o Ieova i le aai;O le tagata ua iai le atamai aogā e mataʻu i lou suafa.
Ia outou faalogo i le sasa ma lē na faatonuina le faasalaga.+
10 Po ua iai pea i le fale o lē e amioleaga oloa o le amioleaga,Ma le fua sesē* o le efa* ua taʻusalaina?
11 Po ou te amio mamā ea a o loo iai fua faatautau faapiʻopiʻoMa le ato o loo iai maa taufaasesē mo le fua faatautau?+
12 Auā ua tumu i le sauā ona tagata mauoloa,Ma ua tautatala ona tagata i le pepelo;+O o latou laulaufaiva foʻi i o latou gutu ua taufaasesē ia.+
13 “O lea, ou te taia oe ina ia e manu‘a ai,+Ma faatafunaina ai oe ona o au agasala.
14 E te ʻai ae e te lē maʻona;E te mole manava pea.+
O mea e te aveesea, e lē mafai ona e faasaoina,Ma o mea foʻi ua e faasaoina, ou te tuuina atu i le pelu.
15 E te lūlū fatu ae e te lē seleseleina.
E te soli olive ae e te lē faaaogāina le suāuu;E te faia foʻi le uaina fou ae e te lē inu i se uaina.+
16 Auā ua e tausia tulafono a Omeri ma faata‘ita‘i i amioga a le aiga o Aapo,+Ma ua e savali e tusa ma a laʻua fautuaga.
O le mea lea, ou te faia ai oe ma mea e fefefe aiMa mea e tuufaaili i ai ē ua mau i le aai;+Ma e te tauaveina tauemuga mai i isi nuu.”+
Faamatalaga Pito i Lalo
^ Po o le “ia agalelei ma faamaoni i lou alofa.” Epe., “ia fiafia i le alofa faamaoni.”
^ Po o le “talosaga mai.”
^ Po o “le fua e lē atoa.”
